Տեղի է ունեցել «Կայուն էներգետիկայի զարգացման հեռանկարները Հայաստանի համայնքներում» խորագրով  համաժողով

Տեղի է ունեցել «Կայուն էներգետիկայի զարգացման հեռանկարները Հայաստանի համայնքներում» խորագրով համաժողով

07.06.2018

Էներգաարդյունավետության և վերականգնվող էներգիայի վերաբերյալ լայնամասշտաբ իրազեկման նպատակով՝ Եվրոպական միության նախաձեռնությամբ աշխարհի մի շարք երկրներում և քաղաքներում անցկացվում են կայուն էներգետիկայի օրեր:

Հայաստանում ևս հունիսի առաջին շաբաթվա մեջ մի շարք միջոցառումներ կայացան՝ նվիրված կայուն էներգետիկայի օրերին: Մեկշաբաթյա նախաձեռնության նպատակն էր բարձրացնել իրազեկման մակարդակը Հայաստանում վերականգնվող էներգետիկայի, էներգաարդյունավետության, էներգետիկ անվտանգության, կայունության և բազմազանության վերաբերյալ քաղաքացիների, մասնավոր և հանրային հաստատությունների, բիզնես ոլորտի, քաղաքացիական հասարակության ներկայացուցիչների ու երիտասարդների շրջանում: Էներգախնայողության աջակցման հիմնադրամի ու Հայաստանի համայնքների միության նախաձեռնությամբ՝ «Եվրոպական միությունը հանուն Հայաստանի կայուն էներգետիկայի» (EU4ASEP) ծրագրի շրջանակում՝ Ապարան համայնքում հունիսի 4-ին մեկնարկեց «կայուն էներգետիկայի շաբաթ» միջոցառումների շարքը /ցուցահանդեսով/, որը շարունակվեց հունիսի 5–ին Արթիկում և ամփոփվեց հունիսի 6-ին Երևանում՝ «Կայուն էներգետիկայի զարգացման հեռանկարները Հայաստանի համայնքերում» խորագրով համաժողովով, որը տեղի ունեցավ Էներգաարդյունավետ համայնքների ֆորումի շրջանակում։

«Կայուն էներգետիկայի զարգացման հեռանկարները Հայաստանի համայնքներում» համաժողովը կազմակերպված է «Եվրոպական Միությունը Հանուն Հայաստանի Կայուն Էներգետիկայի» (EU4ASEP) և «Կառուցողական երկխոսության հանձնառություն» ծրագրերի շրջանակներում և իրականացվում է Էներգախնայողության աջակցման հիմնադրամի և Հայաստանի համայնքների միության կողմից։

Եվրոպական Միության կարևոր սկզբունքներից մեկն է խթանել ապահով, մրցունակ և կայուն էներգետիկայի զարգացումը: Վերջին տարիներին Եվրոպական միությունը ՀՀ կառավարության հետ համատեղ աջակցել է մի շարք բարեփոխումների ու ծրագրերի իրականացմանը: Դրանց նպատակն է օժանդակել Հայաստանի համայնքներին՝ քայլեր ձեռնարկել վերականգնվող էներգետիկայի զարգացման, էներգաարդյունավետության և էներգախնայողության բարելավման ուղղությամբ:

Համաժողովի մասնակիցները՝ ՀՀ կառավարության և ԵՄ պատվիրակության անդամները, Էներգախնայողության աջակցման հիմնադրամի ու Հայաստանի համայնքների միության և շահագրգիռ պետական, մասնավոր, մասնագիտական այլ կազմակերպությունների ներկայացուցիչները քննարկեցին կայուն էներգետիկայի զարգացման հեռանկարները, օրենսդրական, ֆինանսավորման, հանրային-մասնավոր համագործակցության խնդիրները, Հայաստանի համայնքներում վերականգնվող ու կայուն էներգիայի զարգացման հնարավորությունները: Ներկայացվեցին նաև ԵՄ ֆինանսավորմամբ իրականացվող ծրագրերի արդյունքները:

«Եվրամիությունը հանուն Հայաստանի կայուն էներգետիկայի» ծրագիրն իրականացվում է Էներգախնայողության աջակցման հիմնադրամի և Հայաստանի համայնքների միության կողմից:


ՆՈՐՈՒԹՅՈՒՆՆԵՐ

Ռեգիոնների եվրոպական ակադեմիայի պատվավոր անդամ Հենրի Մալոսը՝ Հայաստանի համայնքների միությունում
Ռեգիոնների եվրոպական ակադեմիայի պատվավոր անդամ Հենրի Մալոսը՝ Հայաստանի համայնքների միությունում

15:09

20 03 2019

Մարտի 14-ին Հայաստանի համայնքների միությունում հյուրընկալվեց Ռեգիոնների եվրոպական ակադեմիայի...

Համայնքների ավագանիների խորհրդի երկօրյա աշխատաժողով` Ծաղկաձորում
Համայնքների ավագանիների խորհրդի երկօրյա աշխատաժողով` Ծաղկաձորում

13:18

16 03 2019

Ծաղկաձորում մարտի 15-16-ին անցկացվեց Համայնքների ավագանիների խորհրդի երկօրյա աշխատաժողով:...

Ստեղծվեց Քաղաքապետերի դաշնագրի ակումբ
Ստեղծվեց Քաղաքապետերի դաշնագրի ակումբ

18:58

14 03 2019

Եվրոպական հանձնաժողովի «Քաղաքապետերի դաշնագիր՝ Արևելք» տարածաշրջանային ծրագրի...

Համայնքային իրավաբանների համար աշխատաժողով՝ Ծաղկաձորում
Համայնքային իրավաբանների համար աշխատաժողով՝ Ծաղկաձորում

11:42

02 03 2019

Մարտի 1-2-ին Ծաղկաձորում անցկացվեց Համայնքային իրավաբանների համար աշխատաժողով:

Անցկացվեց Համայնքային ծառայողների աշխատանքային խմբի նիստ
Անցկացվեց Համայնքային ծառայողների աշխատանքային խմբի նիստ

11:59

28 02 2019

Փետրվարի 26-ին տեղի ունեցավ համայնքային  ծառայողների աշխատանքային խմբի նիստ: