Անցումային այս կառավարությունը մի քիչ դանդաղում է ապակենտրոնացման բարեփոխումների իրականացման հարցում. Լորետա Վիոյում
05.09.2018
Սեպտեմբերի 5-ին տեղի ունեցավ «Աջակցություն Հայաստանում տեղական ժողովրդավարության ամրապնդմանը (2017-2018) » ծրագրի ղեկավար կոմիտեի եզրափակիչ նիստը: Ներկայացվեցին ծրագրի հիմնական գործողություններն ու արդյունքները:
Հայաստանի համար իրականացվող գործողությունների 2015-2018թթ. ծրագրի շրջանակներում ընդգրկված այս կարճ ծրագիրն ուղղված էր աջակցելու ՀՀ իշխանություններին՝ վարչատարածքային և հետագա ապակենտրոնացման բարեփոխումների հարցում, միևնույն ժամանակ զարգացնելով 52 միավորված համայնքների կարողությունները՝ ապակենտրոնացման մարտահրավերներին ավելի լավ պատրաստ լինելու նպատակով:
Երևանում Եվրոպայի Խորհրդի գրասենյակի ղեկավարի տեղակալ Լորետա Վիոյում վստահեցրեց՝ տեղական ժողովրդավարության ապահովումը կարևոր նախադրյալ է երկրում ժողովրդավարության ապահովման համար. «Հայաստանում բարեփոխումներն ընթանում են ամբողջ ծավալով: Անցումային այս կառավարությունը մի քիչ դանդաղում է ապակենտրոնացման բարեփոխումների իրականացման հարցում, բայց հույս ունենք հաջորդ տարի կվերադառնանք բնականոն հուն: Տեսնում ենք՝ մեր համայնքի ղեկավարները հրաժարականներ են տալիս, Երևանում լինելու են ընտրություններ: Կարծում եմ՝ մեզ անհրաժեշտ է շարունակել բարեփոխումները»:
ՀՀ Տարածքային կառավարման և զարգացման նախարարի առաջին տեղակալ Վաչե Տերտերյանը փաստեց՝ Եվրոպայի Խորհուրդը տեղական ինքնակառավարման մշտական ուղեկցողն է եղել՝ իր շատ կարևոր ուղենիշներին ծանոթ պահելով: Այնուհետև վստահեցրեց՝ մեր զարգացումենրը միշտ համադրվել են եվրոպական ընդունելի, ընկալելի փորձի հետ:
Վաչե Տերտերյանի բնութագրմամբ՝ տեղական ինքնակառավարման համակարգում զգուշավորութան տարր կա, այնուհետև պարզաբանեց. «Դա ավելի շատ պայմանավորված է ընդհանուր գործընթացներով, միգուցե հիմա շեշտադրումներն այլ ուղղություններով են: Կարծում եմ՝ որոշակի իրավիճակում գործընթացների զարգացման իրավիճակում՝ ընտրությունների և այլնից հետո կարծես թե ավելի վստահ առաջ կգնանք: Ապակենտրանոցում, վարչատարածքային փոփոխություններ, տարածքային կառավարման համակարգի՝ մարզպետարանների խորքային բովանդակային վերանայում այս բոլոր ուղղություններով առաջ կգնանք»:
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Country-specific training on “Establishment of Municipal Energy Management System (EnMS)...
10:04
01 11 2023
An extremely unpleasant experience for those on the receiving end, verbal abuse and physical...
13:26
30 10 2023
The Congress of Local and Regional Authorities of the Council of Europe adopted a report...
19:09
26 10 2023
Congress expresses deep concern over humanitarian situation in Karabakh and neighbouring cities...
22
Nov
26
Oct
25
Oct