Warning: file_put_contents(): Only 0 of 113 bytes written, possibly out of free disk space in /home/caa/inc/functions.php on line 104

Warning: file_put_contents(): Only 0 of 107 bytes written, possibly out of free disk space in /home/caa/inc/functions.php on line 104
Communities Association of Armenia

ՀՀ-ում և Սերբիայում ՏԻՄ խնդիրները շատ դեպքերում համընկնում են. ՀՀՄ պատվիրակության այցը Սերբիա

ՀՀ-ում և Սերբիայում ՏԻՄ խնդիրները շատ դեպքերում համընկնում են. ՀՀՄ պատվիրակության այցը Սերբիա

08.07.2018

Հուլիսի 2-6-ը Հայաստանի համայնքների միության (ՀՀՄ) պատվիրակությունն այցելեց Սերբիա: Հուլիսի 3-ին այցի շրջանակներում պատվիրակության անդամները հանդիպում ունեցան Բելգրադում տեղակայված Սերբիայի քաղաքների մշտական համաժողովի (ՍՔՀՄ) գրասենյակում: ՀՀ քաղաքապետերն ու Հայաստանի համայնքների միության (ՀՀՄ) պատվիրակության մյուս ներկայացուցիչները ծանոթացան և քննարկեցին երկուստեք հետաքրքրող մի շարք խնդիրներ:

ՍՔՀՄգլխավոր քարտուղար Ժորժ Ստանիչը հիշեց՝ ժամանակին, երբ ստեղծում էին կազմակերպությունը, 5 հոգով էին, այժմ կազմակերպությունն ունի 70 հոգանոց աշխատակազմ՝ իրավաբաններից մինչև քաղաքագետներ. մասնագետներ, որոնք մեծ ճանաչում ունեն: Պարոն Ստանիչի տեղեկացմամբ՝ կազմակերպության նախագահությունը ձևավորվում է 2 տարին մեկ. այն կազմված է 24 անդամներից՝ 23 համայնքների ղեկավարներ և գլխավոր քարտուղար:

Հանդիպման ընթացքում ներկայացվեց նաև Սերբիայում ՏԻՄ համակարգը: ՍՔՀՄ ներկայացուցիչ Նիկոլա Տարբուկի փոխանցմամբ՝ Սերբիայի համայնքնապետարանները Եվրոպայում մեծագույններից են. համայնքային բնակչության թիվը հասնում է 45.000-ի: Հանդիպման ընթացքում ներկայացվեց նաև սերբական օրենսդրական դաշտը, ու ՍՔՀՄ ներկայացուցիչները շեշտեցին, որ գոյություն ունեն խիստ չափորոշիչներ պետական վերահսկողության մարմինների՝ ՏԻՄ-երում վերահսկողություն իրականացնելու հարցում:

Սերբիայի տարածքում գործում են համայնքային ծառայության  կենտրոններ, որտեղ խորհրդատվություն է տրվում համայնքներին: Գործում է նաև համայնքների աշխատակազմերի ղեկավարների ցանց: Կառույցի ներկայացուցիչների սահմանմամբ՝ իրենց նպատակն է անել այնպես, որ համայնքների խնդիրները լուծվեն պետական մակարդակում համապատասխան օրենքների միջոցով: Այստեղ շահերի պաշտպանությունն ու ծառայությունների մատուցումը դիտարկվում են մեկ շղթայում: Նիկոլ Տարբուկը նաև տեղեկացրեց. «Տարեկան վերապատրաստում ենք 2000 ՏԻՄ անդամներ, իրակայացնում խորհրդատվական ծառայություններ, նաև անմիջական աջակցություն կոնկրետ ՏԻՄ-երին: Տարին երկուսից երեք անգամ տարբեր հեռահար ուսուցման ծրագրեր ենք առաջարկում, որոնք տևում են վեցից ութ շաբաթ: ՏԻՄ-երին խորհրդատվական ծառայություններ իրականացնելու համար համագործակցում ենք նաև փորձագետների հետ»: ՍՔՀՄ ներկայացուցչի տեղեկացմամբ՝ ունեն նորարարական գործիք. էլեկտրոնային կայքում տեղադրված հարցաշարի միջոցով ՏԻՄ-երը կարող են վերլուծել իրենց կարողությունները:

ՀՀՄ պատվիրակության անդամներին հետաքրքրեց կառավարության հետ խորհրդակցությունների մեխանիզմն ինչպե՞ս են համակարգում, պարոն Տարբուկը նշեց. «Բոլոր համայնքները մեր անդամներն են: Չունենք որևէ պարտադրանք, որ պետությունը խորհրդակցի ՏԻՄ-երի հետ: Կարևոր է, որ մեր ասոցիացիան ցույց տա կառավարությանը, որ իր բոլոր անդամներն իր մեջքին կանգնած են և ներկայացնեն միասնական ձայն ու դիրքորոշում: Եղավ ժամանակահատված, երբ գրեթե բոլոր ՏԻՄ ղեկավարներն իրենց քաղաքական պատկանելությունը փոխեցին, բայց մեզ ասացին, թե դուք ներկայացնում եք մեր շահերը և մեզ մոտ ասոցիացիայի հետ կապված ոչինչ չի փոխվել:»:

Հարցին՝ ինչքա՞ն է կազմում բոլոր 170 համայնքների ֆինանսները հանրային ֆինանսներում կամ ՀՆԱ-ի մեջ, որպեսզի պատկերացնենք ապակենտրոնացան մակարդակը, պարոն Տաբուկը պատասխանեց. «2015-ի տվյալներով՝ 7-8 տոկոսն է ՀՆԱ-ի»: Սերբիայում կա 10 կին համայնքի ղեկավար, մի շարք համայքների աշխատակազմերի ղեկավարները կանայք են, սակայն քաղաքական իշխանություն ունի համայնքի ղեկավարը: Մյուս հարցին՝ երկրում քաղաքական իրավիճակի փոփոխման դեպքում հարաբերակցություն փոխվո՞ւմ է ՏԻՄ-երում կամ կա՞ն արդյոք քաղաքային համայնքների ղեկավարներ, որոնք անկուսակցականներ են, պարոն Տարբուկը պատասխանեց. «Վերջին 2 տարվա ընթացքում հիմնականում ՏԻՄ ընտրություններն արտացոլում են ազգային ընտրությունների տրամաբանությունը, քանի որ հիմնականում նույն ժամանակահատվածում են կազմակերպվում: Սովորաբար ով վերցնում է կենտրոնական իշխանությունը, վերցնում է նաև տեղական իշխանությունը: 6-7 համայնք ունենք, որոնք ներկայացնում են ընդդիմությունը, մյուսները կամ իշխող կուսակցություններից են, կամ  աջակցում են իշխող կուսակցությանը: Կան մարդիկ, որոնք սկսել են որպես տեղական լիդերներ, հետո աստիճանաբար նրանք դարձել են կունսակցականներ»:

ՀՀՄ պատվիրակության անդամները հանդիպում ունեցան նաև Սերբիայի պետական կառավարման և ՏԻՄ նախարար Բրանկո Ռուժիչի ու խորհրդականների հետ: Այս ընթացքում քննարկում ծավալվեց երկու երկրներում ՏԻՄ մարմինների գործունեության, օրենսդրական դաշտի, կենտրոնական իշխանություններ և ՏԻՄ մարմինների համագործակցության մասին:

Հավելենք, որ այցի շրջանակներում հայ պատվիրակներն այցելեցին նաև Սերբիայի Սոմբոր և Կնիչ համայնքների:


ՆՈՐՈՒԹՅՈՒՆՆԵՐ

«Հայաստանը մշտապես եղել և այժմ էլ ակտիվ է համագործակցության առումով». ԵԽ Կոնգրեսի նորընտիր նախագահ
«Հայաստանը մշտապես եղել և այժմ էլ ակտիվ է համագործակցության առումով». ԵԽ Կոնգրեսի նորընտիր նախագահ

10:29

13 11 2018

Նոյեմբերի 6-8-ը Ստրասբուրգում անցկացվեց Եվրոպայի խորհրդի տեղական և տարածքային իշխանությունների...

Անցկացվեց «Ապակենտրոնացում և տեղական տնտեսական զարգացում» տեղական ժողովրդավարության համաժողովը
Անցկացվեց «Ապակենտրոնացում և տեղական տնտեսական զարգացում» տեղական ժողովրդավարության համաժողովը

13:45

12 11 2018

Նոյեմբերի 12-ին անցկացվեց «Ապակենտրոնացում և տեղական տնտեսական զարգացում» տեղական...

Հայտնի են «Լավագույն համայնք 2018» մրցանակաբաշխության հաղթողները
Հայտնի են «Լավագույն համայնք 2018» մրցանակաբաշխության հաղթողները

21:05

10 11 2018

2018-ի քաղաքային լավագույն քաղաքային համայնքը Սևանն է, իսկ լավագույն գյուղական համայնքը՝ Գառնի...

Էմին Երիցյանի ուղերձը տեղական ինքնակառավարման օրվա կապակցությամբ
Էմին Երիցյանի ուղերձը տեղական ինքնակառավարման օրվա կապակցությամբ

14:28

10 11 2018

Շնորհավորում եմ տեղական ինքնակառավարման օրվա առիթով Հարգելի համայնքապետեր, Ավագանու...

Տեղական իշխանությունների՝ խորհրդատվություն ստանալու իրավունքը կարևոր գործիք ժողովրդավարությունը տեղական մակարդակում զարգացնելու համար
Տեղական իշխանությունների՝ խորհրդատվություն ստանալու իրավունքը կարևոր գործիք ժողովրդավարությունը տեղական մակարդակում զարգացնելու համար

14:32

08 11 2018

Եվրոպայի խորհրդի տեղական և տարածքային իշխանությունների կոնգրեսի 35-րդ լիագումար նստաշրջանի...


Warning: file_put_contents(): Only 0 of 103 bytes written, possibly out of free disk space in /home/caa/inc/functions.php on line 104

Warning: file_put_contents(): Only 0 of 176 bytes written, possibly out of free disk space in /home/caa/inc/functions.php on line 104