ՀՀ 24 համայնքներում անցկացվեցին ՏԻՄ ընտրություններ. հայտնի են արդյունքները
18.02.2019
Փետրվարի 17-ին ՀՀ 24 համայնքներում մեկնարկեցին ՏԻՄ ընտրություններ: 14 համայնքում ընտրությունները հերթական էին, իսկ 10-ում՝ արտահերթ: Նշված համայնքներից 20-ում ընթացան համայնքի ղեկավարի և 4 համայնքում` ավագանու անդամի ընտրություններ:
Ըստ ԿԸՀ տվյալների՝ ընտրությանը մասնակցել է 63725 ընտրող, գրանցվել է 58.47 մասակցություն:
ԿԸՀ-ն հրապարակել է ընտրությունների վերջնական արդյունքները:
Արագածոտնի մարզի Օհանավան համայնքի ղեկավար ընտրվեց անկուսակցական Էդգար Հայրապետյանը՝ 600 ձայնով, երկրորդ տեղում է համայնքի ղեկավարը՝ Ալեքսան Ալեքսանյանը՝ 485 ձայնով: Արևաբույր համայնքում հաղթեց համայնքի ղեկավարի ժամանակավոր պաշտոնակատար՝ անկուսակցական Ջիվան Մանուկյանը, Ուրցաձորում՝ համայնքի նախկին ղեկավար, հրաժարական տված Ռաֆիկ Անդրեասյանը, երկրորդ տեղում է համայնքի ղեկավարի ժամանակավոր պաշտոնակատար ՔՊ-ական Գևորգ Ավետիսյանը, Արարատի մարզի Վարդաշեն համայնքում 133 ձայնով հաղթել է համայնքի ղեկավար Գևորգ Բարխոյանը, Հայկավան համայնքում մեկ թեկնածու էր առաջադրվել՝ համայնքի ղեկավար անկուսակցական Ռուբեն Ղազարյանը: Նա 323 ձայնով ընտրվեց համայնքի ղեկավար:
Արմավիրի մարզի Հովտամեջ համայնքում ևս համայնքի ղեկավար ընտրվեց գործող համայնքի ղեկավար Արմեն Սարգսյանը՝ 218 ձայնով: Նալբանդյանում ևս հաղթեց համայնքի ղեկավարը՝ անկուսակցական Գրիգոր Մկրտչյանը՝ 961 ձայնով:
Նոր Արմավիրում ևս հաղթեց համայնքի գործող ղեկավարը՝ անկուսակցական Արթուր Ավետիսյանը՝ 643 ձայնով, Վարդանաշենում հաղթեց մենատնտես, անկուսակցական Արթուր Մանուկյանը՝ 283 ձայնով: Ակունքում հաղթեց համայնքապետարանի տաբելավար, անկուսակցական Նիկոլա Խաչատրյանը՝ 561 ձայնով:
Վարդենիսում հաղթեց համայնքի ղեկավարի ժ/պ Արամ Մելքոնյանը՝ 1719 ձայնով, երկրորդ տեղում է համայնքապետի օգնական Արկադի Խաչատրյանը՝ 823 ձայնով:
Ձորագետ համայնքում հաղթեց համայնքի ղեկավարի պաշտոնակատար անկուսակցական Արմեն Գրիգորյանը՝ 75 ձայնով, Նոր Գեղի համայնքում հաղթեց համայնքի ղեկավարի ժ/պ, ՔՊ-ական Վարդան Պապյանը՝ 1212 ձայնով:
Քաղսի համայնքում հաղթեց «Արմա» թոնրատուն տնօրեն, անկուսակցական Ռաֆայել Գրիգորյանը՝ 470 ձայնով: Շիրակի մարզի Աշոցք համայնքում հաղթեց համայնքի ղեկավարի ժ/պ, ՔՊ-ական Կարեն Մանուկյանը՝ 1276 ձայնով, երկրորդ տեղում է համայնքի նախկին ղեկավար ՀՀԿ-ական Արթուր Ալոյանը՝ 804 ձայնով:
Հառիճ համայնքում համայնքի ղեկավար դարձավ համայնքի ղեկավար, անկուսակցական Ռոլանդ Նազարեթյանը՝ 361 ձայնով: Վայոց ձորի Մալիշկա համայնքում համայնքի ղեկավար դարձավ անկուսակցական Գարիկ Նազարյանը՝ 1363 ձայնով, նախկին համայնքի ղեկավար Մհեր Մովսիսյանը 2-րդ տեղում է՝ 625 ձայնով:
Տավուշի մարզի Ակնաղբյուր համայնքում հաղթեց համայնքի ղեկավար, անկուսակցական Կարեն Դոլմազյանը, իսկ Տավուշի մարզի Ծաղկավան (Իջևան) համայնքում հաղթեց Ծաղկավանի միջնակարգ դպրոցի ուսուցիչ, անկուսակցական Իսկանդար Մեհրաբյանը՝ 179 ձայնով:
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Country-specific training on “Establishment of Municipal Energy Management System (EnMS)...
10:04
01 11 2023
An extremely unpleasant experience for those on the receiving end, verbal abuse and physical...
13:26
30 10 2023
The Congress of Local and Regional Authorities of the Council of Europe adopted a report...
19:09
26 10 2023
Congress expresses deep concern over humanitarian situation in Karabakh and neighbouring cities...
22
Nov
26
Oct
25
Oct