«Հնարավոր է Էջմիածինն առաջիններից լինի, որն աղբահանության ոլորտում նոր մոտեցմամբ հանդես գա». Դիանա Գասպարյան
22.07.2018
Էջմիածնի քաղաքապետի ժամանակավոր պաշտոնակատար, 30-ամյա Դիանա Գասպարյանի հավաստմամբ՝ շուտով հնարավոր է Էջմիածնում աղբահանության նոր քաղաքականություն իրականացվի:
Հարցին՝ քաղաքապետի նորանշանակ ժամանակավոր պաշտոնակատարի համար ի՞նչ օրակարգային խնդիրներ կան, Դիանա Գասպարյանը պատասխանեց. «Ոչ միայն Էջմիածնում, այլև ողջ հանրապետությունում այս շոգ եղանակին աղբահանության հարցն է օրակարգային: Այն կարծես թե բնակիչներին ամենաշատ հուզող խնդիրներից է: Իրականում աղբահանությունն Էջմիածնում բնականոն կերպով ընթանում է: Նախկին տարիներին ևս նման իրավիճակ է եղել, որ մոտավորապես կրկնապատկվել է աղբի քանակը, և տեսանելի շատ աղբ է կուտակվել: Ես հակված եմ աղբահանության քաղաքականությունն առհասարակ փոխել, եթե հնարավոր է: Այս պահին կարող եմ ասել անգամ ԱՄՆ-ից ժամանած մասնագետ եմ հրավիրել, ով այդ ոլորտում լուրջ հաջողություններ ունի, և մոտ օրերս նա կներկայացնի ճանապարհային քարտեզ, կառաջարկի՝ ինչպես կազմակերպել աղբահանությունը: Հնարավոր է Էջմիածինն առաջիններից լինի, որն աղբահանության ոլորտում բավականին նոր մոտեցմամբ հանդես գա»:
Ըստ Դիանա Գասպարյանի՝ կարևոր խնդիրներից է նաև ասֆարտապատման հարցը: Նա հավաստիացրեց՝ փորձելու է կառավարությունից ստանալ սուբվենցիա և կրկնապատկել ասֆալտապատման համար հատկացվող գումարը. «Գնահատումը, նախահաշիվն արվել են նախկինում. ես հիմա հակված եմ վերագնահատել՝ որ փողոցներն ասֆալտապատման կարիք ունեն: Այս պահին ասֆալտպատման աշխատանքները դադարեցված են, վերականգնվելու են սեպտեմբերի սկզբից հավանաբար: Բացի այդ այստեղ ամեն դեպքում ունենք բնակչությանը հուզող խնդիր: Դա մի փոքր քաղաքական համատեքստ ունի: Միշտ հաղթել է նախկին ԱԺ պատգամավոր Մանվել Գրիգորյանին պատկանող ասֆալտապատման կազմակերպությունը: Հիմա մարդիկ ասֆալտի որակից դժգոհ են: Տենդերներ հայտարարելու խնդիր ունեմ»:
Դիանա Գասպարյանի տեղեկացմամբ՝ տենդերներ կհայտարարվեն նաև մանկապարտեզային սննդի և հացի մատակարարման ոլորտներում:
Էջմիածների քաղաքապետի պաշտոնակատարը հայտնեց՝ բնակիչներից շատ է դիմումներ ստանում տանիքների վերանորոգման հետ կապված: Դիանա Գասպարյանը նաև մեծ ուշադրություն է դարձնելու քաղաքի մշակութային կյանքի կազմակերպմանը: Այս առիթով մանրամասնեց. «Մոտ օրերս հանդիպելու եմ մշակույթի նախարարին և փորձելու եմ Էջմիածնում մշակութային առումով փոփոխություններ բերել»:
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
22
Նմբ
26
Հոկ
25
Հոկ