Տեղական ինքնակառավարման մարմինների դերը տնտեսական զարգացման գործում. ՏԻՄ-ՔՀԿ ֆորում` Գյումրիում

Տեղական ինքնակառավարման մարմինների դերը տնտեսական զարգացման գործում. ՏԻՄ-ՔՀԿ ֆորում` Գյումրիում

07.09.2018

Տեղական ինքնակառավարման մարմինների դերը տնտեսական զարգացման գործում, փոքր ու միջին բիզնեսի, ՀԿ-ների համագործակցություն տեղական ինքնակառավարման մարմինների հետ. այսպիսի հարցեր քննարկվեցին սեպտեմբերի 7-ին՝ Գյումրու տեխնոլոգիական կենտրոնում ՏԻՄ-ՔՀԿ ֆորումի ընթացքում: Ֆորումն անցկացվեց «ԵՄ կառուցողական երկխոսության հանձնառություն» ծրագրի շրջանակներում:

«Կառուցողական երկխոսության հանձնառություն» ծրագիրը մեկնարկել է 2016 թ. դեկտեմբերին: Ծրագրի տևողությունը 34 ամիս է: Ծրագիրը ֆինանսավորվում է Եվրոպական միության կողմից և իրականացվում է «Իրավաբանների հայկական ասոցիացիա» ՀԿ-ի (ղեկավար կազմակերպություն), Մարդկային զարգացման միջազգային կենտրոնի, Հայաստանի համայնքների միություն (ՀՀՄ) ԻԱՄ-ի, «Ժողովրդավարական կրթության հայկական կենտրոն-ՍԻՎԻՏԱՍ» ՀԿ-ի, «Փոքր և միջին ձեռնարկատիրության համագործակցության ասոցիացիա» ՀԿ-ի, ինչպես նաև «Ագորա Սենթրալ Յուրըփ» չեխական ՀԿ-ի համատեղ կոնսորցիումով:

Ֆորումի ընթացքում Հայաստանի համայնքների միության նախագահ Էմին Երիցյանը փաստեց՝ վերջին տարիներին և′ նախկին, և′ ներկա կառավարությունները կարևորում են տնտեսական զարգացումն ու համայնքների դերակատարումը, այնուհետև հավելեց. «Բայց թե ինչ ճանապարհով գնալ, և որտեղ է հատման այն կետը, որ երկխոսության հանձնառություն պիտի լինի, դեռ լուծումները չենք տեսնում: Այստեղ երկխոսելու ու քաղաքականություն և վարքագիծ փոխելու կարևոր խնդիր ունենք: Եթե ուզում ենք տեսնել փոխադարձ ներդրումը, նաև տեղական իշխանությունների հանձնառությունը, որ իրավիճակ փոխվի, պետք է հասկանանք՝ ինչքանո՞վ են իրենք պատրաստ, հասարակությունը ինչքանով է հենց այդ դերակատարմամբ ընկալում նույն փոքր ու միջին բիզնեսը: Սա բարդ թնջուկ   է, որտեղ իրար հետ պիտի սկսենք այդ լուծումները գտնել»:

Փոքր և միջին ձեռնարկատիրության համագործակցության ասոցիացիա ՀԿ-ի նախագահ Տիգրան Գասպարյանը նշեց՝ ոլորտային կարևոր հարցերից են, թե հարկային օրենսդրության փոփոխության ինչ տարբերակներ են քննարկվում, որ տարբերակն է ավելի ընդունելի, կիրառելի և որի դեպքում բիզնեսը կունենա շահեկան դեր ու ներդրումներ կկարողանա կիրառել:

Տնտեսական զարգացման նախարարության փոքր ու միջին բիզնեսի զարգացման վարչության ներկայացուցիչ Գևորգ Սարգսյանը տեղեկացրեց՝ հանդիպումներ են ունեցել տնտեսվարող սուբյեկտների, հաշվապահների հետ գրեթե բոլոր մարզերում, առանձնացրել 10 կարևրոագույն խնդիրները. «Դրանցից է եկամտային հարկը, շրջանառության հարկով աշխատողների շրջանառության հարկի շեմը: Հիմա քննարկվում է շեմի հարցը, որ գոնե մնա անփոփոխ, 115 միլիոնի սահմանը, որ մինչև 24 միլիոն շրջանառություն ունեցող կազմակերպությունները հարկվեն 25 տոկոսով: Գործարարների հետ շփումներից եկել եմ այն համոզման, որ պետությունն ինչքան խստացնում է իր ռեժիմը, մեկը միշտ կա, որ չարաշահում է: Ուստի, եթե մենք մեր բիզնեսին սովորեցնենք, որ ինքը պետք է աշխատի բաց պետության առաջ, պետությունը կթուլացնի իր մեխանիզմները նրան հսկելու. կստեղծվի փոխադարձ վստահության մթնոլորտ»:

Գյումրիում կազմակերպված ֆորումի մասնակիցները դիտեցին նաև մի ֆիլմ մի փոքրիկ՝ մեռնող գյուղի մասին, որը կենդանություն է առնում այն բանից հետո, երբ այստեղ է գալիս մի բժիշկ, որը հասկանում է՝ գյուղը տուրիզմով զարգացնելու տեսլական կա:

Էմին Երիցյանն էլ օրինակ բերեց գերմանական փոքր գյուղերը, որտեղ մինչև հազար բնակիչ ունեցող գյուղերում երեք հազարից ավելի գիշերելու տեղ կա, և այնտեղ ընդունում են տարեկան մոտ մեկ միլիոն զբոսաշրջիկ:


NEWS

Country-specific training on “Establishment of Municipal Energy Management System (EnMS) and Appointment of Energy Managers” was held in Yerevan
Country-specific training on “Establishment of Municipal Energy Management System (EnMS) and Appointment of Energy Managers” was held in Yerevan

12:37

07 12 2023

Country-specific training on “Establishment of Municipal Energy Management System (EnMS)...

Violence against local and regional elected representatives: a threat to our democracies
Violence against local and regional elected representatives: a threat to our democracies

10:04

01 11 2023

An extremely unpleasant experience for those on the receiving end, verbal abuse and physical...

Elections to the Council of Elders of Yerevan: Congress welcomes successful efforts to ensure a well-administered and transparent ballot
Elections to the Council of Elders of Yerevan: Congress welcomes successful efforts to ensure a well-administered and transparent ballot

13:26

30 10 2023

The Congress of Local and Regional Authorities of the Council of Europe adopted a  report...

Congress adopts Declaration on the humanitarian situation in Karabakh and neighbouring cities and regions
Congress adopts Declaration on the humanitarian situation in Karabakh and neighbouring cities and regions

19:09

26 10 2023

Congress expresses deep concern over humanitarian situation in Karabakh and neighbouring cities...

The Congress elects its new President
The Congress elects its new President

16:11

24 10 2023

The Congress of Local and Regional Authorities of Council of Europe has renewed its presidency...

45th Congress session will be held in Strasbourg
45th Congress session will be held in Strasbourg

23:47

22 10 2023

The Congress of Local and Regional Authorities of the Council of Europe will hold its  45...