Կայուն էներգիայի օր՝ Տաշիրում

Կայուն էներգիայի օր՝ Տաշիրում

08.07.2019

Տաշիր քաղաքում անցկացվեց Կայուն էներգիայի օր: Տաշիրի համայնքապետարանի և ԵՄ-ի կողմից ֆինանասավորվող «Քաղաքապետերի դաշնագիր՝ Արևելք» (CoM East) ծրագրի կողմից համատեղ կազմակերպված միջոցառման շրջանակում համայնքում անցկացվեց «Կանաչ ապագա» խորագրով մանկական նկարչական մրցույթ և ցուցահանդես, «Էներգախնայողությունը կենցաղում» կարգախոսով բեմադրություն, պարային հանդես և ֆլեշմոբ, հեծանվարշավ:

Ծրագրի մշակութային մասից բացի ՄԱԿ-ի Զարգացման ծրագրի (ՄԱԶԾ) և Հայաստանի վերականգնվող էներգետիկայի և էներգախնայողության հիմնադրամի (ՀՎԷԷ) հետ համագործակցաբար անցկացվեց «Փոխիր մտածելակերպդ հանուն կանաչ ապագայի» կարգախոսով ուսուցողական աշխատաժողով, որի ընթացքում ներկայացվեցին Քաղաքապետերի դաշնագրի հիմնական նպատակները և զարգացումները, ինչպես նաև համայնքների հանձնառությունները և գործողությունները:

ՄԱԶԾ ու ՀՎԷԷ հիմնադրամի փորձագետների կողմից ներկայացվող նյութերի շնորհիվ աշխատաժողովի մասնակիցները ծանոթացան փողոցային լուսավորության համակարգերում և շենքերում ժամանակակից էներգաարդյունավետ տեխնոլոգիաների կիրառման հիմնական մոտեցումներին, վերականգնվող էներգետիկ ռեսուրսների շնորհիվ ջերմային և էլեկտրական էներգիայի արտադրության տեխնոլոգիաներին:

Ողջույնի խոսքով հանդես եկավ Տաշիր համայնքի ղեկավար Էդգար Արշակյանը: Նա նշեց. «Տաշիր համայնքը, անդամակցելով «Քաղաքապետերի դաշնագիր» նախաձեռնությանը, ստանձնել է պարտավորություններ մինչև 2030 թվականը նվազեցնել CO2 արտանետումները 30%-ով, ինչպես նաև գնահատել համայնքին բնորոշ կլիմայական ռիսկերը և առաջարկել դրանց նվազեցմանն ուղղված հարմարվողականության միջոցառումներ: Համայնքում Էներգիայի օրերի կազմակերպումը նպատակ ունի իրազեկել հանրությանը էներգախնայողության և էներգաարդյունավետության ծրագրերի վերաբերյալ»:

ԵՀ «Քաղաքապետերի դաշնագիր՝ Արևելք» ծրագրի ազգային փորձագետ Հայաստանում Արտեմ Խարազյանը տեղեկացրեց, որ 2019 թվականին Հայաստանում կայուն էներգիայի օրերը նշվել են արդեն 8 համայնքներում, ինչը շատ ողջունելի է, քանի որ էներգախնայողության մասին բնակիչների իրազեկության բարձրացման նման հանրային միջոցառումների կազմակերպումը Դաշնագրին անդամակցող համայնքերի հիմնական պարտավորություններից մեկն է. «ԵՀ «Քաղաքապետերի դաշնագիր՝ Արևելք» (CoM East) ծրագիրը մեկնարկել է 2011 թվականին և կոչված է տեղեկատվական, մեթոդաբանական և փորձագիտական աջակցություն տրամադրել Արևելյան գործընկերության 6 երկրներում Դաշնագրին անդամակցող բոլոր համայնքներին: Այդ աջակցության շրջանակներում Տաշիրի համայնքապետարանի մասնագետները՝ Ծրագրի փորձագետների հետ համատեղ, ձեռնամուխ են եղել hամայնքի էներգետիկ ռազմավարության, անհրաժեշտ ելակետային տվյալների hավաքագրմանը և գործողությունների ծրագրի մշակմանը: Ծրագրում թվարկված տեղեկատվական միջոցառումներից մեկը համայնքում Կայուն էներգիայի օրերի կազմակերպումն է: Այնպես որ կարելի է համարել, որ այսօրվա միջոցառումը կոչված է նպաստելու Տաշիրի էներգետիկ ռազմավարության իրագործմանը»:

Քաղաքապետերի դաշնագիրը ԵՄ առաջին և ամենահավակնոտ նախաձեռնությունն է, որն ուղղակիորեն թիրախավորում է տեղական իշխանություններին և դրանց քաղաքացիներին՝ համաշխարհային կլիմայական փոփոխության դեմ պայքարի ղեկավարումը ստանձնելու հարցում: Դաշնագրի ազգային աջակիցներից է Հայաստանի համայնքների միությունը:

Տաշիրուն միջոցառման ավարտից հետո հեծանվարշավի, նկարչական մրցույթի և բեմադրության բոլոր մասնակիցները հուշանվերներ ու հավաստագրեր ստացան համայնքապետարանի և Ծրագրի կողմից:


ՆՈՐՈՒԹՅՈՒՆՆԵՐ

Նորարարական տուրիզմի զարգացմանը նվիրված քննարկում՝ Հայաստանի համայնքների միությունում
Նորարարական տուրիզմի զարգացմանը նվիրված քննարկում՝ Հայաստանի համայնքների միությունում

10:53

17 07 2019

 Հուլիսի 16-ին Հայաստանի համայնքների միությունում տեղի ունեցավ տուրիզմի զարգացմանն ուղղված...

«Տարածքային կառավարման մասին» ՀՀ օրենքի նախագծի վերաբերյալ  քննարկումներ՝ Հայաստանի համայնքների միությունում
«Տարածքային կառավարման մասին» ՀՀ օրենքի նախագծի վերաբերյալ քննարկումներ՝ Հայաստանի համայնքների միությունում

19:30

16 07 2019

Հուլիսի 16-ից Հայաստանի համայնքների միության գրասենյակում մեկնարկեցին «Տարածքային...

ԵԽ Մոնիտորինգային հանձնաժողովի նիստ՝ Օսլոյում. կքննարկվեն նաև Հայաստանում մոնիտորինգի արդյունքները
ԵԽ Մոնիտորինգային հանձնաժողովի նիստ՝ Օսլոյում. կքննարկվեն նաև Հայաստանում մոնիտորինգի արդյունքները

16:33

03 07 2019

Հուլիսի 3-ին Օսլոյում տեղի կունենա Եվրոպայի խորհրդի Մոնիտորինգային հանձնաժողովի նիստ: Կքննարկվի...

Կայուն էներգիայի օր՝ Մասիսում
Կայուն էներգիայի օր՝ Մասիսում

19:21

02 07 2019

Հուլիսի 2-ին Մասիսում անցկացվեց Կայուն էներգիայի օր: ԵՀ «Քաղաքապետերի դաշնագիր՝...

Կայուն էներգիայի օրեր՝ Իջևանում «Իջևանի կայուն էներգետիկ զարգացում Քաղաքապետերի դաշնագրի ներքո» խորագրով
Կայուն էներգիայի օրեր՝ Իջևանում «Իջևանի կայուն էներգետիկ զարգացում Քաղաքապետերի դաշնագրի ներքո» խորագրով

14:02

28 06 2019

«Իջևանի կայուն էներգետիկ զարգացում Քաղաքապետերի դաշնագրի ներքո» աշխատաժողովով Իջևանը...

Մարտունին ևս միացավ ԵՄ կայուն էներգիայի շաբաթվան. էներգիայի օրվան նվիրված միջոցառումներ՝ քաղաքում
Մարտունին ևս միացավ ԵՄ կայուն էներգիայի շաբաթվան. էներգիայի օրվան նվիրված միջոցառումներ՝ քաղաքում

11:08

27 06 2019

Հեծանվաարշավ, կայուն էներգիայի թեմայով նկարչական մրցույթ, էներգախնայողության թեմայով...