Ինչպես ավելի գրավիչ դարձնել գյուղական համայնքները. անցկացվեց Գյուղական համայնքների 6-րդ համաժողովը

Ինչպես ավելի գրավիչ դարձնել գյուղական համայնքները. անցկացվեց Գյուղական համայնքների 6-րդ համաժողովը

05.10.2018

Հոկտեմբերի 5-ին Արմավիրի մարզի Փարաքար համայնքի մշակույթի տանն անցկացվեց Գյուղական համայնքների 6-րդ համաժողովը: Համաժողովի նպատակն է՝ ձևավորել գյուղական տարածքների զարգացման նոր տեսլական՝ հիմնվելով սոցիալական, տնտեսական և կենսական բազմազանության վրա։ 2011 թվականից սկսած Հայաստանի համայնքների միությունը ՀՀ տարածքային կառավարման և զարգացման նախարարության և այլ գործընկեր կառույցների հետ համատեղ յուրաքանչյուր տարի կազմակերպում է «Գյուղական համայնքների համաժողովներ»։

Փարաքար համայնքի ղեկավար Սամվել Վարդանյանը շեշտեց. «Համաժողովի նպատակը ուշադրությունը գյուղական համայնքների խնդիրների վրա հրավիրելն ու համայնքների զարգացմանն աջակցելն է՝ իրականացվող ծրագրերի և քաղաքականության վերաբերյալ տեղեկատվության, ոլորտում առկա դրական փորձի փոխանակման, շահագրգիռ մարմինների ու կառույցների միջև երկխոսության միջոցով»:

Հայաստանի համայնքների միության նախագահ Էմին Երիցյանն իր ելույթում կարևորեց գյուղական շրջանների համար համապարփակ ռազմավարության մշակումը, որտեղ կսահմանվեն առաջնահերթությունները գյուղատնտեսության և անտառմշակման, արվարձարանային բնակության,  ադմինիստրացիայի, ենթակառուցվածքների, սոցիալական պատասխանատվության, թվայնացման և այլ ոլորտներում:

Էմին Երիցյանը շեշտեց՝ գյուղական համայնքներում կյանքը պետք է դարձնել գրավիչ: Դառնալով կառավարման խնդիրներին՝ ՀՀՄ նախագահը վստահեցրեց. «Համայնքներն ու գյուղական տարածքները կարող են զարգանալ միայն իրապես բազմամակարդակ կառավարման մոտեցման պարագայում»: Ըստ Էմին Երիցյանի՝ անկախ քաղաքական տարբեր մոտեցումներից հիմնական սկզբունքներն անփոփոխ են. «Պետք է նախաձեռնել ամբողջական, տարածքային մոտեցում, ոչ թե որևէ ոլորտային, ներգրավել համայնքներին՝ որպես գործընկերների, եթե ոչ առաջատարների, նախաձեռնել ոչ թե կարիքների, այլ առավելությունների վրա հիմնված մոտեցումներ»:

Ֆրանսիայի Գյուղական համայնքների ասոցիացիայի նախագահ Վանիկ Բերբերյանը փաստեց՝ գյուղից դեպի քաղաք շարժը բնորոշ է մի շարք երկրներին, այդ թվում նաև Հայաստանին ու Ֆրանսիային: Այդ համատեքստում նա կարևորեց գյուղերի և քաղաքների միջև հավասարակշռության ապահովումը. «Մենք մի քանի տասնամյակի ընթացքում  գյուղական հասարակությունից դարձանք ուրբանիզացված հասարակություն, բայց գյուղական հասարակությունը, թեև ուրբանիզացիան այդքան մեծ է: Եթե ուզում ենք՝ ինչ-որ բաներ արագ տեղի ունենան, պետք է կարողանանք մեր տարածքներում լինել համայնքի ղեկավար և ավագանիներ, որոնք կարող են պաշտպանել իրենց համայնքի շահերը և հարձակվողական են»:

ՀՀ նախկին Հրանտ Բագրատյանը բարձրացրեց մի շարք խնդիրներ՝ հողի սեփականաշնորհում, կառավարման խնդիրներ և այլն: Այնուհետև հայտարարեց. «Մենք արդեն 22-րդ տարին է թալանում ենք գյուղը: Քաղաքը, արդյունաբերությունը թալանում է գյուղը: Հիմա գյուղացին շատ ավելի վատ է ապրում: Այստեղ էլ գալիս է այն, որ գյուղացին որպես կանոն պետք է վաճառի ոչ թե գյուղմթերք, այլ գյուղմթերքի մշակումից ստացած կիասաֆաբրիկատ: Օրինակ՝ կոնյակի գործարանը գյուղացուց չպետք է խաղող գնի, այլ գնի գինի կամ կոնյակի սպիրտ: Խաղողից, գինի, գինուց կոնյակի սպիրտ ճանապարհին ստացվող ԱԱՀ-ն մնում է գյուղում: Ուրեմն մենք պիտի գնանք այն ճանապարհով, թե ինչպես ուժեղացնենք փոքր գյուղացիական տնտեսությունները»:

Համաժողովին ներկա էին բազմաթիվ գյուղական համայնքների ղեկավարներ, հասարակական կազմակերպությունների, գործարար համայնքի ու միջազգային կազմակերպությունների ներկայացուցիչներ:

Համաժողովի երկրորդ հատվածում անդրադարձ կատարվեց Հայաստանում զբոսաշրջության զարգացման խնդիրներին: Տուրիզմի հայկական ֆեդերացիայի նախագահ Մեխակ Ապրեսյանն իր զեկույցում կայուն զբոսաշրջությունը ներկայացրեց որպես համաչափ տարածքային զարգացման արդյունավետ միջոց: Ներկայացվեցին նաև զբոսաշրջության զարգացման կոնկրետ օրինակներ:

Համաժողովը կազմակերպվում է Եվրոպայի խորհրդի «Ինստիտուցիոնալ աջակցություն Հայաստանի համայնքների միությանը» և Եվրոպական միության «Կառուցողական երկխոսության հանձնառություն» ծրագրերի ֆինանսական և տեխնիկական աջակցությամբ:


ՆՈՐՈՒԹՅՈՒՆՆԵՐ

ՀՀ 24 համայնքներում անցկացվեցին ՏԻՄ ընտրություններ. հայտնի են արդյունքները
ՀՀ 24 համայնքներում անցկացվեցին ՏԻՄ ընտրություններ. հայտնի են արդյունքները

11:07

18 02 2019

Փետրվարի 17-ին ՀՀ 24 համայնքներում մեկնարկեցին ՏԻՄ ընտրություններ: 14 համայնքում ընտրությունները...

ՏԻՄ-երի, ՔՀԿ-ների ներկայացուցիչները քննարկեցին մաստեր պլանների մշակման անհրաժեշտությունը և արդյունավետության գնահատման մոտեցումները
ՏԻՄ-երի, ՔՀԿ-ների ներկայացուցիչները քննարկեցին մաստեր պլանների մշակման անհրաժեշտությունը և արդյունավետության գնահատման մոտեցումները

00:10

12 02 2019

Փետրվարի 11-ին`Դիլիջանում տեղի ունեցավ «Համայնքների զարգացման հեռանկարային մաստեր պլանների...

Equator Prize 2019. թեկնածությունների առաջադրման հայտամրցույթ
Equator Prize 2019. թեկնածությունների առաջադրման հայտամրցույթ

13:48

07 02 2019

Կլիմայի և կայուն զարգացման տեղական լուծումների համաշխարհային որոնում Equator Initiative-ը...

ՏԻՄ ընտրություններ՝ փետրվարի 17-ին՝ ՀՀ 9 մարզերի 24 համայնքներում
ՏԻՄ ընտրություններ՝ փետրվարի 17-ին՝ ՀՀ 9 մարզերի 24 համայնքներում

11:12

05 02 2019

Փետրվարի 17-ին ՀՀ 9 մարզերի 24 համայնքներում կկայանան տեղական ինքնակառավարման մարմինների (ՏԻՄ)...

«Ներհամայնքային ճանապարհների սպասարկման խնդիրները» թեմայով կլոր սեղան- հանդիպում` Գյումրիում
«Ներհամայնքային ճանապարհների սպասարկման խնդիրները» թեմայով կլոր սեղան- հանդիպում` Գյումրիում

15:18

30 01 2019

Հունվարի 29-ին Գյումրիում տեղի ունեցավ «Ներհամայնքային ճանապարհների սպասարկման...

Նիդերլանդների հելսինկյան կոմիտեի պատվիրակության այցը Հայաստանի համայնքների միություն
Նիդերլանդների հելսինկյան կոմիտեի պատվիրակության այցը Հայաստանի համայնքների միություն

19:08

28 01 2019

Հունվարի 28-ին Հայաստանի համայանքների միություն այցելեց Նիդերլանդների հելսինկյան կոմիտեի...