Գաթայի փառատոնը՝ սեպտեմբերի 21-ին, Արենի գինու փառատոնը՝ հոկտեմբերին 6-ին. հանդիպում Հայաստանի համայնքների միությունում

Գաթայի փառատոնը՝ սեպտեմբերի 21-ին, Արենի գինու փառատոնը՝ հոկտեմբերին 6-ին. հանդիպում Հայաստանի համայնքների միությունում

29.08.2019

Օգոստոսի 29-ին Հայաստանի համայնքների միությունում տեղի ունեցավ ամփոփոիչ ժողով, որի ընթացքում քննարկվեցին Վայոց ձորի մարզի Խաչիկ գյուղում անցկացվելիք Գաթայի և Արենի համայնքում ավանդաբար անցկացվող Արենի գինու փառատոնի հետ կապված կազմակերպական հարցեր:

Հանդիպմանը ներկա էին Հայաստանի համայնքների միության նախագահ Էմին Երիցյանը, Արենի փառատոն-հիմնադրամի տնօրեն Նունե Մանուկյանը, նախագծի համակարգող Անի Մավյանը, Խաչիկ համայնքնի վարչական ղեկավար Հովիկ Սմբատյանը, Տուրիզմի հայկական ֆեդերացիայի նախագահ Մեխակ Ապրեսյանը, Արենի համայնքի աշխատակազմի քարտուղար Գևորգ Սիմոնյանը, Արենի համայնքի տուրիզմի զարգացման պատաասխանատու Նորայր Գասպարյանը և Արենի համայնքի ղեկավարի մամուլի քարտուղար Ռուբեն Գասպարյանը:

«Արենի փառատոն» հիմնադրամն արդեն 11-րդ տարին է, ինչ Հայաստանի համայնքներում կազմակերպում է տարաբնույթ փառատոններ, որոնք առաջին հերթին ուղղված են տվյալ համայնքի զարգացմանը, բնակչության զբաղվածության ապահովմանը: Այս համատեքստում առանձնակի կարևորություն ունի Վայոց ձորի սահմանամերձ Խաչիկ գյուղում անցկացվող Գաթայի փառատոնը: Փառատոնը Խաչիկ գյուղի համար այսօր դարձել է կենսական կարևորություն ունեցող տոն՝ նպաստելով գյուղի ճանաչելության բարձրացմանը, բնակչի եկամուտների ապահովանը, կենսամակարդակի բարձրացմանը: Այս տարի փառատոնը կանցկացվի սեպտեմբերի 21-ին:

Փառատոնի ընթացքում  ցուցահանդես-վաճառքով տեղի և հարակից շրջանների ներկայացուցիչները, հանդես գալով առանձին տաղավարներում, ներկայացնում են  իրենց բերքն ու բարիքը, Վայոց ձորի մարզին հատուկ ավանդական ուտեստները, քաղցրավենիքը, ամենահամեղ հորած պանիրն ու բազմաթիվ այլ կերակրատեսակներ:

Փառատոնի ընթացքում կտրվում է աշխարհի ամենամեծ գաթան (որը տարեցտարի մեծանում է) և  2017-ին գրանցվել է Դյուցազնի ռեկորդների գրքում:

Փառատոնի շրջանակներում հյուրերի համար անցկացվում են գաթա և արիշտա պատրաստելու վարպետաց դասեր: Այս տարի Արեգի գինու փառատոնն արդեն 11-րդ անգամ կանցկացվի հոկտեմբերի 6-ին Վայոց ձորի Արենի գյուղում:

Միջոցառման նպատակն է զարգացնել գինու զբոսաշրջությունը, ապահովել Հայաստանի ճանաչելիությունը որպես գինու օրրան, ինչպես նաև խթանել համայնքներում խաղողագործութունը և բնակչության կենսամակարդակի բարձրացումը:

Փառատոնի շրջանակներում  գյուղի ամբողջ երկանյքով տեղի և հարակից շրջանների            բնակիչները կներկայացնեն իրենց  գինիները,  ազգային կերակրատեսակները, հուշանվերները: Հատուկ ձևավորված առանձնացված տարածքում  արտադրական գինեգործները ներկայացնում են շուրջ 100 տեսակի գինիներ, ռեստորաններ, առաջարկում են հայկական և միջազգային խոհանոցի լավագույն ուտեստները,  պանրագործների տաղավարներում ներկայացվում է պանիրների լայն տեսականի և  այլն:


NEWS

Ֆրանսիայի Կլամար քաղաքի տարածքային զարգացման առաքելության պատասխանատու Ան Պեղյեն՝ Միությունում
Ֆրանսիայի Կլամար քաղաքի տարածքային զարգացման առաքելության պատասխանատու Ան Պեղյեն՝ Միությունում

13:09

12 11 2019

Նոյեմբերի 12-ին Հայաստանի համայանքների միությունում հյուրընկալվեց Ֆրանսիայի Կլամար քաղաքի...

Հրապարակվել է ՀՀ-ում տեղական ինքնակառավարման ապակենտրոնացման վիճակի վերաբերյալ առաջին զեկույցը
Հրապարակվել է ՀՀ-ում տեղական ինքնակառավարման ապակենտրոնացման վիճակի վերաբերյալ առաջին զեկույցը

17:05

10 11 2019

Նոյեմբերի 10-ին՝ Տեղական ինքնակառավարման օրվան նվիրված ընդունելությանը տեղի ունեցավ Հայաստանի...

Հայաստանի համայնքների միությունը Վարչության նոր կազմ ունի
Հայաստանի համայնքների միությունը Վարչության նոր կազմ ունի

15:24

10 11 2019

Նոյեմբերի 10-ին տեղի ունեցավ Հայաստանի համայնքների միության հանրապետական խորհրդի նիստ: Խորհրդի...

Հայտնի են տարվա լավագույն համայնքները
Հայտնի են տարվա լավագույն համայնքները

15:04

10 11 2019

Նոյեմբերի 10-ին՝ Տեղական ինքնակառավարման օրվան նվիրված ընդունելության ընթացքում տեղի ունեցավ...

 Նոյեմբերի 10-ը ՀՀ-ում տեղական ինքնակառավարման օրն է
Նոյեմբերի 10-ը ՀՀ-ում տեղական ինքնակառավարման օրն է

11:05

10 11 2019

Հայաստանի համայնքների միության նախագահ Էմին Երիցյանի ուղերձը...

Էմին Երիցյանը՝ Եվրոպայի խորհրդի տեղական և տարածքային իշխանությունների կոնգրեսի փոխնախագահ
Էմին Երիցյանը՝ Եվրոպայի խորհրդի տեղական և տարածքային իշխանությունների կոնգրեսի փոխնախագահ

15:47

30 10 2019

Հոկտեմբերի 29-31-ը Ստրասբուրգում անցկացվում է Եվրոպայի խորհրդի տեղական և տարածքային...