Համայնքային ծառայողներն այսուհետ հանդես կգան միասնական ձայնով. ընդունվեց հայտարարություն

Համայնքային ծառայողներն այսուհետ հանդես կգան միասնական ձայնով. ընդունվեց հայտարարություն

13.12.2018

Դեկտեմբերի 13-ին Հայաստանի համայնքների միության նախաձեռնությամբ տեղի ունեցավ Համայնքային ծառայողների 5-րդ համաժողովը:

Համաժողովին մասնակցեցին համայնքների աշխատակազմերի քարտուղարներ և հարյուրավոր համայնքային ծառայողներ:

Հայաստանի համայնքների միության նախագահ Էմին Երիցյանը հայտարարեց՝ համայնքային ծառայողները, աշխատակազմերը բուն  տեղական ինքնակառավարման կրողներն են այնպես, ինչպես քաղաքական մարմինները. «Տեղական ինքնակառավարումն ըստ էության արժեզրկվել է հասարակության աչքում: Սա նշանակում է, որ մենք կրկնակի ավելի ջանքեր պիտի գործադրենք, որ փորձենք տեղական ինքնակառավարման հեղինակությունը վերականգնել, և դա պիտի արվի նաև համայնքային ծառայության միջոցով՝ ուժեղացնել համայնքային ծառայության դերակատարությունը և′ բնակիչների, և′ արտաքին աշխարհի համար»: Էմին Երիցյանը շեշտեց՝ 2004-ից՝ համայնքային ծառայության համակարգ ներդնելուց ելել են Տեղական ինքնակառավարման եվրոպական խարտիայի հայտնի դրույթից, որ տեղական իշխանություններն ինքնուրույն են ձևավորում իրենց ադմինիստրացիաները. «Սա վերաբերում է նրան, որ պետությունը կարող է կարգավորիչ դեր ունենալ, բայց չպետք է միջամտի»:

ՀՀ ՏԿԶՆ աշխատակազմի վարչական վերահսկողության և համայնքային ծառայության հարցերի վարչության համայնքային ծառայության հարցերի բաժնի պետ Արփի Բարսեղյանն ասաց, որ այժմ նախարարությունը կանգնած է երեք մեծ օրենքների նախագծերի իրականացման կիրարկման շեմին և այստեղ կարևոր է համայնքային ծառայողների ակտիվությունը. «Մենք առաջարկել ենք օրենսդրական փոփոխություն, որ համայնքային ծառայողն իրավունք ունենա ռեզերվում գտնվելու ժամանակահատվածում կատարել այլ վճարովի աշխատանք, ինչն արգելված է քաղաքացիական ծառայողին: Համայնքային ծառայության օրենքի նախագծով առաջարկել ենք ինչպես քաղծառայության ոլորտում, համայնքային ծառայության ոլորտում ևս ունենալ պաշտոնների բարձրագույն խումբ»:

Աբովյանի համայնքապետարանի աշխատակազմի քարտուղար Արուս Առաքելյանը նկատեց`շատ դեպքերում համայնքային ծառայողներն առնչվում են փակուղային իրավիճակների հետ համայնքային ծառայության օրենսդրության բացերի կամ հակադրությունների պատճառով: Արուս Առաքելյանը հավելեց. «Համայնքային ծառայողներն ապահովում են տեղական ինքնակառավարման մարմիններին իրականացրած լիազորությունները: Վերջին տարիներին բազում օրենսդրական փոփոխություններից հետո նրանց վերապահված են բազում գործառույթներ, որոնց իրականացումը կատարում է աշխատակազմը, բայց դա որևէ կերպ չի անդրադառնում համայնքային ծառայողների աշխատավարձի վրա»:

Համաժողովի ընթացքում քննարկում ծավալվեց համայնքային ծառայության ոլորտի քաղաքականություններին, առկա խնդիրներին ու հեռանկարներին առնչվող հարցերի շուրջ:

Քննարկվեց նաև Համայնքային ծառայողների համաժողովի կանոնակարգի, խորհուրդ ձևավորելու հարցը: Համաժողովի ավարտին ընդունվեց Համայնքային ծառայողների համաժողովի հայտարարություն: Փաստաթղթում մասնավորապես ամրագրված է. «Հայաստանի համայնքների միության համայնքային ծառայողների համաժողովը որոշում է ստեղծել համայնքային ծառայողներից բաղկացած ներկայացուցչական մարմին՝ խորհուրդ, պահպանելով մարզերի համաչափ ներկայացվածության սկզբունքը: Լիազորում է վերջինիս մշակել Համայնքային ծառայողների համաժողովի կանոնակարգ, մինչև հաջորդ համաժողովի անցկացումը հանդես գալ համայնքային ծառայողների համաժողովի անունից։ Համայնքային ծառայողների համաժողովի խորհուրդը կոչված է պաշտպանել և ներկայացնել համայնքային ծառայողների շահերը, ինչպես Հայաստանի համայնքների միության շրջանակներում, այնպես էլ դրանից դուրս: Համայնքային ծառայողների ներկայացուցչական մարմինն իր ուշադրության կենտրոնում է պահելու, ի թիվս այլոց, համայնքային ծառայողների իրավական կարգավիճակի, նրանց սոցիալական երաշխիքների և իրավական պաշտպանվածության հետ կապված հարցերը»:


NEWS

Country-specific training on “Establishment of Municipal Energy Management System (EnMS) and Appointment of Energy Managers” was held in Yerevan
Country-specific training on “Establishment of Municipal Energy Management System (EnMS) and Appointment of Energy Managers” was held in Yerevan

12:37

07 12 2023

Country-specific training on “Establishment of Municipal Energy Management System (EnMS)...

Violence against local and regional elected representatives: a threat to our democracies
Violence against local and regional elected representatives: a threat to our democracies

10:04

01 11 2023

An extremely unpleasant experience for those on the receiving end, verbal abuse and physical...

Elections to the Council of Elders of Yerevan: Congress welcomes successful efforts to ensure a well-administered and transparent ballot
Elections to the Council of Elders of Yerevan: Congress welcomes successful efforts to ensure a well-administered and transparent ballot

13:26

30 10 2023

The Congress of Local and Regional Authorities of the Council of Europe adopted a  report...

Congress adopts Declaration on the humanitarian situation in Karabakh and neighbouring cities and regions
Congress adopts Declaration on the humanitarian situation in Karabakh and neighbouring cities and regions

19:09

26 10 2023

Congress expresses deep concern over humanitarian situation in Karabakh and neighbouring cities...

The Congress elects its new President
The Congress elects its new President

16:11

24 10 2023

The Congress of Local and Regional Authorities of Council of Europe has renewed its presidency...

45th Congress session will be held in Strasbourg
45th Congress session will be held in Strasbourg

23:47

22 10 2023

The Congress of Local and Regional Authorities of the Council of Europe will hold its  45...