Equator Prize 2019. թեկնածությունների առաջադրման հայտամրցույթ

Equator Prize 2019. թեկնածությունների առաջադրման հայտամրցույթ

07.02.2019

Կլիմայի և կայուն զարգացման տեղական լուծումների համաշխարհային որոնում Equator Initiative-ը հայտարարում է թեկնածությունների առաջադրման հայտամրցույթ՝ Equator Prize 2019-ի համար:

Այս տարվա մրցանակը կշնորհվի այն առաջատար համայնքներին և տեղական բնակչության նախաձեռնություններին, որոնք բնության վրա հիմնված լուծումներ են առաջարկում կլիմայի փոփոխության և կայուն զարգացման համար: Հաղթողները կմիանան 78 երկրների 223 համայնքային առաջատար կազմակերպությունների հեղինակավոր ցանցին: Յուրաքանչյուր հաղթող կստանա 10.000 ԱՄՆ դոլար և աջակցություն՝ մասնակցելու 2019թ. սեպտեմբերին Նյու-Յորքում կայանալիք ՄԱԿ-ի Գլխավոր ասամբլեայի և Կլիմայական շաբաթի ընթացքում կազմակերպվող մի շարք քաղաքական երկխոսությունների և հատուկ միջոցառումների:

Մրցանակաբաշխության արարողությունը կհամընկնի ՄԱԿ-ի Գլխավոր քարտուղարի կլիմայական գագաթնաժողովի և Կայուն զարգացման բարձր մակարդակի քաղաքական ֆորումին:

Մրցանակաբաշխության գործընթացը հնարավորություն կտա համայնքների փորձը տարածել Նախաձեռնության վեբ կայքում: Հարթակը կապում է ամբողջ աշխարհի համայնքներին և տարածում այնպիսի լուծումներ, որոնք աշխատում են մարդկանց և մոլորակի համար:

Տեղեկացնենք՝ այս տարվա մրցանակի հաղթողները կստեղծեն նորարարական, բնության վրա հիմնված լուծումներ՝ կլիմայի փոփոխության մեղմման և/կամ հարմարվողականության, ինչպես նաև տեղական մակարդակում կայուն զարգացման համար: Հաղթող կազմակերպությունները.

●● պաշտպանում, վերականգնում և/կամ կայուն կերպով ղեկավարում են երկրային և ծովային էկոհամակարգերը և դրանով օգնում են մեղմել և հարմարվել կլիմայական փոփոխություններին՝ պահպանելով էկոհամակարգերի անձեռնմխելիությունը, և/կամ

●● խթանում են կլիմայապես խելացի սննդի և գյուղատնտեսական արտադրության համակարգերի տեղական մոդելները և/կամ

●● առաջ են տանում ածխածնային տնտեսությանը փոխարինող, բնության վրա հիմնված այլընտրանքները:

Հաջող նախաձեռնություններն առաջ են տանում Կայուն զարգացման նպատակներից մի քանիսը: Խաչաձև թեմաները ներառում են հողային և ջրային իրավունքների պաշտպանություն, սոցիալական և բնապահպանական արդարադատություն և գենդերային հավասարություն:

Մրցույթին կարող են առաջադրվել 146 երկրների գյուղական շրջանների տեղական համայնքներ: Թեկնածության առաջադրումը բաց է ցանկացած երկրի տեղական խմբերի համար, որոնք գործում են գյուղական շրջաններում:

Առավել մանրամասն ինֆորմացիայի համար անհրաժեշտ է այցելել հետևյալ հղումով՝ https://www.equatorinitiative.org/:

Թեկնածությունների առաջադրման համար անհրաժեշտ է այցելել prize.equatorinitiative.org հղմամբ: Հայտերը կարող են ներկայացվել արաբերենով, չինարենով, անգլերենով, ֆրանսերենով, պորտուգալերենով, ռուսերենով կամ իսպաներենով:

Հայտերի ընդունման վերջնաժամկետն է 2019թ. փետրվարի 26-ը:

Equator Initiative

ՄԱԿ-ի զարգացման ծրագիր (UNDP)

Նյու-Յորք, NY 10017

Հեռ.՝ +1 646 781-4072

Էլ. հասցե [email protected]

Կայք www.equatorinitiative.org


NEWS

Ռեգիոնների եվրոպական ակադեմիայի պատվավոր անդամ Հենրի Մալոսը՝ Հայաստանի համայնքների միությունում
Ռեգիոնների եվրոպական ակադեմիայի պատվավոր անդամ Հենրի Մալոսը՝ Հայաստանի համայնքների միությունում

15:09

20 03 2019

Մարտի 14-ին Հայաստանի համայնքների միությունում հյուրընկալվեց Ռեգիոնների եվրոպական ակադեմիայի...

Համայնքների ավագանիների երկօրյա աշխատաժողով` Ծաղկաձորում
Համայնքների ավագանիների երկօրյա աշխատաժողով` Ծաղկաձորում

13:18

16 03 2019

Ծաղկաձորում մարտի 15-16-ին անցկացվեց Համայնքների ավագանիների երկօրյա աշխատաժողով: Հայաստանի...

Ստեղծվեց Քաղաքապետերի դաշնագրի ակումբ
Ստեղծվեց Քաղաքապետերի դաշնագրի ակումբ

18:58

14 03 2019

Եվրոպական հանձնաժողովի «Քաղաքապետերի դաշնագիր՝ Արևելք» տարածաշրջանային ծրագրի...

Համայնքային իրավաբանների համար աշխատաժողով՝ Ծաղկաձորում
Համայնքային իրավաբանների համար աշխատաժողով՝ Ծաղկաձորում

11:42

02 03 2019

Մարտի 1-2-ին Ծաղկաձորում անցկացվեց Համայնքային իրավաբանների համար աշխատաժողով:

Անցկացվեց Համայնքային ծառայողների աշխատանքային խմբի նիստ
Անցկացվեց Համայնքային ծառայողների աշխատանքային խմբի նիստ

11:59

28 02 2019

Փետրվարի 26-ին տեղի ունեցավ համայնքային  ծառայողների աշխատանքային խմբի նիստ: