Ուղերձ համայնքներին

Ուղերձ համայնքներին

30.04.2018

Համայնքների ղեկավարներին, ավագանու անդամներին, համայնքային ծառայողներին

Հարգելի գործընկերներ,

Ինչպես գիտեք, հանդես գալով քաղաքական գործընթացներին ապակուսակցական մոտեցման սկզբունքից Հայաստանի համայնքների միությունը ժողովրդային շարժման ընթացքում ձեռնպահ է մնացել որևէ  դիրքորոշումներից կամ դիրքավորումից։

Այսօր, պառլամենտական կառավարման համակարգին վերջնական անցման և ժողովրդային շարժման համատեքստում, կարևոր է, որ յուրաքանչյուր համայնքի ղեկավար և ավագանու անդամ վերաիմաստավորի և գիտակցի այն կարևոր դերը, որ իրենք ունեն հանրային կառավարման համակարգում։

Պետք է վերջնականապես ազատվել խորհրդային տարիների ուղղաձիգ կառավարման մտածողության, պետական պաշտոնյաներին վերադաս դիտարկելու կարծրատիպերից։ Համայնքներն ուղղաձիգ կառավարման մաս չեն, կենտրոնական կառավարության շարունակությունը չեն։

Ժողովրդավարական համակարգում քաղաքական ինստիտուտների առանձնահատկություններից է այն, որ տեղական իշխանությունները (անկախ որ քաղաքական ուժի ներկայացուցիչներն են) առաջին հերթին իրացնում են օրենքով իրենց վերապահված լիազորությունները և իրավահարաբերվում ազգային մակարդակում ցանկացած քաղաքական ուժի կառավարության հետ։

Համայնքներն ու համայնքների ղեկավարներն այսօր Հայաստանում, ըստ էության, ամենալեգիտիմ մարմիններն են, որոնք այս բարդ ժամանակաշրջանում ապահովեցին ու ապահովում են երկրի բնականոն գործառնումն իրենց պատասխանատվության մասով։

Պառլամենտական համակարգում համայնքների ղեկավարները կարող են և պետք է հանդես գան բազմապատկված քաղաքական պատասխանատվությամբ և հանրային դերակատարմամբ՝ որպես հանրային-քաղաքական գործիչներ ազդելով և առաջնորդելով հանրային կարծիքը ձեր համայնքներում։

Ազգային մակարդակում քաղաքական ուժերի բալանսի փոփոխությունը չի նշանակում որևէ ռևիզիա կամ վերանայում տեղական մակարդակում։ Միաժամանակ, հեղափոխական նպատակահարմարության տրամաբանությամբ տեղական իշխանությունների լեգիտիմության ցանկացած վերանայում բացառվում է։ Յուրաքանչյուր տեղական ինքնակառավարման մարմին իրացնում է և կիրացնի իր ընտրական մանդատը իր լիազորությունների ողջ ժամկետով։

Անցումային այս փուլում տեղական ինքնակառավարման մարմիններն ունեն իրավական լիարժեք պաշտպանվածություն և սահմանադրական երաշխիքներ։ Տարիներ առաջ մեր համատեղ ջանքերի արդյունքում մենք հասել ենք համայնքների ղեկավարների ու ավագանիների իրավական պաշտպանվածության բարձր մակարդակի։ Այլևս անցյալում է համայնքների ղեկավարներին կառավարության կողմից անվստահություն հայտնելու պրակտիկան։

Յուրաքանչյուր համայնքի ղեկավար ու ավագանու անդամ ունի իր քաղաքական ու կուսակցական կողմնորոշումները։ Միաժամանակ, մեզ միավորում է մեր միասնական շահը՝ հանդես գալու միասնական և ուժեղ ձայնով՝ նպատակ ունենալով համատեղ ջանքերով ազդելու տեղական ժողովրդավարության ոլորտում քաղաքական օրակարգի վրա և պետական մարմինների հետ համագործակցաբար սահմանելու այն՝ ի շահ ՀՀ քաղաքացիների, համայնքների և տեղական ժողովրդավարության։

Էմին Երիցյան
Հայաստանի համայնքների միության նախագահ,

ԵԽ Տեղական ու տարածքային իշխանությունների Կոնգրեսում Հայաստանի պատվիրակության ղեկավար,

ԵՄ ԱլԳ Տարածքային և տեղական իշխանությունների մշտական կոնֆերանսում Հայաստանի պատվիրակության ղեկավար, Բյուրոյի անդամ

 


ՆՈՐՈՒԹՅՈՒՆՆԵՐ

Ինչպես ավելի գրավիչ դարձնել գյուղական համայնքները. անցկացվեց Գյուղական համայնքների 6-րդ համաժողովը
Ինչպես ավելի գրավիչ դարձնել գյուղական համայնքները. անցկացվեց Գյուղական համայնքների 6-րդ համաժողովը

19:13

05 10 2018

Հոկտեմբերի 5-ին Արմավիրի մարզի Փարաքար համայնքի մշակույթի տանն անցկացվեց Գյուղական համայնքների...

Համայնքային համագործակցություն, տեղական մակարդակում տնտեսական զարգացում. Կիևում անցկացվեց CORLEAP լիագումար նիստը
Համայնքային համագործակցություն, տեղական մակարդակում տնտեսական զարգացում. Կիևում անցկացվեց CORLEAP լիագումար նիստը

14:41

02 10 2018

Սեպտեմբերի 24-ին Կիևում անցկացվեց Արևելյան գործընկերության տեղական և տարածաշրջանային...

«Տարածքային կառավարումը Հայաստանում» թեմայով քննարկում. նոր տեսլական, նոր դերակատարում և նոր փոխհարաբերություններ
«Տարածքային կառավարումը Հայաստանում» թեմայով քննարկում. նոր տեսլական, նոր դերակատարում և նոր փոխհարաբերություններ

21:12

01 10 2018

Սեպտեմբերի 28-ին տեղի ունեցավ Հայաստանի համայնքների միության (ՀՀՄ) Իրավական-օրենսդրական հարցերի...

Արևելյան գործընկերության տեղական և տարածաշրջանային իշխանությունների կոնֆերանսի (CORLEAP) համանախագահ ընտրվեց Էմին Երիցյանը
Արևելյան գործընկերության տեղական և տարածաշրջանային իշխանությունների կոնֆերանսի (CORLEAP) համանախագահ ընտրվեց Էմին Երիցյանը

16:56

25 09 2018

Սեպտեմբերի 24-ին Կիևում անցկացվեց Արևելյան գործընկերության տեղական և տարածաշրջանային...

«Ապրիլյան իրադարձություններից հետո մենք այս ծրագրից ավելի մեծ ակնկալիքներ ունենք». Պաուլիոս Ստրելսիունաս
«Ապրիլյան իրադարձություններից հետո մենք այս ծրագրից ավելի մեծ ակնկալիքներ ունենք». Պաուլիոս Ստրելսիունաս

20:56

18 09 2018

Սեպտեմբերի 18-ին տեղի ունեցավ «Կառուցողական երկխոսության հանձնառություն» ծրագրի...

 «Եթե բնակիչը քաղաքացիական ակտիվ կեցվածք իր համայնքում չունի, խոսել տեղական ինքնակառավարման մասին, նույնն է, ինչ մի վերացական երևույթի մասին». Վաչե Տերտերյան
«Եթե բնակիչը քաղաքացիական ակտիվ կեցվածք իր համայնքում չունի, խոսել տեղական ինքնակառավարման մասին, նույնն է, ինչ մի վերացական երևույթի մասին». Վաչե Տերտերյան

12:23

17 09 2018

ՀՀ տարածքային կառավարման և զարգացման նախարարարի առաջին տեղակալ Վաչե Տերտերյանի կարծիքով՝ երկրում...