ԵԽ Կոնգրեսի Մոնիտորինգի հանձնաժողովը կոչ է անում Մոլդովայի իշխանություններին վերանայել անկախ թեկնածուների գրանցման հետ կապված սահմանափակող դրույթները
12.02.2020
Փետրվարի 11-ին Ֆրանսիայի Մեց քաղաքում անցկացող Եվրոպայի խորհրդի Տեղական և տարածքային իշխանությունների կոնգրեսի (ԵԽ Կոնգրես) Մոնիտորինգի հանձնաժողովի նիստին հաստատվեց 2019 թվականի հոկտեմբերի 20-ին Մոլդովայի տեղական ինքնակառավարման մարմինների ընտրություններին իրականացված դիտորդական առաքելության արդյունքներն ամփոփող զեկույցի նախագիծը:
Զեկույցի նախագծում ներկայացված է Մոլդովայում տեղական ինքնակառավարման համակարգը, ընտրական համակարգը, նկարագրված է հոկտեմբերի 20-ին Մոլդովայում տեղական ինքնակառավարման ընտրությունների օրվա ընթացքը, քարոզարշավը:
Զեկույցի նախագծում ամրագրված է, որ ընտրությունների ընթացքն ու կազմակերպվածությունը գոհացուցիչ է: Սակայն արձանագրվել են որոշ մտահոգություններ: Կոնգրեսը ողջունում է Մոլդովայի իշխանությունների ջանքերը ուղղված մասնավորապես քաղաքական կուսակցությունների ֆինանսավորման կարգավորումների հետ կապված, ինչպես նաև քարոզարշավի կանոնակարգմանն առնչվող քայլերը: Միևնույն ժամանակ զեկույցի նախագծով կոչ է արվում Մոլդովայի իշխանություններին վերանայել անկախ թեկնածուների գրանցման հետ կապված սահմանափակող դրույթները՝ ապահովելով ընտրության բոլոր մասնակիցների համար մրցակցային հավասար պայմաններ: Մոլդովայի իշխանություններին կոչ է արվում քայլեր ձեռնարկել կանանց ներգրավվածությունը քաղաքականության մեջ ընդլայնելու հարցում և ապահովել նվազագույնը 40 տոկոս ներկայացվածություն բոլոր սեռերի համար: Նաև զեկույցով Կոնգրեսի Մոնիտորինգի հանձնաժողովը հորդորում է Մոլդովայի իշխանություններին նախընտրական քարոզչության ընթացքում ապահովել բոլոր թեկնածուներին հասանելի եթերաժամանակի հավասարությունը:
Զեկույցի նախագիծը կներկայացվի մարտի 17-19-ը Ստրասբուրգում կայանալիք Կոնգրեսի նստաշրջանի հաստատմանը:
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
22
Նմբ
26
Հոկ
25
Հոկ