«Երևանում տեղական ինքնակառավարման մասին» ՀՀ օրենքը Սահմանադրությանը համապատասխանեցնելու կարիք ունի

«Երևանում տեղական ինքնակառավարման մասին» ՀՀ օրենքը Սահմանադրությանը համապատասխանեցնելու կարիք ունի

14.12.2018

Դեկտեմբերի 13-ին տեղի ունեցավ Հայաստանի համայնքների միության Իրավական-օրենսդրական հարցերի մշտական հանձնաժողովի նիստը: Այն նախագահեց հանձնաժողովի նախագահ, Վանաձորի քաղաքապետ Մամիկոն Ասլանյանը:

Քննարկվեցին «Երևան քաղաքում տեղական ինքնակառավարման մասին» ՀՀ օրենքի իրավակարգավորումների՝ ՀՀ Սահմանադրության 2015թ. փոփոխությունների համապատասխանությանը, «Տեղական ինքնակառավարման մասին» ՀՀ օրենքում լրացումներ կատարելու մասին օրենքի նախագծին վերաբերող (համայնքի ղեկավարին պաշտոնանկ անելու վերաբերյալ) և այլ հարցեր։

Քննարկման դրվեց նաև «Համայնքի կամավոր խնդիրները սահմանելու ու դրանց լուծմանն ուղղված սեփական լիազորությունների իրականացման կարգը հաստատելու մասին» որոշման օրինակելի նախագիծը և այլ հարցեր:

Քննարկելով «Երևան քաղաքում տեղական ինքնակառավարման մասին» ՀՀ օրենքը՝ հանձնաժողովը Երևանի քաղաքապետարանի ու ՀՀ տարածքային կառավարման և զարգացման նախարարության հատուկ ուշադրությունը հրավիրեց օրենսդրության համապատասխանեցումը ՀՀ Սահմանադրությանը, այլապես կուտակվում են օրենսդրական հակասություններ ու առաջանում իրավական խառնաշփոթ։

Հանձնաժողովի որոշմամբ՝ մշակված փաստաթուղթը կփոխանցվի Երևանի քաղաքապետարանին և ՀՀ կառավարությանը։

Հանձնաժողովի անդամները քննարկեցին նաև «Տեղական ինքնակառավարման մասին» ՀՀ օրենքում լրացումներ կատարելու մասին օրենքի նախագծի վերաբերյալ (համայնքի ղեկավարին պաշտոնանկ անելու վերաբերյալ) հարցը: Հանձնաժողովի դիտարկմամբ՝ քննարկվող հարցը չափազանց զգայուն է տեղական ինքնակառավարման համար, և որևէ շտապողականություն կամ թերի քննարկում անթույլատրելի է։ Հանձնաժողովն առաջարկեց հավանություն տալ այս խնդրի վերաբերյալ փորձագիտական կարծիքին՝ այն համարելով հանձնաժողովի պաշտոնական դիրքորոշում։

Քննարկման դրվեց «Համայնքի կամավոր խնդիրները սահմանելու ու դրանց լուծմանն ուղղված սեփական լիազորությունների իրականացման կարգը հաստատելու մասին» որոշման օրինակելի նախագիծը: Հանձնաժողովն առաջարկեց ևս մեկ անգամ շրջանառել նախագիծը, ստացված առաջարկներով այն լրամշակել և տարածել համայնքների շրջանում որպես օրինակելի նախագծի փաթեթ։

Նիստին մասնակցեցին համայնքների ղեկավարներ, համայնքային իրավաբաններ, Երևանի ավագանու անդամներ և ոլորտի փորձագետներ: Նիստի ընթացքում անդամները քննարկեցին նաև միության 2019-ի միջոցառումների պլանը: Կայացավ նաև Միության իրավական-օրենսդրական հանձնաժողովի նախագահի տեղակալի ընտրությունը: Այս պաշտոնում ընտրվեց Ջրվեժ համայնքի ղեկավար Ռոբերտ Պետրոսյանը:


NEWS

Համայնքների ավագանիների երկօրյա աշխատաժողով` Ծաղկաձորում
Համայնքների ավագանիների երկօրյա աշխատաժողով` Ծաղկաձորում

13:18

16 03 2019

Ծաղկաձորում մարտի 15-16-ին անցկացվեց Համայնքների ավագանիների երկօրյա աշխատաժողով: Հայաստանի...

Ստեղծվեց Քաղաքապետերի դաշնագրի ակումբ
Ստեղծվեց Քաղաքապետերի դաշնագրի ակումբ

18:58

14 03 2019

Եվրոպական հանձնաժողովի «Քաղաքապետերի դաշնագիր՝ Արևելք» տարածաշրջանային ծրագրի...

Conference for Community Lawyers in Tsakhkadzor
Conference for Community Lawyers in Tsakhkadzor

11:42

02 03 2019

On March 1-2 in Tsakhkadzor was held a conference for community lawyers.

Community servants working group meeting was held
Community servants working group meeting was held

11:59

28 02 2019

On February 26 Community servants' working group meeting was held.

Elections to the local self-government bodies were held in 24 communities. results
Elections to the local self-government bodies were held in 24 communities. results

11:07

18 02 2019

On February 17 elections to the local self-government bodies were held in 24 communities of...