Հրապարակվել է ՀՀ-ում տեղական ինքնակառավարման ապակենտրոնացման վիճակի վերաբերյալ առաջին զեկույցը

Հրապարակվել է ՀՀ-ում տեղական ինքնակառավարման ապակենտրոնացման վիճակի վերաբերյալ առաջին զեկույցը

10.11.2019

Նոյեմբերի 10-ին՝ Տեղական ինքնակառավարման օրվան նվիրված ընդունելությանը տեղի ունեցավ Հայաստանի համայնքների միության կողմից առաջին անգամ պատրաստված Հայաստանում տեղական ինքնակառավարման ապակենտրոնացման վիճակի վերաբերյալ զեկույցի շնորհանդեսը:

Զեկույցը պատրաստվել է Միության փորձագետների հետ համագործակցաբար և այն պարունակում է տեղեկատվություն տեղական ինքնակառավարման ոլորտում գոյություն ունեցող առկա վիճակի, խնդիրների մասին: Զեկույցում կան նաև առաջարկություններ խնդիրների լուծման և հաղթահարման համար:

Փաստաթղթում ներառված մտահոգություններից է այն, որ վարչատարածքային ռեֆորմի արդյունքում համայնքների ՏԻՄ-երին վերապահվեցին բազմաթիվ լիազորություններ, որոնց իրականացման համար պետությունը չապահովեց համապատասխան ֆինանսական աղբյուրներով: Բայց կան պատվիրակված մի շարք լիազորություններ, որոնց մասով համայնքներին ֆինանսավորում չի տրամադրվում, սակայն, փաստացի, համայնքները դրանք իրականացնում են:

Փաստաթղթում անդրադարձ կա նաև 2016-ի դեկտեմբերի 12-ին  ընդունված՝ նոր խմբագրությամբ «Տեղական ինքնակառավարման մասին» օրենքին, որով փորձ արվեց նոր հնարավորություններ սահմանել, սակայն դրանք չեն կրում ռեալ ապակենտրոնացման բնույթ:

Մյուս մտահոգությունն այն է, որ օրենքներով սահմանված հարկերը կամ ՏԻՄ-երի ֆինանսավորման այլ աղբյուրները՝ իրենց բնույթով պայմանավորված չեն արձագանքում գնաճին և տնտեսական այլ գործոններին ու տևական ժամանակ փոփոխությունների չեն ենթարկվում:

Զեկույցում նաև ամրագրված է, որ ՏԻՄ-երին վերապահված են շուրջ 300 լիազորություններ, որոնք, ըստ էության, չեն արտահայտում համայնքի բնակիչների՝ կոնկրետ հանրային ծառայություններ ստանալու ակնկալիքները:

Փաստաթղթում նաև ամրագրված է, որ համաչափ չէ մեկ բնակչին բաժին ընկնող ծախսերի բաշխումը. օրինակ՝ Երևանում մեկ բնակչի ծախսերի համար հատկացվում է 66.500 դրամ, այլ համայնքների մեկ բնակչի համար՝ 27,100 դրամ:

Զեկույցում կա առաջարկությունների բաժին, որտեղ ներառված են Միության առաջարկությունները: Օրինակ՝ ՏԻՄ-երին տալ հողի հարկի և գույքահարկի դրույքաչափերի սահմանման իրավասություն` օրենքով նախատեսված դրույքաչափերի սահմաններում, Տեղական մակարդակում նոր հարկերը պետք է ներդրվեն՝ համահարթեցման առումով, եկամտի չեզոքության սկզբունքին համապատասխան: Կա առաջարկություն ավելացնել համայնքների ֆինանսական անկախության աստիճանը՝ ապահովելով համայնքային բյուջեների եկամուտների նոր կայուն աղբյուրներ և այլն:

 


NEWS

Տեղի ունեցավ Հայաստանի համայնքների միության Խորհրդի նիստը
Տեղի ունեցավ Հայաստանի համայնքների միության Խորհրդի նիստը

13:14

15 01 2020

Հունվարի 11-ին Երևանում տեղի ունեցավ Հայաստանի համայնքների միության հանրապետական խորհրդի նիստը:

Gavar City Sustainable Energy and Climate Action Plan was represented as a successful example
Gavar City Sustainable Energy and Climate Action Plan was represented as a successful example

12:17

16 12 2019

Signatory of the Covenant of Mayors project Gavar City’s Sustainable Energy and Climate...

Տեղի ունեցավ ՔՀԿ-ների հակակոռուպցիոն կոալիցիայի կառավարման խորհրդի նիստը
Տեղի ունեցավ ՔՀԿ-ների հակակոռուպցիոն կոալիցիայի կառավարման խորհրդի նիստը

12:43

10 12 2019

Դեկտեմբերի 5-ին տեղի ունեցավ Հայաստանի ՔՀԿ-ների հակակոռուպցիոն կոալիցիայի կառավարման խորհրդի...

Էներգաարդյունավետությանն ուղղված լայնածավալ միջոցառումներ՝ Սպիտակում և Վայքում. ՎԱԷՀՔ ծրագրի ամփոփում
Էներգաարդյունավետությանն ուղղված լայնածավալ միջոցառումներ՝ Սպիտակում և Վայքում. ՎԱԷՀՔ ծրագրի ամփոփում

17:50

30 11 2019

Էներգաարդյունավետությանն ուղղված շինաշխատանքներ Սպիտակի 33 և Վայքի 12 բազմաբնակարան շենքերում,...

Կայացավ Հայաստանի համայնքների միության Վարչության նիստը
Կայացավ Հայաստանի համայնքների միության Վարչության նիստը

17:14

22 11 2019

Նոյեմբերի 22-ին տեղի ունեցավ Հայաստանի համայնքների միության վարչության նիստը: Նիստի ընթացքում...

The representatives of the Supreme Rada of Ukraine at the Union of Communities of Armenia
The representatives of the Supreme Rada of Ukraine at the Union of Communities of Armenia

15:26

20 11 2019

On November 20, the delegation led by Angela Malyuha, the Head of the Secretariat of the...