Արևային էներգիայի օգտագործմամբ էներգախնայողության շնորհիվ Քասախ համայնքում խնայողություններ են կատարվել

Արևային էներգիայի օգտագործմամբ էներգախնայողության շնորհիվ Քասախ համայնքում խնայողություններ են կատարվել

02.08.2018

Կոտայքի մարզի Քասախ համայնքը միացել է Եվրոպական միության «Քաղաքապետերի դաշնագիր» նախաձեռնությանը, որը կոչված է համընդհանուր կամավորական պատասխանատվությամբ միավորելու տեղական ինքնակառավարման մարմիններին և տարածաշրջանային իշխանություններին՝ հօգուտ «կանաչ էներգիայի արտադրման»-ի և կյանքի որակի բարելավման:

Միանալով նախաձեռնությանը համայնքն իր պատրաստակամությունը հայտնեց կանաչ էներգիայի արտադրման և էներգախնայողության գործողություններ իրականացնելու առումով:

Քասախ համայնքի ղեկավար Արա Մկրտչյանը տեղեկացրեց՝ շուրջ մեկ տարվա ընթացքում համայնքում կատարվել է գիշերային լուսավորության ցանցի արդիականացում էներգախնայող լեդ լամպերի միջոցով, տեղադրվել են համայնքային ենթակայության օբյեկտների ջրատաքացուցիչներ, արևային էներգիա արտադրող պանելներ: Ջրատաքացուցիչներով և արեգակնային էներգիայի պանելներով են ապահովվել անհատական տներ և  խոշոր ու միջին բիզնեսի կառույցներ:

Այս առիթով համայնքի ղեկավարը մանրամասնեց. «Քասախ համայնքի համայնքապետարանի շենքում տեղադրվեց մեկ արեգակնային ջրատաքացուցիչ, երեք կիլովոլտանոց արեգակնային էներգիայի պանելներ, համայնքում լեդ լամպերով փոխարինվեցին կենտրոնական փողոցների 180 լամպեր, համայնքային մսուր մանկապարտեզում տեղակայվեցին 1000 լիտրանոց արեգակնային էներգիայով տաքացող ջրատաքացուցիչներ, 10 կիլովոլտանոց պանելներ տեղադրվեցին համայնքային ենթակայության մշակույթի դպրոց-ստուդիայում:

Նախորդ տարվա նույն ժամանակահատվածի համեմատ  համայնքը խնայել է 900.000 ՀՀ դրամ: Արդյունքում նաև ստացանք որակյալ լույս և լույսի տևողությունը գիշերային ժամերին երկարացվել է, շատ ավելի լուսատու են լամպերը, և փողոցները շատ ավելի լուսավոր են»:

Արա Մկրտչյանը հայտնեց՝ նախատեսում են նաև համայնքը ներգրավել էներգախնայողությամբ ապրող քաղաքների դաշինքի մեջ, ինչի արդյունքում ոչ միայն համայնքի կենտրոնական փողոցները կունենան էներգախնայող լամպեր, այլև ողջ համայնքը, անհատական տներ կընդգրկվեն էներգախնայողության ծրագրում. «Կարտադրենք կանաչ էներգիա: Դրա արդյունքում CO2 գազի արտադրությունը 100-ավոր տոննաներով պակասում է, ինչի արդյունքում նաև էկոլոգիական խնդիր է լուծվում»:

Համայնքի ղեկավարի փոխանցմամբ՝ համայնքում գտնվող 15 անհատական տների տանիքներին ևս տեղադրված են ջրատաքացուցիչներ. «Արդյունքում յուրաքանչյուր ընտանիք ամսական 10 հազար դրամի օգուտ է ստանում, էլ չեմ ասում, որ ընտանիքի կյանքի որակն է բարձրանում: Մեր մշակույթի  պալատում տեղակայված 1200 լիտրանոց ջրատաքացուցիչների շնորհիվ էլ սպորտով զբաղվող երեխաները սպորտից հետո  արևի ջրային լոգանք են ընդունում»:


ՆՈՐՈՒԹՅՈՒՆՆԵՐ

«Հայաստանը մշտապես եղել և այժմ էլ ակտիվ է համագործակցության առումով». ԵԽ Կոնգրեսի նորընտիր նախագահ
«Հայաստանը մշտապես եղել և այժմ էլ ակտիվ է համագործակցության առումով». ԵԽ Կոնգրեսի նորընտիր նախագահ

10:29

13 11 2018

Նոյեմբերի 6-8-ը Ստրասբուրգում անցկացվեց Եվրոպայի խորհրդի տեղական և տարածքային իշխանությունների...

Անցկացվեց «Ապակենտրոնացում և տեղական տնտեսական զարգացում» տեղական ժողովրդավարության համաժողովը
Անցկացվեց «Ապակենտրոնացում և տեղական տնտեսական զարգացում» տեղական ժողովրդավարության համաժողովը

13:45

12 11 2018

Նոյեմբերի 12-ին անցկացվեց «Ապակենտրոնացում և տեղական տնտեսական զարգացում» տեղական...

Հայտնի են «Լավագույն համայնք 2018» մրցանակաբաշխության հաղթողները
Հայտնի են «Լավագույն համայնք 2018» մրցանակաբաշխության հաղթողները

21:05

10 11 2018

2018-ի քաղաքային լավագույն քաղաքային համայնքը Սևանն է, իսկ լավագույն գյուղական համայնքը՝ Գառնի...

Էմին Երիցյանի ուղերձը տեղական ինքնակառավարման օրվա կապակցությամբ
Էմին Երիցյանի ուղերձը տեղական ինքնակառավարման օրվա կապակցությամբ

14:28

10 11 2018

Շնորհավորում եմ տեղական ինքնակառավարման օրվա առիթով Հարգելի համայնքապետեր, Ավագանու...

Տեղական իշխանությունների՝ խորհրդատվություն ստանալու իրավունքը կարևոր գործիք ժողովրդավարությունը տեղական մակարդակում զարգացնելու համար
Տեղական իշխանությունների՝ խորհրդատվություն ստանալու իրավունքը կարևոր գործիք ժողովրդավարությունը տեղական մակարդակում զարգացնելու համար

14:32

08 11 2018

Եվրոպայի խորհրդի տեղական և տարածքային իշխանությունների կոնգրեսի 35-րդ լիագումար նստաշրջանի...