Հունվարի 28-ին Հայաստանի համայանքների միություն այցելեց Նիդերլանդների հելսինկյան կոմիտեի պատվիրակությունը: Նիդերլանդացի գործընկերները ներկայացրին իրենց կազմակերպության գործունեության ուղղությունները, համագործակցության շրջանակն ու նպատակները:

Հիմնականում շեշտադրում կատարվեց ուսուցման դասընթացների վրա: Պատվիրակության անդամները ներկայացրին դասընթացների հիմնական ուղղվածությունն ու թեմատիկան:

Հայաստանի համայնքների միության նախագահ Էմին Երիցյանը վստահեցրեց՝ թեման հետաքրքիր է համայնքների միության համար և հույս հայտնեց, որ կհամագործակցեն:

Էմին Երիցյանը ներկայացրեց Հայաստանի համայնքների միության, գործունեության ուղղությունները, նպատակները, միջազգային համագործակցությունն ու Հայաստանում իրականացվող աշխատանքները: Մանրամասն ներկայացվեց, թե ինչպիսի համագործակցություն ունի Հայաստանի համայքների միությունը Եվրոպայի խորհրդի, Եվրոպական միության հետ և Արևելյան գործընկերության շրջանակում:

Էմին Երիցյանը ներկայացրեց Միության փորձը տարբեր թիրախային խմբերի հետ թեմատիկ դասընթացների կազմակերպման ոլորտում:

Պատվիրակության անդամները հետաքրքրվեցին՝ ի՞նչ բնույթի և ուղղվածության դասընթացներ օգտակար կլինեն հայաստանյան տեղական և կենտրոնական իշխանությունների իշխանությունների համար: Այս հարցին պատասխանելու համար Էմին Երիցյանը ներկայացրեց այն նոր զարգացումները, որոնք տեղի են ունենում Հայաստանում և կարևորեց հատկապես երիտասարդ կադրերի ուսուցումը: Միության նախագահը նաև կարևորեց ինստիտուցիոնալ համագործակցությունը և հույս հայտնեց, որ հետագայում կխորանա երկու կառույցների միջև համագործակցությունը: