Էմին Երիցյան

Կայքի հարգելի այցելուներ,
 

Այս տարի մենք նշում ենք Հայաստանում տեղական ինքնակառավարման համակարգի ներդրման 20-ամյակը: Հայաստանի համայնքների միությունը ՏԻ համակարգի ներդրման օրվանից հանդիսացել է այդ համակարգի զարգացման համար առանձնահատուկ դեր ունեցող կազմակերպություն։ ՀՀ կառավարության, այլ պետական կառավարման մարմինների և այլ շահագրգիռ կողմերի հետ համագործակցաբար՝ այն կարողացել է իր ներդրումն ունենալ տեղական ժողովրդավարության զարգացման ու տեղական ինքնակառավարման ամրապնդման գործում՝ ապահովելով հստակ ու շոշափելի արդյունքներ։

Ամփոփելով նախորդ տարիների ձեռքբերումները և քննարկելով Միության հետագա անելիքները` 2015թ-ին ՀՀՄ-ի Խորուրդը որոշում կայացրեց Միության ինստիտուցիոնալ բարեփոխումների անհրաժեշտության վերաբերյալ` նպատակ ունենալով առավել հզորացնել մեր բազմանդամ կազմակերպությունը և օպտիմալացնել անդամ համայնքների շահերի պաշտպանության և անդամներին անհրաժեշտ ծառայությունների մատուցման գործընթացը: Որպես առաջին քայլ 2016թ-ին Միությունը ձեռնամուխ եղավ իր նոր՝ 2016-2020թթ. Ռազմավարական պլանի մշակմանը: Նոր ռազմավարական պլանի մշակման նպատակ է Միության անդամների ակտիվ ներգրավվածությամբ հստակ նախանշել այն հիմնական ռազմավարական ուղղությունները, որոնց վրա Միությունը պետք է կենտրոնանա գալիք հինգ տարիների ընթացքում՝ նկատի ունենալով նաեւ սահմանադրական փոփոխությունների արդյունքում երկրի քաղաքական ու հանրային կառավարման համակարգում ակնկալվող փոփոխությունները, մասնավորապես՝ անցումը խորհրդարանական կառավարման համակարգին։

Ստորև ամփոփված ռամավարական պլանը մշակվել է 2016 թ.-ի փետրվար-հուլիս ամիսների ընթացքում։ Միության հանրապետական խորհրդի անդամներից բաղկացած Ռազմավարության հարցերով աշխատանքային խումբը նախնական քննարկումների արդյունքում Եվրոպայի խորհրդի <> ծրագրի շրջանակներում ներգրավված փորձագետների աջակցությամբ մշակել են ռազմավարական պլանի հիմնական դրույթները, որոնք մայիս ամսվա ընթցաքում Ծաղկաձորում, Դիլիջանում, Աղվերանում եւ Ջերմուկում քննարկվել են ՀՀ բոլոր մարզերը ներկայացնող, քնարկումներին մասնակցելու հրավերն ընդունած 103 համայնքապետեր։ Մարզային քննարկումների արդյունքում փորձագետները մշակել են Ռազմավարական պլանի նախագիծը։ Ակնկալում ենք, որ փաստաթղթի վերջնական տարբերակը կհաստատվի Միության հանրապետական խորհրդի կողմից սույն թվականի հուլիսի վերջին:

Որպես Միության նախագահ լիահույս եմ, որ այս Ռազմավարական պլանը կհանդիսանա Միության բոլոր անդամների համար կիրառական նշանակություն ունցեող մի փաստաթուղթ` ուղղորդելով մեր բոլորի ջանքերը հասնելու միասնաբար սահմանված մեր ընդհանուր նպատակների իրագործմանը:

 

 

Էմին Երիցյան

Հայաստանի համայնքների միության նախագահ

Էմին Երիցյան

ՆՈՐՈՒԹՅՈՒՆՆԵՐ

AIMF-Ի ԵՎ  GATES ՀԻՄՆԱԴՐԱՄԻ ՄԻՋԵՎ ԳՈՐԾԸՆԿԵՐՈՒԹՅԱՆ ՍՏՈՐԱԳՐՈՒՄ
AIMF-Ի ԵՎ GATES ՀԻՄՆԱԴՐԱՄԻ ՄԻՋԵՎ ԳՈՐԾԸՆԿԵՐՈՒԹՅԱՆ ՍՏՈՐԱԳՐՈՒՄ

10:53

27 03 2017

The Bill & Melinda Gates հիմնադրամը և  AIMF-ը  համաձայնագիր են ստորագրել 4 տարով...

Հակագնչուականության դեմ հռչակագիր. Կոնգրեսը կոչ է անում տեղական և ռեգիոնալ իշխանություններին հստակ դիրքորոշում որդեգրել
Հակագնչուականության դեմ հռչակագիր. Կոնգրեսը կոչ է անում տեղական և ռեգիոնալ իշխանություններին հստակ դիրքորոշում որդեգրել

12:04

24 03 2017

Կոնգրեսի 32-րդ նստարջանի ընթացքում (մարտի 28-30) Գնչուների հարցերով Կոնգրեսի բանախոս Ջոն...

Վրաստան. «Պետության տարածքային ամբողջականությունը կարևոր երաշխիք է ռեգիոնալ հարթության զարգացման համար»,- նշել է Եվրոպայի խորհրդի Կոնգրեսի նախագահը
Վրաստան. «Պետության տարածքային ամբողջականությունը կարևոր երաշխիք է ռեգիոնալ հարթության զարգացման համար»,- նշել է Եվրոպայի խորհրդի Կոնգրեսի նախագահը

10:25

22 03 2017

Արձագանքելով Վրաստանում ընտրական վերջին իրադարձություններին՝ Կոնգրեսի նախագահ տիկին Գուդրուն...

ՀՀՄ պատվիրակության այցը Լիոն
ՀՀՄ պատվիրակության այցը Լիոն

16:53

20 03 2017

Հայաստանի Համայնքների Միության և  Ֆրանսիայի գյուղական համայնքապետերի ասոցիացիայի (AMRF)...

Հանդիպում գինեգործների հետ
Հանդիպում գինեգործների հետ

17:52

16 03 2017

Ս.թ. մարտի 16-ին Հայաստանի Համայնքների Միության կողմից հիմնադրված «Արենի»...