«Հայաստանը մշտապես եղել և այժմ էլ ակտիվ է համագործակցության առումով». ԵԽ Կոնգրեսի նորընտիր նախագահ

«Հայաստանը մշտապես եղել և այժմ էլ ակտիվ է համագործակցության առումով». ԵԽ Կոնգրեսի նորընտիր նախագահ

13.11.2018

Նոյեմբերի 6-8-ը Ստրասբուրգում անցկացվեց Եվրոպայի խորհրդի տեղական և տարածքային իշխանությունների կոնգրեսի 35-րդ լիագումար նստաշրջանը:

Կոնգրեսի 35-րդ նստաշրջանն անցկացվեց Տեղական և տարածքային ընտրված ներկայացուցիչների բարեխղճություն և էթիկական վարքագիծը խորագրով:

Նստաշրջանի առաջին օրը տեղի ունեցավ Կոնգրեսի նախագահի ընտրություն: Նախագահի պաշտոնում ընտրվեց Անդերս Կնապեն:

Կոնգրեսի նախագահի պաշտոնում ընտրվելուց հետո առաջին հարցազրույցի ընթացքում` մեզ հետ զրույցում Անդերս Կնապեն խոսեց Կոնգրեսի առաջնահերթությունների, մարտահրավերների, տեղական ժողովրդավարության զարգացման գործիքների և այլ խնդիրների մասին: 

-Պարոն Կնապե, ի՞նչ հիմնական առաջնահերթություններ և մարտահրավերներ կան Ձեզ համար որպես ԵԽ Կոնգրեսի նորընտիր նախագահ:

-Կոնգրեսի համար առաջին առաջնահերթությունը մոնիտորինգային առաքելություններն են: Կոնգրեսը միակ կառույցն է, որ կարող է մոնիտորինգ իրականացնել Խարտիային համապատասխան: Դա շատ  կարևոր է բոլոր անդամ երկրների տեղական և տարածքային իշխանությունների համար: Մեզ համար կարևոր է նաև կոռուպցիայի դեմ պայքարը, քանի որ այն թունավորում է հասարակությունը և բազում խնդիրներ ստեղծում: Մեզ համար առաջնային խնդիր է նաև այն, որ տեղական իշխանության մի շարք ընտրված ներկայացուցիչներ նշում են, որ իրենց նկատմամբ սպառնալիքներ կան կառավարության, այլ քաղաքացիների, քրեական խմբերի, նաև հասարակության կողմից: Այսօր բավականին կոշտ ձևով է այդ քննադատությունը տեղի ունենում, երբ օգտագործվում է սոցիալական մեդիան ու այլ գործիքներ: Դա արվում է նաև կեղծ լուրերի միջոցով: Ընտրություններին դիտորդական առաքելության իրականացումը ևս մեզ համար առաջնահերթություն է: Մենք պետք է ապագայում ավելի շատ կենտրոնանանք այս խնդիրների վրա: Ներկայումս Կոնգրեսն ունի ֆինանսական խնդիրներ, ուստի պետք է ուշադիր լինենք, որպեսզի այն որակը, որն ունենք, պահպանենք՝ միևնույն ժամանակ նվազեցնելով ծախսերը:

-Հայաստանյան պատվիրակության հետ աշխատանքն ինչպե՞ս եք գնահատում:

-Կոնգրեսում  տարիների ընթացքում մենք աշխատել ենք բազում պատվիրակությունների հետ: Ինքս եղել եմ Հայաստանում՝ Երևանում : Իմ տպավորությունն այնպիսին է, որ Հայաստանում պատրաստակամ են աշխատել: Կոնգրեսում ինչպես մյուս պատվիրակություններից շատերի դեպքում, հայկական պատվիրակությունը ևս իրապես հետաքրքրված են Կոնգրեսում քննարկվող խնդիրներով: Ինչ վերաբերում է հայկական պատվիրակությանը, ընդհանուր առմամբ հայկական պատվիրակությունն առանձնանում է նրանով, որ բավականին հայտնի է գործընկերների շրջանում:

-Ո՞րն է Կոնգրեսի ներդրումը ՀՀ-ի նման երկրներում տեղական ժողովրդավարության զարգացման համար:

-Կոնգրեսի հիմնական սկզբունքներն են ժողովրդավարությունը, մարդու իրավունքները, օրենքի գերակայությունը: Այս սկզբունքների ապահովման համար մեր հիմնական գործիքներից է մոնիտորինգային առաքելությունը, ընտրություններին դիտորդական առաքելությունը, բայց մենք կարող ենք  նաև աշխատել տարատեսակ քաղաքական նախագծերի շրջանակներում: Դա նշանակում է, որ Կոնգրեսն աշխատում է տեղական իշխանությունների, ասոցիացիաների, ինչպես նաև կառավարությունների հետ: Փորձում ենք փնտրել ուղիներ բարելավելու տեղական իշխանությունների աշխատանքը: Հայաստանի հետ ունենք այսպես կոչված քաղաքական համագործակցություն: Հայաստանը մշտապես եղել և այժմ էլ ակտիվ է համագործակցության առումով: Հայաստանը Եվրոպայի խորհրդի քարտեզում է, և ես  տպավորություն ունեմ, որ հայկական կողմից բավականին հետաքրքրված են Կոնգրեսի հետ համագործակցությամբ: 

-Հայաստանում գարնանը տեղի ունեցավ թավշյա հեղափոխություն: Ի՞նչ եք կարծում հեղափոխությունը կարո՞ղ է դրական ազդեցություն ունենալ համայնքներում տեղական ժողովրդավարության կայացման հարցում: Դուք ի՞նչ սպասելիքներ ունեք Հայաստանից հեղափոխությունից հետո:

-Անդամ երկրներում միշտ  տարբեր իրադարձություններ են տեղի ունենում: Դրանք անհատական են: Մեզ համար կարևոր է այն, որ  ընտրված մարդիկ հնարավորություն ունենան ավարտել իրենց պարտավորությունը: Ժողովրդավարությունը հենց ընտրված ներկայացուցիչներն են: Բայց տարբեր երկրներում կարող են լինել տարբեր դրսևորումներ: Մենք փորձում ենք պաշտպանել այն քաղաքական գործիչներին, որոնք ընտրվել են և լավ են աշխատում: Բայց իհարկե, միշտ կարող են լինել իրավիճակներ, երբ ցանկություն է առաջանում հրաժարական տալ, քանի որ նրանք չեն կարող իրականացնել այն խնդիրները, որոնք իրենց առաջ դրված են: Ի վերջո, տեղական իշխանության ներկայացուցչի որոշումն է: Ինչ վերաբերում է հայաստանյան զարգացումներին, ապա տեղյակ եմ՝ Հայաստանում պետք է տեղի ունենան խորհրդարանական ընտրություններ, և դա շատ բան կարող է որոշել:

-Կոնգրեսի 35-րդ նստաշրջանի խորագիրը Տեղական և տարածքային ընտրված ներկայացուցիչների բարեխղճություն և էթիկական վարքագիծն է: Արդյոք դա առաջնահերթ մարտահրավե՞ր է:

-Վստահությունն է ժողովրդավարության հիմքը: Վստահություն քաղաքացիների և տեղական իշխանության ներկայացուցիչների միջև: Մեր գործունեությունն ուղղված է հենց այդ վստահության հաստատմանը:


NEWS

Anne Perrier, responsible for the territorial development mission of French city Clamar was hosted at UCA
Anne Perrier, responsible for the territorial development mission of French city Clamar was hosted at UCA

13:09

12 11 2019

On November 12, Anne Perrier, responsible for the territorial development mission of French city...

2019 Annual Report on the Situation of Local Democracy and Decentralization in Armenia was published by UCA for the first time
2019 Annual Report on the Situation of Local Democracy and Decentralization in Armenia was published by UCA for the first time

17:05

10 11 2019

On November 10 in the framework of the reception dedicated to Self-Governance Day in Armenia was...

Union of Communities of Armenia Has a New Board
Union of Communities of Armenia Has a New Board

15:24

10 11 2019

On November 10 was held the meeting of the Republican Council of Union of Communities of...

“Best Community Award 2019” Winners Announced
“Best Community Award 2019” Winners Announced

15:04

10 11 2019

On November 10 in the framework of the reception dedicated to Self-Governance Day in Armenia the...

 Նոյեմբերի 10-ը ՀՀ-ում տեղական ինքնակառավարման օրն է
Նոյեմբերի 10-ը ՀՀ-ում տեղական ինքնակառավարման օրն է

11:05

10 11 2019

Հայաստանի համայնքների միության նախագահ Էմին Երիցյանի ուղերձը...

Emin Yeritsyan was elected vice-president of the Congress
Emin Yeritsyan was elected vice-president of the Congress

15:47

30 10 2019

The Congress of Local and Regional Authorities of the Council of Europe has started 37th...