Անհավասար մոտեցում. Երևանում մեկ բնակչին բաժին ընկնող եկամուտները 2,5 անգամ ավելին են, քան մյուս համայնքներում
20.12.2018
Դեկտեմբերի 19-ին Ծաղկաձորում տեղի ունեցավ Հայաստանի համայնքների միության ֆինանսաբյուջետային հարցերի հանձնաժողովի նիստը, որին մասնակցեցին անդամ համայնքների ղեկավարներ: Նիստի ընթացքում քննարկվեցին ֆինանսական ապակենտրոնացմանը վերաբերվող հարցեր։
Քննարկում ծավալվեց հատկապես ֆինանսական համահարթեցման ներկա համակարգի վերաբերյալ, մասնավորապես, Երևան քաղաքին ֆինանսական համահարթեցման դոտացիա հատկացնելու մոտեցումների վերաբերյալ: Փորձագետները մտահոգություն հայտնեցին՝ հաշվարկների հիմքում ընկած է անհավասար ֆինանսական համահարթեցման իրականացման մոտեցում: Մասնավորապես բարձրաձայնվեց մի մտահոգիչ փաստ. «Երևան քաղաքում մեկ բնակչին բաժին ընկնող եկամուտներն՝ առանց ֆինանսական համահարթեցման դոտացիաների, 2014-2018-ը միջինը կազմել է 57.9 հազար դրամ, իսկ նույն ցուցանիշը ֆինանսական համահարթեցման դոտացիաների հետ միասին միջինը կազմել է 69.6 հազար դրամ: Մնացած համայնքների մեկ բնակչին բաժին ընկնող եկամուտներն՝ առանց ֆինանսական համահարթեցման դոտացիաների, 2014-2018-ը, միջինը կազմել է 10,5 հազար դրամ, իսկ նույն ցուցանիշը ֆինանսական համահարթեցման դոտացիաների հետ միասին միջինը կազմել է 27.3 հազար դրամ կամ Երևանի ցուցանիշից 59.1 հազար դրամով պակաս (2,5 անգամ պակաս): Սա նշանակում է, որ դոտացիաների հատկացման գործող համակարգը համայնքների ֆինանսական հնարավորությունների միջև առկա տարբերությունները չի նվազեցնում»:
ԵԽ փորձագետ Արտակ Երգենյանը մտահոգություն հայտնեց նման անհավասար մոտեցման վերաբերյալ. «Անընդունելի է, որ ֆինանսական համահարթեցման դեպքում ունենք անհավասար մոտեցում: Փաստացի Երևանում մեկ բնակչին բաժին ընկնող եկամուտները 2,5 անգամ ավելին են, քան մյուս համայնքներում: Սա անընդունելի մոտեցում է, որ մի համայնքում ֆինանսական համահարթեցումը կատարվում է մյուս համայնքների հաշվին»:
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Country-specific training on “Establishment of Municipal Energy Management System (EnMS)...
10:04
01 11 2023
An extremely unpleasant experience for those on the receiving end, verbal abuse and physical...
13:26
30 10 2023
The Congress of Local and Regional Authorities of the Council of Europe adopted a report...
19:09
26 10 2023
Congress expresses deep concern over humanitarian situation in Karabakh and neighbouring cities...
22
Nov
26
Oct
25
Oct