Նշվեց Էջմիածին քաղաքի 2704-ամյակը

Նշվեց Էջմիածին քաղաքի 2704-ամյակը

08.10.2019

Հոկտեմբերի 8-ին Էջմիածին քաղաքում անցկացվեցին քաղաքի հիմնադրման 2704-ամյակին նվիրված տոնական միջոցառումներ: Ավանդաբար Էջմիածնում նշվում է քաղաքի հիմնադրման օրը:  

Էջմիածինցի նկարիչների նկարների ցուցահանդես, քանդակագործություն, նարդու և շախմատի ցուցադրական խաղեր, տոնական շքերթ, սմարթ կանգառի բացում, քուֆթայի փառատոն. Էջմիածնում տոնական միջոցառումների պակաս չէր զգացվում:

Տոնական միջոցառումների ծրագիրը մեկնարկեց Էջմիածնի հիմնադրման 2704-ամյակին նվիրված հանդիսավոր նիստով: Ողջույնի խոսքում ՀՀ վարչապետ Նիկոլ Փաշինյանն ասաց. «Ես ուզում եմ ընդգծել, որ արդի իմաստով, քաղաքական իմաստով Էջմիածինը ևս մեկ շրջադարձային նշանակություն ունեցող իրադարձության կենտրոն դարձավ: Եվ ես դա շատ սիմվոլիկ եմ համարում, որ այդ հազարմյա պատմության ընթացքում այս կարևոր, իհարկե, իր մասշտաբներով գուցե ոչ այնքան մեծ, բայց բովանդակությամբ գուցե շրջադարձային իրադարձություն տեղի ունեցավ, և երրորդ հանրապետության պատմության մեջ առաջին անգամ Հայաստանում ընտրվեց կին քաղաքապետ: Ես սա նույնպես շատ կարևոր իրադարձություն եմ համարում և հույս ունեմ, որ այս իրադարձությունը նույնպես մեր երկրում ունենալու է շրջադարձային հետևանքներ: Հայաստանի Հանրապետությունում կանանց ներգրավումը պետական կառավարման գործում, քաղաքական գործընթացներում, հանրային կյանքում պիտի ավելի ու ավելի մեծ մասշտաբներ ունենա, և դա պետք է իր ազդեցությունն ունենա Հայաստանի զարգացման գործում»:

Էջմիածնի քաղաքապետ Դիանա Գասպարյանը հայտարարեց, որ քաղաքի տոնի առիթով Էջմիածնում կսկսի գործել միջքաղաքային տրանսպորտ: Հենց այդ առիթով Էջմիածին քաղաքի բարեկամ կոչում շնորհվեց Հայաստանում Ֆրանսիայի արտակարգ և լիազոր դեսպան Ժոնաթան Լաքոտին: Ֆրանսիայի Նիս քաղաքն է Էջմիածնին նվիրել ավտոբուսներ:

Դիանա Գասպարյանը, շնորհավորելով էջմիածինցիներին, ասաց. «Մեզ բոլորիս միավորում է այն գիտակցությունը և այն հպարտությունը, որ մենք համայն հայության հոգևոր կենտրոնի բնակիչն ենք և մեզ բոլորիս միավորում է մեկ հանգամանք՝ նվիրումն ու սերը մեր սիրելի քաղաքին»:

Էջմիածնի քաղաքապետը ուղերձ հղեց համաքաղաքացիներին՝ լինել միասնական և նշեց, որ երկիրը, քաղաքը սիրելու միակ տարբերակը յուրաքանչյուրն իր ոլորտում լուռ իր աշխատանքը կատարելն է:

 


ՆՈՐՈՒԹՅՈՒՆՆԵՐ

«Համայնքային էներգետիկ կառավարման համակարգի ներդրում և էներգետիկ կառավարիչների նշանակում» թեմայով ուսուցողական սեմինար՝ Երևանում
«Համայնքային էներգետիկ կառավարման համակարգի ներդրում և էներգետիկ կառավարիչների նշանակում» թեմայով ուսուցողական սեմինար՝ Երևանում

12:37

07 12 2023

Երևանում դեկտեմբերի 5-6-ին անցկացվել է «Համայնքային էներգետիկ կառավարման համակարգի...

ԵԽ Կոնգրեսը ժողովրդավարության համար սպառնալիք է համարել տեղական ընտրված ներկայացուցիչների նկատմամբ բռնությունը
ԵԽ Կոնգրեսը ժողովրդավարության համար սպառնալիք է համարել տեղական ընտրված ներկայացուցիչների նկատմամբ բռնությունը

10:04

01 11 2023

Եվրոպայի խորհրդի տեղական և տարածքային իշխանությունների կոնգրեսը (ԵԽ Կոնգրես) մտահոգություն է...

ԵԽ Կոնգրեսն ընդունել է Երևան քաղաքի ավագանու ընտրությունների վերաբերյալ զեկույցը
ԵԽ Կոնգրեսն ընդունել է Երևան քաղաքի ավագանու ընտրությունների վերաբերյալ զեկույցը

13:26

30 10 2023

Ստրասբուրգում անցկացված Եվրոպայի խորհրդի տեղական և տարածքային իշխանությունների կոնգրեսի (ԵԽ...

ԵԽ Կոնգրեսը Լեռնային Ղարաբաղում հումանիտար իրավիճակի հետ կապված բանաձև է ընդունել
ԵԽ Կոնգրեսը Լեռնային Ղարաբաղում հումանիտար իրավիճակի հետ կապված բանաձև է ընդունել

19:09

26 10 2023

Եվրոպայի խորհրդի տեղական և տարածքային իշխանությունների կոնգրեսի (ԵԽ կոնգրես) 45-րդ նստաշրջանի...

ԵԽ Կոնգրեսի նոր նախագահ է ընտրվել Մարկ Քուլսը (Բելգիա)
ԵԽ Կոնգրեսի նոր նախագահ է ընտրվել Մարկ Քուլսը (Բելգիա)

16:11

24 10 2023

Ստրասբուրգում մեկնարկել է Եվրոպայի խորհրդի տեղական և տարածքային իշխանությունների կոնգրեսի (ԵԽ...

Ստրասբուրգում կանցկացվի ԵԽ կոնգրեսի 45-րդ նստաշրջանը
Ստրասբուրգում կանցկացվի ԵԽ կոնգրեսի 45-րդ նստաշրջանը

23:47

22 10 2023

Ստրասբուրգում հոկտեմբերի 24-26-ին կանցկացվի Եվրոպայի խորհրդի տեղական և տարածքային...