Հայաստանում  մեկնարկել է «Եվրամիության կայուն էներգետիկայի շաբաթը»

Հայաստանում մեկնարկել է «Եվրամիության կայուն էներգետիկայի շաբաթը»

05.06.2018

 Արագածոտնի մարզի Ապարան քաղաքում  հունիսի 4-ին մեկնարկել է «Եվրամիության կայուն էներգետիկայի շաբաթը»: 

«Եվրոպական միության նախաձեռնությամբ մի շարք երկրներում, ինչպես և Հայաստանում  անցկացվում են կայուն էներգետիկայի օրեր՝ ուղղված էներգաարդյունավետության և վերականգնվող էներգիայի վերաբերյալ լայնամասշտաբ իրազեկմանը։ Դրա շրջանակում Էներգախնայողության աջակցման հիմնադրամը Հայաստանի համայնքների միության հետ համատեղ «Եվրոպական միությունը հանուն Հայաստանի կայուն էներգետիկայի» (EU4ASEP) ծրագրի ներքո իրականացնում է մի շարք միջոցառումներ ինչպես մայրաքաղաք Երևանում, այնպես էլ Ապարան և Արթիկ քաղաքներում: Այդ միջոցառումների նպատակն է՝ բարձրացնել հանրային իրազեկման մակարդակն ու կայուն էներգետիկայի ոլորտում ունեցած հաջողված փորձը կիրառել նաև այլ համայնքներում։ «Եվրամիության  կայուն էներգետիկայի օրերին» ակտիվ մասնակցություն ունեցան Ապարան համայնքի դպրոցականները, ովքեր  միջոցառման շրջանակներում մրցեցեին էներգախնայողության վերաբերյալ գիտելիքներով ու արժանացան մրցանակաների:

«Կայուն էներգետիկայի շաբաթվա» շրջանականերում Ապարանում բացվեց   նաև «ԵՄ հանուն Հայաստանի կայուն էներգիայի» բացօթյա ցուցահանդես՝ նվիրված էներգաարդյունավետության և  վերականգնվող էներգետիկայի տեխնոլոգիաներին: Ոլորտի ավելի քան մեկ տասնյակ ընկերություններ ներկայացրեցին հայաստանյան շուկայում առկա կայուն էներգետիկայի և էներգաարդյունավետության ոլորտի արտադրանքն ու ծառայությունները: Ցուցահանդեսի անցկացման վայրը պատահական չէր ընտրված. Ապարան քաղաքում նախատեսվում է կառուցել առաջին արևային ֆոտովոլտային կայանը: Ծրագրի իրականացման արդյունքում կստեղծվի ֆինանսավորման հատուկ մեխանիզմ:

-Այսօրվա ցուցահանդեսում ներկայացված են արևային պանելներ, արևային ջրատաքացուցիչներ, մի խոսքով՝ տեխնոլոգիաներ և ծառայություններ՝ արտադրող և տեղադրող ընկերություններից,- միջոցառման բացմանն ասաց «Եվրոպական միությունը հանուն Հայաստանի կայուն էներգիայի ծրագրի ղեկավար Թամարա Բաբայանը:

-Սա յուրահատուկ հնարավորություն է մեկտեղ տեսնել տարբեր ընկերություններ, ունենալ տեղեկատվություն և ընտրության հնարավորություն:  Միևնույն ժամանակ, մասնակից ընկերությունները  հնարավորություն ունեն իրենց առաջարկների և ապրանքների մասին  մրցակից պայմաններում տրամադրել շահեկան ինֆորմացիա:

Դրանից բացի, առաջիկա երեք տարիներին արևային ֆոտովոլտային կայանի կառուցման ծրագրի շրջանակներում  մենք աշխատելու ենք Ապարան համայնքում և օգնելու ենք, որ այստեղ ևս զարգանա արևային էներգիան:  
 Հայաստանում ԵՄ պատվիրակության համագործակցության բաժնի ղեկավար Հոա-Բին Աճեմյանի խոսքով՝ ամենաէժան էներգիան չսպառված կամ տնտեսված էներգիան է:  

Վերջին 7 տարիների ընթացքում Հայաստանը ԵՄ-ից ստացել է 50 մլն եվրոաջակցություն էներգետիկ  ոլորտի բարեփոխումների համար,- ասաց Հոա-Բին Աճեմյանը:
- Մոտ 6000 տնային տնտեսություն հանդիսացել է էներգախնայողության և էներգարդյունավետության շահառու՝ Վայք, Սպիտակ, Եղեգնաձոր քաղաքներում: Շուտով կսկսենք մեկ այլ ծրագիր, ըստ որի Երևանի 150 մանկապարտեզներում ևս կիրականացվեն էներգարդյունավետության միջոցառումներ:
Հաջորդ տարի մենք կընդլայնենք Եվրամիության ներգրավվածությունը Հայաստանի էներգետիկ ոլորտում, քանի որ այդ ոլորտը Եվրամիության կողմից Հայաստանին տրամադրվող աջակցության չորս հենասյուներից մեկն է:

«ԵՄ կայուն էներգետիկայի շաբաթը» կշարունակվի վաղը Արթիկ քաղաքում և  կամփոփվի Երևանում` հունիսի 6-ին կայանալիք «Կայուն էներգետիկայի զարգացման հեռանկարները Հայաստանի համայնքներում» խորագրով համաժողովով:

 

«Եվրամիությունը  հանուն Հայաստանի կայուն էներգետիկայի» ծրագրի շրջանակներում  Ապարան և Արթիկ համայնքներում  իրականացվում է վերականգնվող էներգետիկայի խթանման ծրագիր, որը մեկնարկել է 2018 թ-ից՝ երեք տարի ժամկետով:  
«Եվրամիությունը հանուն Հայաստանի կայուն էներգետիկայի» ծրագիրն իրականացվում է Էներգախնայողության աջակցման հիմնադրամի և Հայաստանի համայնքների միության կողմից:
Ծրագրի շրջանակներում կիրականացվեն վերականգնվող էներգետիկայի խթանմանն ուղղված միջոցառումներ, որոնք կնպաստեն համայնքներում նոր մշակույթի, առևտրային նոր հարաբերությունների ձևավորմանն ու զարգացմանը:


NEWS

Country-specific training on “Establishment of Municipal Energy Management System (EnMS) and Appointment of Energy Managers” was held in Yerevan
Country-specific training on “Establishment of Municipal Energy Management System (EnMS) and Appointment of Energy Managers” was held in Yerevan

12:37

07 12 2023

Country-specific training on “Establishment of Municipal Energy Management System (EnMS)...

Violence against local and regional elected representatives: a threat to our democracies
Violence against local and regional elected representatives: a threat to our democracies

10:04

01 11 2023

An extremely unpleasant experience for those on the receiving end, verbal abuse and physical...

Elections to the Council of Elders of Yerevan: Congress welcomes successful efforts to ensure a well-administered and transparent ballot
Elections to the Council of Elders of Yerevan: Congress welcomes successful efforts to ensure a well-administered and transparent ballot

13:26

30 10 2023

The Congress of Local and Regional Authorities of the Council of Europe adopted a  report...

Congress adopts Declaration on the humanitarian situation in Karabakh and neighbouring cities and regions
Congress adopts Declaration on the humanitarian situation in Karabakh and neighbouring cities and regions

19:09

26 10 2023

Congress expresses deep concern over humanitarian situation in Karabakh and neighbouring cities...

The Congress elects its new President
The Congress elects its new President

16:11

24 10 2023

The Congress of Local and Regional Authorities of Council of Europe has renewed its presidency...

45th Congress session will be held in Strasbourg
45th Congress session will be held in Strasbourg

23:47

22 10 2023

The Congress of Local and Regional Authorities of the Council of Europe will hold its  45...