Քննարկում՝ տնտեսության և էներգետիկայի ոլորտներում հատկորոշած խնդիրների և դրանց լուծումների մասին

Քննարկում՝ տնտեսության և էներգետիկայի ոլորտներում հատկորոշած խնդիրների և դրանց լուծումների մասին

16.05.2018

Մայիսի 15-ին Եվրամիության կողմից ֆինանսավորվող «Կառուցողական երկխոսության հանձնառություն» ծրագրի շրջանակներում տեղի ունեցավ տնտեսության և էներգետիկայի ոլորտներում հատկորոշած խնդիրների ներկայացման, քննարկման և դրանց լուծմանն ուղղված առաջարկությունների ամփոփմանը նվիրված միջոցառում:

Միջոցառմանը մասնակցում էին տնտեսության և էներգետիկայի ոլորտներում պետական մարմինների և քաղաքացիական հասարակության (ՔՀԿ) 28  ներկայացուցիչներ ու փորձագետներ:

«Հայաստանի համայնքների միություն» ԻԱՄ նախագահ, «Կառուցողական երկխոսության հանձնառություն» ծրագրի՝ տեղական ինքնակառավարման հարցերի համակարգող Էմին Երիցյանը նշեց, որ քաղհասարակության կազմակերպությունները իրենց դերն ու տեղը պետք է տեսնեն տնտեսության կամ օրինակ՝ «Խելացի համայնք» տնտեսական զարգացման ծրագրերում մասնակցության, ինչպեսև դրանց մոնիթորինգի հարցերում.

«Ծրագրի հենց սկզբից հետադարձ կապով համագործակցություն եղել է տարածքային և կառավարման զարգացման նախարարության հետ և, ըստ էության, տեղական ինքնակառավարմանը քաղաքացիների մասնակցության ամբողջ գաղափարախոսությունը նախարարությունը կիսում է։ Օրենսդրությամբ էլ մենք որոշ մեխանիզմներ դրել ենք, բայց, իհարկե, դրանք բավարար չեն։ Այս դեպքում մենք խոսում ենք, որ հենց քաղհասարակության կազմակերպությունները կարողանան կոալիցիաներ ձևավորել և էապես ներազդել պետական քաղաքականությունների ձևավորման վրա։ Հաշվի առնելով, որ նոր կառավարություն ունենք, փոփոխվող հասարակություն, այս պարագայում նոր կառավարությունը պետք է նոր ծրագիր ներկայացնի Ազգային ժողովին, և այս քննարկումն էլ լավ առիթ է, որպեսզի քաղքահասարակության ներկայացուցիչները հնարավորություն ունենան մասնակցել կառավարության ծրագրի կազմմանը»,-նշեց Էմին Երիցյանը։

Հանդիպմանը ներկա էր նաև ՀՀ տարածքային կառավարման և զարգացման փոխնախարար Վաչե Տերտերյանը, ով իր խոսքում նշեց, որ կարևորում է նման ծրագրերի առկայությունը և համագործակցությունը կառավարության և քաղհասարակության ներկայացուցիչների միջև։

Քննարկման ժամանակ անդրադարձ կատարվեց տնտեսության ոլորտում հատկորոշված խնդիրներին՝ ՔՀԿ-ների մասնակցության մեխանիզմների թույլ մակարդակին՝ տեղական աճի ռազմավարություններում և «խելացի համայնք» նախաձեռնություններում, այդ ռազմավարությունների և նախաձեռնությունների բարելավման, ջատագովության, մշտադիտարկման և դրանցում ՔՀԿ-ների ավելի մեծ ներգրավվածության ապահովման անհրաժեշտությանը:

«Կառուցողական երկխոսության հանձնառություն» ծրագրի փորձագետ Լիլիթ Չիթչյանն իր խոսքում նշեց, որ վերջին տարիներին բավականին լուրջ էվոլյուցիա է ապրել հանրային կառավարումը՝ հիմքում ունենալով պետություն-քաղհասարակություն համագործակցությունը․ «Շատ կարևոր է հասկանալ, որ հանրային ղեկավարման դերակատար միայն ՏԻՄ-երը կամ պետական կառավարման մարմինները չեն, դրանք տարբեր մակարդակների ինտիտուտներն են, քաղաքական կուսակցություններն են, խոշոր բիզնեսները, լրատվամիջոցները, ՀԿ-ները, կառավարող ընտրանին, անհատները, և այլն։ Եվ շատ կարևոր է, որ հանրային կառավարումն ընկալվի որպես հանրային իրավունքի իրականացում և բոլոր մասնակցող կողմերը հասկանան, թե որտեղ է շահերի բախումը և ինչպես կարելի է երկխոսել»,-նշեց Լիլիթ Չիթչյանը։

Միջոցառմանը քննարկվեցին նաև էներգետիկ ոլորտում հատկորոշված խնդիրներ, որոնք են՝

  • Գյուղական կանաչ տնտեսության և մաքուր էներգիայի նախաձեռնությունների բարելավման և մշտադիտարկման, դպրոցներում այս խնդիրների ջատագովության անհրաժեշտությունը,
  • Հանրային աշխատանքների գործընթացում (օրինակ՝ պետական գնումներ) էներգարդյունավետություն ապահովող կանոնակարգերի և կարգավորիչ միջոցների լավագույն փորձի հիման վրա հանրային քաղաքականությունների մշակման և (կամ) բարելավման ու ջատագովության անհրաժեշտությունը:
  • ՏԻՄ-երի էներգարդյունավետության նախաձեռնությունների մշտադիտարկման և բարելավման անհրաժեշտություն:

    Հիշեցնենք, որ «Կառուցողական երկխոսության հանձնառություն» ծրագիրը իրականացվում է «Իրավաբանների հայկական ասոցիացիա» ՀԿ-ի գլխավորած կոնսորցիումի կողմից, որի անդամներն են «Մարդկային զարգացման միջազգային կենտրոն» ՀԿ-ն, «ՓՄՁ համագործակցության ասոցիացիա» ՀԿ-ն, Հայաստանի համայնքների միություն ԻԱՄ-ը, «Ժողովրդավարական կրթության հայկական կենտրոն-ՍԻՎԻՏԱՍ» ՀԿ-ը, ինչպես նաև «Ագորա Սենթրըլ Յուրըփ» չեխական ՀԿ-ն, և նպատակ ունի ամրապնդել քաղաքացիական հասարակության ձայնը և երկխոսությունը կառավարության հետ:


NEWS

Country-specific training on “Establishment of Municipal Energy Management System (EnMS) and Appointment of Energy Managers” was held in Yerevan
Country-specific training on “Establishment of Municipal Energy Management System (EnMS) and Appointment of Energy Managers” was held in Yerevan

12:37

07 12 2023

Country-specific training on “Establishment of Municipal Energy Management System (EnMS)...

Violence against local and regional elected representatives: a threat to our democracies
Violence against local and regional elected representatives: a threat to our democracies

10:04

01 11 2023

An extremely unpleasant experience for those on the receiving end, verbal abuse and physical...

Elections to the Council of Elders of Yerevan: Congress welcomes successful efforts to ensure a well-administered and transparent ballot
Elections to the Council of Elders of Yerevan: Congress welcomes successful efforts to ensure a well-administered and transparent ballot

13:26

30 10 2023

The Congress of Local and Regional Authorities of the Council of Europe adopted a  report...

Congress adopts Declaration on the humanitarian situation in Karabakh and neighbouring cities and regions
Congress adopts Declaration on the humanitarian situation in Karabakh and neighbouring cities and regions

19:09

26 10 2023

Congress expresses deep concern over humanitarian situation in Karabakh and neighbouring cities...

The Congress elects its new President
The Congress elects its new President

16:11

24 10 2023

The Congress of Local and Regional Authorities of Council of Europe has renewed its presidency...

45th Congress session will be held in Strasbourg
45th Congress session will be held in Strasbourg

23:47

22 10 2023

The Congress of Local and Regional Authorities of the Council of Europe will hold its  45...