«Քաղաքապետերի դաշնագիր՝ Արևելք» և Հայաստանում Կլիմայի փոփոխության ՄԱԶԾ ծրագրերը համաձայնեցին խորացնել համագործակցությունը
17.10.2022
ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար պարոն Քրիստոֆ Ֆրերինգը Հայաստան ճանաչողական այցի շրջանակներում 2022 թվականի հոկտեմբերի 13-ին աշխատանքային հանդիպում ունեցավ Կլիմայի փոփոխության ՄԱԶԾ ծրագրերի համակարգող տիկին Դիանա Հարությունյանի հետ:
Սա երկու կլիմայական ծրագրերի ղեկավարների երկրորդ հանդիպումն էր: Քննարկվեց հայաստանյան համայնքներին կայուն էներգետիկ և կլիմայական ռազմավարությունների մշակման և իրականացման գործում աջակցելու նպատակով երկու ծրագրերի համագործակցության հնարավորությունները: ԵՀ «Քաղաքապետերի դաշնագիր՝ Արևելք» տարածաշրջանային ծրագրի հայաստանյան գործընկերը Հայաստանի համայնքների միությունն է:
Կլիմայի փոփոխության ՄԱԶԾ ծրագրերի գրասենյակը համայնքների հետ կլիմայի փոփոխության մեղմման և հարմարվողականության ոլորտում համագործակցության մեծ փորձ ունի, ներառյալ էներգետիկ կառավարման համակարգի ներդրման ուղեցույցների մշակումը և Հայաստանի համայնքներում էներգետիկ կառավարիչների ինստիտուտի ներդնումը, համայնքապետարանների մասնագետների կարողությունների զարգացումն էներգաարդյունավետության և էներգախնայողության բնագավառներում, հանրային և բնակելի շենքերում ջերմոցային գազերի արտանետումների կրճատման և փողոցային լուսավորության համակարգերի էներգաարդյունավետ արդիականացման ծրագրերը, ինչպես նաև տարածաշրջանային հարմարվողականության պլանների մշակումը:
Այսպիսով, ծրագիրը ՀՀ-ի առանցքային գործընկերներից մեկն է, որն ունի անհրաժեշտ գիտելիքներ և կարողություններ Դաշնագրին անդամակցող համայնքներին տեխնիկական և տեղեկատվական աջակցության համար:
Տեղական էներգետիկ և կլիմայական ռազմավարությունների իրականացմանն աջակցելու ուղղությամբ ջանքերը միավորելու նպատակով պարոն Ֆրերինգը և տիկին Հարությունյանը համաձայնվեցին խորացնել համագործակցությունը «Քաղաքապետերի դաշնագիր՝ Արևելք» և Հայաստանում Կլիմայի փոփոխության ՄԱԶԾ ծրագրի միջև:
Համագործակցության հիմնական նպատակներն են բարձրացնել Հայաստանի տեղական իշխանությունների (Դաշնագրին անդամակցող համայնքների) իրազեկությունը և կարողությունները կլիմայի փոփոխության մեղմման և հարմարվողականության մասին, ինչպես նաև աջակցել համայնքներին՝ մշակելու և իրականացնելու Կայուն էներգետիկ զարգացման և կլիմայի պահպանության գործողությունների ծրագրերը՝ նպաստելով համայնքների էներգետիկ կախվածության նվազեցմանը, համայնքներում կլիմայի փոփոխության մեղմման և հարմարվողության գործընթացների ավելի ակտիվ իրականացմանը և, ի վերջո, քաղաքացիների կյանքի որակի բարելավմանը:
Կողմերը կմիավորեն իրենց ջանքերը կարողությունների զարգացման և իրազեկման միջոցառումների կազմակերպման, համապատասխան մեթոդական ուղեցույցների տրամադրման, համայնքային գործողությունների ծրագրերի իրականացման տեխնիկական և ֆինանսական հնարավորությունների բացահայտման և այլնի համար:
Հանդիպման ավարտին պարոն Ֆրերինգը ներկայացրեց 2022 թվականի հոկտեմբերի 12-13-ը տեղական իշխանությունների ղեկավարների և ներկայացուցիչների հետ երկկողմ հանդիպումներից ստացած իր տպավորությունները և տիկին Հարությունյանին տեղեկացրեց «Քաղաքապետերի դաշնագիր՝ Արևելք» ծրագրի ընթացիկ և նախատեսվող գործողությունների մասին։
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
22
Նմբ
26
Հոկ
25
Հոկ