«Կոնգրեսում մենք վստահ ենք, որ ապակենտրոնացված միջսահմանային համագործակցությունը շատ կարևոր է տարածքային զարգացման և մեր աշխարհամասի համախմբվածության տեսանկյունից»,- այսպիսի կարծիք է հայտնել Եվրոպայի խորհրդի Կոնգրեսի Ընթացիկ հարցերի հանձնաժողովի նախագահ Թոմաս Անդերսոնը Եվրոպական սահմանային տարածաշրջանների ասոցիացիայի ամենամյա համաժողովի (AEBR) ժամանակ:

Համաժողովի խորագիրն էր «Նոր լուծումներ միջսահմանային համայնքների ապագայի հետ կապված»: Այն անցկացվել է սեպտեմբերի 29-ին՝ Սերբիայում՝ Նովի Սադում:

Իր ելույթում Թոմաս Անդերսոնն ընդգծել է, որ Կոնգրեսն իր ներդրումն ունի տարածքային համագործակցության հարցում՝ ներկայացնելով հաջողված փորձն ու Կոնգրեսի առաջարկությունները  միջսահմանային համագործակցության հետ կապված և կոնկրետ հղումներ է կատարել Կոնգրեսի ընդունած բանաձևերին՝ « Եվրոպայում արդյունավետ անդրսահմանային համագործակցության հեռանկարները», Եվրոպայում ներհամայնքային համագործակցությունը՝ միտումներ և հեռանկարներ» բանաձևերը:

Պարոն Անդերսոնը նաև ընդգծել է երիտասարդության՝ որպես փոփոխությունների կրող լինելու կարևորությունն ու շեշտել՝ նաև հենց նրանց մասնակցության անհրաժեշտությունը միջսահմանային համագործակցությանը: Նա հավելել է. «Անդրսահմանային համայնքների կառուցման գործում երիտասարդների ներգրավվածության խթանումը, անկասկած, անդրսահմանային շրջանների ապագան երաշխավորելու լուծումներից մեկն է»: