Եվրոպայի խորհրդի Տեղական և տարածքային իշխանությունների կոնգրեսի (ԵԽ Կոնգրես) նախագահ Լինդերտ Վերբիկը դեկտեմբերի 14-ին անցկացվող ԵՄ Արևելյան գործընկերության տեղական և տարածաշրջանային իշխանությունների կոնֆերանսի (CORLEAP) 10-րդ տարեկան ժողովի ընթացքում հայտնել է՝ ապակենտրոնացման գործընթացն արդեն ընթացքի մեջ է ԵԽ անդամ երկրներում: 

Կոնգրեսի նախագահը կարևորել է երկխոսությունը տեղական և կենտրոնական իշխանությունների միջև տեղական ինքնակառավարման մարմինների ասոցիացիաների միջոցով: Իր ելույթում Լինդերտ Վերբիկը մասնավորապես նշել է. «Մենք Կոնգրեսում հենց համայնքներից ենք լսում տեղական իշխանություններին առնչվող մարտահրավերների մասին: Բոլոր այդ մարտահրավերները հաղթահարելու համար մեզ պետք է ավելի մեծ ապակենտրոնացում, տեղական իշխանությունների հետ համագործակցության միջոցով պետք է կարողանանք ապահովել թափանցիկության, քաղաքացիական մասնակցության  և հաշվտվողականության վրա հիմնված բաց կառավարում: