Դիլիջանում կբացվի զբոսաշրջային տեղեկատվական կենտրոն

Դիլիջանում կբացվի զբոսաշրջային տեղեկատվական կենտրոն

31.07.2018

Օգոստոսի երկրորդ կեսին Դիլիջան քաղաքում կբացվի զբոսաշրջային տեղեկատվական կենտրոն:

Դիլիջանի քաղաքապետ Արմեն Սանթրոսյանը տեղեկացրեց՝ 1 միլիոն 400.000 եվրո բյուջե ունեցող ծրագիրը քառակողմ է. իրականացվում է Դիլիջան խոշորացված համայնքի, Հայաստանի զարգացման նախաձեռնություններ (IDeA) հիմնադրամի, ԵՄ-ի ծրագրի և «Դիլիջան» ազգային պարկի համագործակցությամբ:

 Այս առիթով պարոն Սանթրոսյանը պարզաբանեց. «Դիլիջանում որպես այդպիսին չունենք տուրիստական տեղեկատվական կենտրոն, մինչդեռ քաղաքում այդպիսի կենտրոնի բացումն ավելի կխթանի տուրիզմի զարգացումը»:

Արմեն Սանթրոսյանն ուրախությամբ նշեց՝ Դիլիջանում աճում է հյուրատների թիվը. «Ունենք 100-ից ավելի հյուրատներ՝ չհաշված առողջարաններն ու հյուրանոցները: ԿԲ-ի՝ «Դիլիջան ուսումնահետազոտական կենտրոնի», Դիլիջանի միջազգային դպրոցի կառուցումը ևս խթանում է զբոսաշրջության զարգացմանը: Միջազգային դպրոցում այսօր սովորում են 80-ից ավելի երկրների 200-ից ավել երեխաներ, որոնց ծնողները պարբերաբար այցելում են նրանց, ունենում են հյուրեր, ինչն էլ զարգացնում է տուրիզմը»:

Դիլիջանի քաղաքապետի հետ զրույցում հետաքրքրվեցինք՝ որո՞նք են քաղաքի օրակարգային խնդիրները: Արմեն Սանթրոսյանի տեղեկացմամբ՝ լուրջ խնդիրներ են առաջացել խոշորացումից հետո, երբ քաղաքին միացել են 6 գյուղական  համայնքներ. «Այդ գյուղերում ունենք ջրագծերի, ճանապարհների խնդիրներ, ինչի պատճառով երկու տարուց ավելի է չենք հասցնում վերանորոգման աշխատանքներ իրականացնել Դիլիջանում: Քաղաքում կան թաղամասեր, որոնք ճանապարհների հետ կապված ունեն լուրջ խնդիրներ»:

Պարոն Սանթրոսյանը հույս հայտնեց՝ 2019-ին Ասիական զարգացման բանկին կներկայացնեն ծրագիր և հնարավորություն կունենան լուծել նմանատիպ խնդիրները:

 


ՆՈՐՈՒԹՅՈՒՆՆԵՐ

«Հայաստանը մշտապես եղել և այժմ էլ ակտիվ է համագործակցության առումով». ԵԽ Կոնգրեսի նորընտիր նախագահ
«Հայաստանը մշտապես եղել և այժմ էլ ակտիվ է համագործակցության առումով». ԵԽ Կոնգրեսի նորընտիր նախագահ

10:29

13 11 2018

Նոյեմբերի 6-8-ը Ստրասբուրգում անցկացվեց Եվրոպայի խորհրդի տեղական և տարածքային իշխանությունների...

Անցկացվեց «Ապակենտրոնացում և տեղական տնտեսական զարգացում» տեղական ժողովրդավարության համաժողովը
Անցկացվեց «Ապակենտրոնացում և տեղական տնտեսական զարգացում» տեղական ժողովրդավարության համաժողովը

13:45

12 11 2018

Նոյեմբերի 12-ին անցկացվեց «Ապակենտրոնացում և տեղական տնտեսական զարգացում» տեղական...

Հայտնի են «Լավագույն համայնք 2018» մրցանակաբաշխության հաղթողները
Հայտնի են «Լավագույն համայնք 2018» մրցանակաբաշխության հաղթողները

21:05

10 11 2018

2018-ի քաղաքային լավագույն քաղաքային համայնքը Սևանն է, իսկ լավագույն գյուղական համայնքը՝ Գառնի...

Էմին Երիցյանի ուղերձը տեղական ինքնակառավարման օրվա կապակցությամբ
Էմին Երիցյանի ուղերձը տեղական ինքնակառավարման օրվա կապակցությամբ

14:28

10 11 2018

Շնորհավորում եմ տեղական ինքնակառավարման օրվա առիթով Հարգելի համայնքապետեր, Ավագանու...

Տեղական իշխանությունների՝ խորհրդատվություն ստանալու իրավունքը կարևոր գործիք ժողովրդավարությունը տեղական մակարդակում զարգացնելու համար
Տեղական իշխանությունների՝ խորհրդատվություն ստանալու իրավունքը կարևոր գործիք ժողովրդավարությունը տեղական մակարդակում զարգացնելու համար

14:32

08 11 2018

Եվրոպայի խորհրդի տեղական և տարածքային իշխանությունների կոնգրեսի 35-րդ լիագումար նստաշրջանի...