Էմին Երիցյանը միջնորդություն է ներկայացրել Նիկոլ Փաշինյանին Եվրոպայի խորհրդի Կոնգրեսին հրավիրել դիտորդական առաքելություն իրականացնել Երևանի ավագանու ընտրություններին
20.08.2018
Հայաստանի համայնքների միության նախագահ, Եվրոպայի Խորհրդի (ԵԽ) տեղական և տարածքային իշխանությունների Կոնգրեսում ՀՀ պատվիրակության ղեկավար Էմին Երիցյանը ՀՀ վարչապետ Նիկոլ Փաշինյանին գրավոր միջնորդություն է ներկայացրել ՀՀ օրենսդրության սահմանած կարգով ԵԽ Կոնգրեսին հրավիրել իրականացնելու սեպտեմբերի 23-ին կայանալիք Երևանի ավագանու արտահերթ ընտրությունների ընթացքի դիտորդական առաքելություն:
ՀՀՄ նախագահը ավելի վաղ՝ հուլիսի 7-ին, վարչապետին պաշտոնական գրությամբ դիմել էր՝ միջնորդելով ԵԽ Կոնգրեսին հրավիրել իրականացնելու հոկտեմբերի 21-ին ՀՀ մի շարք համայնքներում տեղի ունենալիք տեղական ինքնակառավարման մարմինների արտահերթ ընտրությունների ընթացքի դիտորդական առաքելություն:
Վարչապետին ուղղված նամակում, մասնավորապես նշված է. «ԵԽ շրջանակներում անդամ երկրներում տեղական և տարածքային իշխանությունների ընտրությունների մշտադիտարկումը ԵԽ տեղական ու տարածքային իշխանությունների Կոնգրեսի բացառիկ իրավասությունն է: ԵԽ Կոնգրեսը դիտարկել է ՀՀ-ում անցկացված տեղական մակարդակի բոլոր ընտրությունները, որոնց վերաբերյալ ընդունվել են համապատասխան հանձնարարականներ: Վստահ եմ, որ թավշյա հեղափոխությունից հետո անցկացվող ընտրությունները որակապես կտարբերվեն նախորդներից, ինչն իր արտացոլումը կստանա դիտորդական առաքելության արդյունքում ընդունված զեկույցում՝ նպաստելով Հայաստանի միջազգային հեղինակության բարձրացմանը »:
Ամփոփելով նամակը՝ Էմին Երիցյանը վարչապետին միջնորդում է, որ Հայաստանի Հանրապետությունը ԵԽ-ի առջև պնդի ընտրությունների դիտարկման կարևորությունը՝ հաշվի առնելով, որ ֆինանսական դժվարությունների արդյունքում ԵԽ-ն կրճատել է իր գործողությունները, մոնիտորինգային այցերը:
21:40
26 04 2024
Ապրիլի 26-ին Երևանում տեղի է ունեցել ԵՀ «Քաղաքապետերի դաշնագիր՝ Արևելք»...
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Country-specific training on “Establishment of Municipal Energy Management System (EnMS)...
10:04
01 11 2023
An extremely unpleasant experience for those on the receiving end, verbal abuse and physical...
13:26
30 10 2023
The Congress of Local and Regional Authorities of the Council of Europe adopted a report...
22
Nov
26
Oct
25
Oct