«Ներհամայնքային ճանապարհների սպասարկման խնդիրները» թեմայով կլոր սեղան- հանդիպում` Գյումրիում

«Ներհամայնքային ճանապարհների սպասարկման խնդիրները» թեմայով կլոր սեղան- հանդիպում` Գյումրիում

30.01.2019

Հունվարի 29-ին Գյումրիում տեղի ունեցավ «Ներհամայնքային ճանապարհների սպասարկման խնդիրները» թեմայով կլոր սեղան- հանդիպում։ Քննարկմանը մասնակցեցին քաղաքացիական հասարակության, տեղական ինքնակառավարման մարմինների  ներկայացուցիչներ։

Կլոր սեղան հանդիպումը տեղի ունեցավ Եվրամիության կողմից ֆինանսավորվող «Կառուցողական երկխոսության հանձնառություն» ծրագրի շրջանակում: Ծրագիրը մեկնարկել է 2016 թ. դեկտեմբերին: Տևողությունը 34 ամիս է: Ծրագիրը ֆինանսավորվում է Եվրոպական միության կողմից և իրականացվում «Իրավաբանների հայկական ասոցիացիա» ՀԿ-ի (ղեկավար կազմակերպություն), Մարդկային զարգացման միջազգային կենտրոնի, Հայաստանի համայնքների միություն (ՀՀՄ) ԻԱՄ-ի, «Ժողովրդավարական կրթության հայկական կենտրոն-ՍԻՎԻՏԱՍ» ՀԿ-ի, «Փոքր և միջին ձեռնարկատիրության համագործակցության ասոցիացիա» ՀԿ-ի, ինչպես նաև «Ագորա Սենթրալ Յուրըփ» չեխական ՀԿ-ի համատեղ կոնսորցիումով:

«Մասնակցային մոնիթորինգ հանուն խելացի համայնքների ստեղծման Հայաստանում» ծրագրի ղեկավար, «Կոմպաս» ՀԿ ներկայացուցիչ Հայկարամ Դրմեյանը ներկայացրեց «Ճանապարհների սպասարկում» զեկույցը։

Նա նշեց, որ հետազոտության նպատակն է ուսումնասիրել ընտրված 6 խոշորացված համայնքներում ներհամայնքային ճանապարհների սպասարկման ոլորտը և գնահատել համայնքների բնակիչների բավարարվածությունը համայնքապետարանների կողմից մատուցվող ներհամայնքային ճանապարհների սպասարկման ծառայությունների որակից։

Ախուրյան համայնքում ուսումնասիրվել է 59 փողոց, արվել 162 հարցում, Աշոցք համայնքում՝ 57 փողոց, 137 հարցում: Հետազոտության արդյունքում հիմնական եզրակացություններից է այն, որ բոլոր խոշորացված համայքների բնակիչները հիմնականում դժգոհ են եղել ներհամայնքային ճանապարհների սպասարկումից: Դժգոհության հիմնական տեղիք են տվել երթևեկելի մասերի ծածկույթի ցածր որակը, ասֆալտի շերտի բացակայությունը և քայքայվածությունը, փողոցների երկայնքով մայթերի բացակայությունը:

Պատշաճ պահպանված չեն եղել վերջին երկու տարիների ընթացքում վերանորոգված փողոցները: Դիտարկված փողոցները հիմնականում չեն ունեցել ջրահեռացման համակարգեր:

Քննարկման ընթացքում կարծիք հնչեց, որ ճանապարհաշինության համար պետք է կոշտացնել ստանդարտների քաղաքականությունը, քանի որ ստանդարտներից դուրս կառուցված ճանապարհները շուտ են շարքից դուրս գալիս, ինչը կրկնակի աշխատանք կատարելու կարիք է ստեղծում: Կարևորվեց նաև համայնքների կարողությունների զարգացման հարցը, տեղական մակարդակում ռազմավարությունների մշակման ժամանակ քաղաքականությունների փոփոխությունների անհրաժեշտությունը, առաջարկ հնչեց ճանապարհաշինության իրականացման հարցը կառուցել մարդկային գործոնի վրա:

Շեշտվեց համայնքների՝ երկար փողերի հետ աշխատելու կարողությունը, անդրադարձ կատարվեց նաև խոշորացման գործընթացից հետո առաջացած խնդիրներին, երբ նոր ծանրաբեռնվածություն ենք ստեղծել համայնքների համար, բայց ֆինանսական ավել միջոցներ չեն հատկացվել:

Կարևորվեց նաև նորարարական մոտեցում դրսևորելը, քանի որ, օրինակ, ճանապարհային նշաններ դնելիս պետք է հաշվի առնել համայնքի բնակլիմայական պայմանները:

Ճանապարհների լավ պահպանման  համար, մասնակիցների խոսքով, պետք է բնակիչների մոտեցումը փոխվի, որպեսզի բարեխճղորեն օգտագործեն ճանապարհները: Սրան հասնելու համար էլ պետք է ՏԻՄ-ը աշխատանքներ տանի, որոշակի նորմատիվներ մշակվեն, կառուցողական երկխոսություն լինի ՏԻՄ-ի և բնակչության միջև, իսկ մոնիթորինգների ժամանակ պետք է նաև տվյալներ հավաքագրվեն այն մասին, թե արդյո՞ք բնակիչները կատարում են իրենց պարտականությունները, հարկային պարտավորությունները:

Կարծիք հնչեց նաև, որ համայնքներում ճանապարհները պետք է կառուցվեն հաշվի առնելով տնտեսական բաղադրիչը. օրինակ, շուկա տանող ճանապարհների կառուցումը, և չառաջնորդվել միայն բնակիչների կարծիքով, քանի որ  յուրաքանչյուրը կցանկանա իր տուն տանող ճանապարհը կառուցված տեսնել։

Քննարկման արդյունքում եղավ այն եզրահանգումը, որ ՏԻՄ-ը պետք է հաշվի առնի ՔՀԿ-ների կողմից արված մոնիթորինգի աշխատանքները, աշխատանք տանի բնակչության հետ ու ներհամայնքային ճանապարհները կառուցելիս օբյեկտիվ առաջնահերթություն տա դրանց:

 

 

 

 

 

 


ՆՈՐՈՒԹՅՈՒՆՆԵՐ

Սպառնալիքներն ու հարձակումները տեղական իշխանությունների ներկայացուցիչների նկատմամբ ավելի ու ավելի հաճախակի են դառնում
Սպառնալիքներն ու հարձակումները տեղական իշխանությունների ներկայացուցիչների նկատմամբ ավելի ու ավելի հաճախակի են դառնում

13:52

05 04 2019

Սպառնալիքներն ու հարձակումները տեղական իշխանությունների ներկայացուցիչների նկատմամբ ավելի ու...

 Կոնգրեսը պահանջում է պատշաճ փոխհատուցում տեղական եւ տարածքային ընտրված ներկայացուցիչների համար
Կոնգրեսը պահանջում է պատշաճ փոխհատուցում տեղական եւ տարածքային ընտրված ներկայացուցիչների համար

11:24

04 04 2019

Ապրիլի 3-ին Եվրոպայի խորհրդի տեղական և տարածքային իշխանությունների կոնգրեսը 36-րդ նստաշրջանի...

Եվրոպայի խորհրդի ապագան. ժողովրդավարական հաստատությունների նկատմամբ վստահության վերականգումը՝ տեղական մակարդակում
Եվրոպայի խորհրդի ապագան. ժողովրդավարական հաստատությունների նկատմամբ վստահության վերականգումը՝ տեղական մակարդակում

13:35

03 04 2019

«Ներկայիս ժողովրդավարական ճգնաժամի իրավիճակում մեր կարծիքով՝ տեղական հաստատություններն...

Ստրասբուրգում մեկնարկել է Եվրոպայի խորհրդի տեղական և տարածքային իշխանությունների կոնգրեսի 36-րդ նստաշրջանը
Ստրասբուրգում մեկնարկել է Եվրոպայի խորհրդի տեղական և տարածքային իշխանությունների կոնգրեսի 36-րդ նստաշրջանը

10:44

03 04 2019

Ապրիլի 2-ին Ստրասբուրգում մեկնարկեց Եվրոպայի խորհրդի Տեղական և տարածքային իշխանությունների...

CORLEAP բյուրոյի 14-րդ նիստը ու «Տեղական իշխանություններ և քաղհասարակության կազմակերպություններ» միջազգային համաժողով՝ Երևանում
CORLEAP բյուրոյի 14-րդ նիստը ու «Տեղական իշխանություններ և քաղհասարակության կազմակերպություններ» միջազգային համաժողով՝ Երևանում

11:17

29 03 2019

Մարտի 28-ին անցկացվեց «Տեղական իշխանություններ և  քաղաքացիական հասարակության...

Ռեգիոնների եվրոպական ակադեմիայի պատվավոր անդամ Հենրի Մալոսը՝ Հայաստանի համայնքների միությունում
Ռեգիոնների եվրոպական ակադեմիայի պատվավոր անդամ Հենրի Մալոսը՝ Հայաստանի համայնքների միությունում

15:09

20 03 2019

Մարտի 14-ին Հայաստանի համայնքների միությունում հյուրընկալվեց Ռեգիոնների եվրոպական ակադեմիայի...