«Խաղաղության և ընդգրկուն հասարակության անհնար է հասնել անվտանգության այնպիսի միջոցներով, որոնք միայն հանրային կարգ ու կանոն են սահմանում:-նշել է Կոնգրեսի Գլխավոր քարտուղար Անդրեաս Կիֆերը 2017թ.-ի մարտի 11-ին Կահիրեում կայացած Իսլամական հարցերով գերագույն խորհրդի 27-րդ համաժողովի ժամանակ, որի թեման էր՝ ղեկավարների և որոշում կայացնողների դերը խաղաղության մշակույթի տարածման գործում և ահաբեկչության դեմ պայքարում,- Կայուն խաղաղության համար մեզ անհրաժեշտ է, որ մարդիկ սովորեն իրենց տարբերություններով հանդերձ միասին ապրել, և դրան հասնելու համար անհրաժեշտ է, որ տեղական առաջնորդները տեղյակ լինեն այս խնդրի վերաբերյալ և պատրաստակամ լինեն աշխատելու իրենց քաղաքացիների հետ՝ սա իրականություն դարձնելու համար»: 

Համաժողովի մասնակիցներն ընդունել են «Խաղաղության տարածման Կահիրեի փաստաթուղթը», որ առաջարկում է օգտագործել իրազեկվածության բարձրացման հասանելի բոլոր միջոցները՝ հանդուրժողականության մշակույթի տարածման և ծայրահեղականության դեմ պայքարի նպատակով: Փաստաթղթի հանձնարարականներից շատերը լիովին համապատասխանում են արմատականացման դեմ Կոնգրեսի ուղենիշներին և միջմշակութային երկխոսության գործիքակազմին:«Քանի որ Եվրոպայի խորհրդի մի քանի անդամ երկրներ ներկայացված են այս համաժողովին, մենք կքննարկենք, թե ինչպես կարող ենք այս բարձր մակարդակի ֆորումը զուգադրել Բարսելոնայում 2017թ.-ի նոյեմբերին կայանալիք Արմատականացման դեմ պայքարի համայնքապետերի երրորդ գագաթնաժողովի հետ»,-եզրափակել է Անդրեաս Կիֆերը:

Աղբյուրը՝Source: http://www.coe.int/t/congress/default_EN.asp?