Խորվաթիայի տասնյակ համայնքների ղեկավարներ Հայաստանում են. քննարկում Հայաստանի համայնքների միությունում
21.08.2019
Օգոստոսի 21-ին Հայաստանի համայնքների միությունում հյուրընկալվեց Խորվաթիայի Հանրապետության (ԽՀ) համայնքների միության խորհրդի նախագահ Մարտին Բարիշևիչի գլխավորած պատվիրակությանը։ Պատվիրակության կազմում են Խորվաթիայի Հանրապետության տասնյակ համայնքների ղեկավարներ:
Հայաստանի համայնքների միության նախագահ Էմին Երիցյանը ողջույնի խոսքում ներկայացրեց միությունը, որը ձևավորվել է 1997-ին և ասաց, որ այն միավորում է ՀՀ բոլոր համայնքներին. «Մեր հիմնական գործունեությունը համայնքների շահերի պաշտպանությունն է, համայնքներին ծրագրերով աջակցությունը, արտաքին կապերը միջազգային հարաբերություններում: Լավ դիրքեր ունենք թե′ Հայաստանում, թե′ Հայաստանից դուրս: Մենք խոշոր ծրագրերի մաս ենք կազմում, որոնք առնչվում են տեղական իշխանություններին էներգախնայողության ոլորտում, համայնքների տնտեսական զարգացման հետ կապված, նաև բավականին ակտիվ աշխատում ենք Հայաստանի քաղհասարակության հետ»։
ԽՀ համայնքների միությունը ստեղծվել է 2002 թ. հունիսին: ԽՀ համայնքների միության խորհրդի նախագահ Մարտին Բարիշևիչը կարևորեց Հայաստանի և Խորվաթիայի համայնքների միությունների միջև փորձի փոխանակման անհրաժեշտությունը և հայտնեց, որ խորվաթական կողմը ևս հետաքրքրված է հանրապետությունների միջև ապակենտրոնացված համագործակցությամբ: Նշեց, որ իրենց միության հիմնական գործառույթներն են Խորվաթիայի համայնքների միջև համագործակցության զարգացումը, համայնքներում մշակութային, տնտեսական և այլ ոլորտների զարգացման խթանումը, տեղական ինքնակառավարմանը վերաբերող օրենսդրության վերանայումը, տեղական իշխանությունների և համայնքային ծառայողների վերապատրաստումը, տեղական իշխանությունների շահերի պաշտպանությունը կենտրոնական իշխանությունում, այնուհետև հավելեց. «Մեր երկրի համայնքների 78 տոկոսն անդամակցում է միությանը: Մեր հիմնական պարտավորությունն ու առաքելությունն է տեղական ինքնակառավարման նկատմամբ հետաքրքրության բարձրացումը և համայնքների, հատկապես փոքր համայնքների շահերի պաշտպանությունը»:
Հայաստանի համայնքների միությունում տեղի ունեցած հանդիպմանը պատվիրակության կազմում ընդգրկված Խորվաթիայի մի շարք համայնքների ղեկավարներ հայ գործընկերների հետ քննարկեցին տեղական ինքնակառավարման ոլորտի խնդիրներ, համագործակցության հեռանկարներ:
Օգոստոսի 25-ին նախատեսվում է Հայաստանի համայնքների միության և Խորվաթիայի համայնքների միության միջև համաձայնագրի ստորագրում։
12:37
07 12 2023
Country-specific training on “Establishment of Municipal Energy Management System (EnMS)...
10:04
01 11 2023
An extremely unpleasant experience for those on the receiving end, verbal abuse and physical...
13:26
30 10 2023
The Congress of Local and Regional Authorities of the Council of Europe adopted a report...
19:09
26 10 2023
Congress expresses deep concern over humanitarian situation in Karabakh and neighbouring cities...
16:11
24 10 2023
The Congress of Local and Regional Authorities of Council of Europe has renewed its presidency...
23:47
22 10 2023
The Congress of Local and Regional Authorities of the Council of Europe will hold its 45...
22
Nov
26
Oct
25
Oct