Կայուն էներգիայի օր՝ Մասիսում

Կայուն էներգիայի օր՝ Մասիսում

02.07.2019

Հուլիսի 2-ին Մասիսում անցկացվեց Կայուն էներգիայի օր: ԵՀ «Քաղաքապետերի դաշնագիր՝ Արևելք» (CoM East) ծրագրի և Մասիսի համայնքապետարանի կողմից համատեղ կազմակերպված միջոցառման շրջանակում անցկացվեց էներգիայի թեմայով նկարչական մրցույթ, երգային և պարային հանդեսներ, երեխաները ներկայացրին բեմադրություն, տեղի ունեցավ նաև հեծանվաարշավ:

Նշենք, որ Մասիսն անդամակցում է ԵՀ «Քաղաքապետերի դաշնագիր» նախաձեռնությանը, որին անդամակցում են ևս 23 հայաստանյան համայնքներ:

Դաշնագրի շրջանակներում համայնքին աջակցություն է տրամադրում «Քաղաքապետերի դաշնագիր՝ Արևելք» (CoM East) տարածաշրջանային ծրագիրը, որը ֆինանսավորվում է ԵՄ կողմից և իրականացվում է Արևելյան գործընկերության 6 երկրներում: Ծրագրի հիմնական նպատակներն են. Դաշնագրին անդամակցող համայնքների կարողությունների զարգացումը, իրազեկության բարձրացումը, տեխնիկական աջակցությունը համայնքներին Գործողությունների ծրագրերի մշակման, իրականացման և մշտադիտարկման գործում, շահառուների հետ կապերի ուժեղացում և դոնորների ներգրավումը: Դաշնագրի ազգային աջակիցներից է Հայաստանի համայնքների միությունը:

Մասիսում կազմակերպված միջոցառմանը քաղաքապետի պաշտոնակատար Նորայր Հակոբյանը կարևորեց այն, որ Մասիսն անդամակցում է Քաղաքապետերի դաշնագրին և պարտավորվել է մշակել և իրականացնել կայւն էներգետիկ զարգացման ռազմավարություն: Անդրադառնալով համայնքում կայուն էներգիայի օրվա կազմակերպմանը պրն Հակոբյանը հայտնեց, որ այն ունի իրազեկման նպատակ, որպեսզի Մասիսի բնակիչները տեղեկացված լինեն էներգախնայողության օգուտների և վերականգնվող էներգիայի աղբյուրների մասին:

ԵՀ «Քաղաքապետերի դաշնագիր՝ Արևելք» ծրագրի ազգային փորձագետ Հայաստանում Արտեմ Խարազյանը, անդրադառնալով «Քաղաքապետերի դաշնագիր՝ Արևելք» ծրագրին, ասաց. «Սա մի ծրագիր է, որը կոչված է օգնել Հայաստանի համայնքներին մշակել և իրականացնել ռազմավարություն, որը թույլ կտա մինչև 2030 թվական նվազեցնել էներգասպառումը և ջերմոցային գազերի արտանետումները: 2013-ից մինչ այսօր այաստանում Դաշնագրին անդամակցում է 24 համայնք, և մենք օգնում ենք այդ համայնքներին ելակետային տվյալների ավաքագրման, էներգետիկ ծախսերի և արտանետումների գնաատման, ինչպես նաև արտանետումների նվազեցմանն ուղղված ծրագրերի մշակման գրծում: Անդամակցթյունը Դաշնագրում կարղ է հնարավրություն ընձեռնել համայնքին դառնալ ԵՄ դրամաշնրայինհային կամ վարկային ծրագրերի շաառու և իրականացնել ռազմավարությունում առաջարկվղ ծրագրերը»:

Միջոցառման ավարտից հետո հեծանվարշավի, նկարչական մրցույթի և բեմադրության բոլոր մասնակիցները հուշանվերներ ու հավաստագրեր ստացան Ծրագրի և համայնքապետարանի կողմից:

Քաղաքապետերի դաշնագիրը ԵՄ առաջին և ամենահավակնոտ նախաձեռնությունն է, որն ուղղակիորեն թիրախավորում է տեղական իշխանություններին և դրանց քաղաքացիներին՝ համաշխարհային կլիմայական փոփոխության դեմ պայքարի ղեկավարումը ստանձնելու հարցում:


NEWS

Նորարարական տուրիզմի զարգացմանը նվիրված քննարկում՝ Հայաստանի համայնքների միությունում
Նորարարական տուրիզմի զարգացմանը նվիրված քննարկում՝ Հայաստանի համայնքների միությունում

10:53

17 07 2019

Հուլիսի 16-ին Հայաստանի համայնքների միությունում տեղի ունեցավ տուրիզմի զարգացմանն ուղղված...

«Տարածքային կառավարման մասին» ՀՀ օրենքի նախագծի վերաբերյալ  քննարկումներ՝ Հայաստանի համայնքների միությունում
«Տարածքային կառավարման մասին» ՀՀ օրենքի նախագծի վերաբերյալ քննարկումներ՝ Հայաստանի համայնքների միությունում

19:30

16 07 2019

Հուլիսի 16-ից Հայաստանի համայնքների միության գրասենյակում մեկնարկեցին «Տարածքային...

Կայուն էներգիայի օր՝ Տաշիրում
Կայուն էներգիայի օր՝ Տաշիրում

16:56

08 07 2019

Տաշիր քաղաքում անցկացվեց Կայուն էներգիայի օր: Տաշիրի համայնքապետարանի և ԵՄ-ի կողմից...

Meeting of the Monitoring Committee in Oslo, Norway
Meeting of the Monitoring Committee in Oslo, Norway

16:33

03 07 2019

The members of the Congress  Monitoring Committee  will meet in Oslo, Norway, on 3...

Կայուն էներգիայի օրեր՝ Իջևանում «Իջևանի կայուն էներգետիկ զարգացում Քաղաքապետերի դաշնագրի ներքո» խորագրով
Կայուն էներգիայի օրեր՝ Իջևանում «Իջևանի կայուն էներգետիկ զարգացում Քաղաքապետերի դաշնագրի ներքո» խորագրով

14:02

28 06 2019

«Իջևանի կայուն էներգետիկ զարգացում Քաղաքապետերի դաշնագրի ներքո» աշխատաժողովով Իջևանը...

Մարտունին ևս միացավ ԵՄ կայուն էներգիայի շաբաթվան. էներգիայի օրվան նվիրված միջոցառումներ՝ քաղաքում
Մարտունին ևս միացավ ԵՄ կայուն էներգիայի շաբաթվան. էներգիայի օրվան նվիրված միջոցառումներ՝ քաղաքում

11:08

27 06 2019

Հեծանվաարշավ, կայուն էներգիայի թեմայով նկարչական մրցույթ, էներգախնայողության թեմայով...