Մինսկում կանցկացվի «Քաղաքապետերի դաշնագրի առաջմղումը ԱԼԳ երկրներում» խորագրով հաղորդակցության թեմայով աշխատաժողով
14.02.2020
«Քաղաքապետերի դաշնագիր՝ Արևելք» ծրագրի շրջանակներում փետրվարի 27-28-ին Մինսկում կանցկացվի «Քաղաքապետերի դաշնագրի առաջմղումը ԱԼԳ երկրներում» խորագրով հաղորդակցության թեմայով աշխատաժողովը:
Աշխատաժողովին կմասնակցեն Արևելյան գործընկերության (ԱԼԳ) 6 երկրների «Քաղաքապետերի դաշնագիր՝ Արևելք» ծրագրի գործընկեր, աջակից և համակարգող կազմակերպությունների ներկայացուցիչներ:
Մինսկում կայանալիք երկօրյա աշխատաժողովին օրակարգային հարցերին զուգահեռ նախատեսված են նաև ոլորտային քննարկումներ:
Դաշնագրին անդամակցող համայնքների գործունեության համատեքստը. «Նոր դաշնագիրը» և «Քաղաքապետերի դաշնագիր Արևելքը» խորագրով քննարկմանն անդրադարձ կկատարվի «Քաղաքապետերի դաշնագիր Արևելք» ծրագրի ձեռքբերումներին, EU4Energy նախաձեռնության վերջին զարգացումներին, Դաշնագիրը ստորագրող համայնքների դերակատարությանը:
Քննարկումների մյուս հատվածում անդրադարձ կկատարվի հաղորդակցության ոլորտի զարգացումներին, մասնավորապես, թե ազգային մակարդակով ինչպես ներկայացնել Դաշնագիրը և կազմակերպել հաղորդակցությանն առնչվող աշխատանքները: Պանելային քննարկումների ընթացքում հաղորդակցության ազգային պատասխանատուները կարճ ցուցադրությունների միջոցով կներկայացնեն հաղորդակցության ոլորտում արված աշխատանքն իրենց երկրներում:
Խմբային քննարկումների ժամանակ հաղորդակցության փորձագետները կստանան գործնական հմտություններ այն մասին, թե ինչպես պլանավորել և իրականացնել Դաշնագրի մասին իրազեկման արշավներ: Նաև կներկայացնեն սեփական փորձը և դիտարկումները:
Հայաստանի համայնքների միությունը Դաշնագրի ազգային աջակիցներից է և գործընկեր կազմակերպությունը:
«Քաղաքապետերի դաշնագիր՝ Արևելք» (CoM East) ծրագիրը ֆինանսավորվում է ԵՄ կողմից և իրականացվում է Արևելյան գործընկերության 6 երկրներում: Դաշնագրին միացել են ՀՀ 24 համայնքներ: Ծրագրի հիմնական նպատակներն են. Դաշնագրին անդամակցող համայնքների կարողությունների զարգացումը, իրազեկության բարձրացումը, տեխնիկական աջակցությունը համայնքներին Գործողությունների ծրագրերի մշակման, իրականացման և մշտադիտարկման գործում, շահառուների հետ կապերի ուժեղացում և դոնորների ներգրավումը: Քաղաքապետերի դաշնագիրը ԵՄ առաջին և ամենահավակնոտ նախաձեռնությունն է, որն ուղղակիորեն թիրախավորում է տեղական իշխանություններին և դրանց քաղաքացիներին՝ համաշխարհային կլիմայական փոփոխության դեմ պայքարի ղեկավարումը ստանձնելու հարցում:
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...
10:04
01 11 2023
Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...
13:26
30 10 2023
Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...
19:09
26 10 2023
Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...
22
Նմբ
26
Հոկ
25
Հոկ