Դավիթ Խաժակյան. «Ավելի քան 40 հազար մարդ զրկված է իր տնից և ունեցվածքից, քանի որ նրանց տներն ու ունեցվածքը օկուպացված է ադրբեջական զինուժի կողմից»
27.10.2021
Ստրասբուրգում հոկտեմբերի 26-28-ն անցկացվում է Եվրոպայի խորհրդի Տեղական և տարածքային իշխանությունների կոնգրեսի (ԵԽ Կոնգրես) 41-րդ նստաշրջանը:
«Միգրացիա. շարունակվող մարտահրավերներ քաղաքների և ռեգիոնների համար» թեմայով քննարկման ժամանակ ԵԽ Կոնգրեսում հայկական պատվիրակության անդամ Դավիթ Խաժակյանը բարձրացրել է 2020-ի սեպտեմբերին թուրք-ադրբեջանական ագրեսիայի հետևանքով Արցախից տեղահանված ընտանիքների խախտված իրավունքների խնդիրը:
Նա մասնավորապես հայտարարել է. «Քաղաքների և ռեգիոնների առաջ ծագել են մարտահրավերներ, որոնք առաջացել են ներքին տեղահանված անձանց թվի աճով: Այդ մարտահրավերները պայմանավորված են ոչ միայն տնտեսական գործոններով, աղետներով: Ադրբեջանը Թուրքիայի և ահաբեկիչ վարձկանների ներգրավվածությամբ սանձազերծեց լայնամասշտաբ ռազմական գործողություններ Արցախւ ժողովրդի հանդեպ՝ արհամարհելով ԵԽ առաջ ստանձնած պարտավորությունները և զարհուրելի հանցանքներ գործեց՝ առաջացնելով երկարատև հումանիտար հետևանքներ: Այդ ագրեսիայի հետևանքով ավելի քան 91 հազար քաղաքացի տարհանվեց ՀՀ, որոնց 80 տոկոսը կանայք և երեխաներ էին: Ավելի քան 40 հազար մարդ զրկված է իր տնից և ունեցվածքից, քանի որ նրանց տներն ու ունեցվածքը օկուպացված է ադրբեջական զինուժի կողմից: Ադրբեջանաթուրքական ագրեսիայի առաջին իսկ օրվանից Արցախի և Հայաստանի կառավարությունները մշակեցին աջակցության հրատապ ծրագրեր, որոնք միտված են լուծելու մարդկանց առաջնային սոցիալական խնդիրները, մեծ ջանք գործադրեցին նաև տեղական և տարածքային իշխանությունները՝ բազմաթիվ ծրագրերի միջոցով օժանդակելով Արցախից տեղահանված բնակչութանը: Սակայն դեռևս տեղահանված այս անձինք մեծապես զրկված են միջազգային մարդասիրական աջակցությունից և պաշտպանությունից: Սրանք խնդիրներ են, որոնք ակնկալում են երկարատև լուծումներ»:
02:58
17 05 2024
2024 թվականի հունիսի 11-ից մինչև 13-ը նշվող ԵՄ Կայուն էներգիայի շաբաթվա (EU Sustainable Energy...
02:50
17 05 2024
2024 թվականի հունիսի 11-ից մինչև 13-ը նշվող ԵՄ Կայուն էներգիայի շաբաթվա (EU Sustainable Energy...
07:25
14 05 2024
Արդեն ավանդական դարձած ԵՄ Կայուն էներգիայի շաբաթը (EU Sustainable...
21:40
26 04 2024
Ապրիլի 26-ին Երևանում տեղի է ունեցել ԵՀ «Քաղաքապետերի դաշնագիր՝ Արևելք»...
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
22
Nov
26
Oct
25
Oct