ԵՄ Կայուն էներգիայի շաբաթը (EU Sustainable Energy Week) 2024 թվականին կնշվի հունիսի 11-13-ը
14.05.2024
Արդեն ավանդական դարձած ԵՄ Կայուն էներգիայի շաբաթը (EU Sustainable Energy Week) 2024 թվականին կնշվի հունիսի 11-ից մինչև 13-ը: Այս իրադարձությանը նվիրված միջոցառումներն անցկացվում են ԵՄ պետություններում և այլ երկրներում 2024 թվականի մարտից հունիս ընկած ժամանակահատվածում:
ԵՄ Կայուն էներգիայի շաբաթը միավորում է պետական կառավարման և տեղական ինքնակառավարման մարմիններին, մասնավոր ընկերություններին, հասարակական կազմակերպություններին, համայնքների բնակիչներին և այլ շահառուների՝ Կայուն էներգիայի օրերի միջոցով կլիմայի փոփոխության մեղմման և հարմարվողականության, ինչպես նաև էներգետիկ աղքատության հաղթահարմանն ուղղված նախաձեռնությունների և միջոցառումների խթանման նպատակով՝ հանուն մաքուր, անվտանգ և կայուն զարգացման:
2024 թվականին ԵՄ կայուն էներգիայի շաբաթվա շրջանակում Կայուն էներգիայի օրեր են կազմակերպվում աշխարհի 60 երկրներում «Քաղաքապետերի դաշնագիր» նախաձեռնությանն անդամակցող ավելի քան 12.000 համայնքներում, որոնց նպատակն է խթանել կայուն և կանաչ զարգացումը:
Էներգետիկ անցման և էներգետիկ անկախության ներկա համատեքստում Կայուն էներգիայի յուրաքանչյուր օր հնարավորություն է խթանելու վարքագծային փոփոխություններ և նորարարություններ ԵՄ-ում և ամբողջ աշխարհում էներգետիկ և կլիմայական նպատակներին հասնելու համար: Հետևաբար` պատահական չէ, որ այս տարվա էներգետիկ շաբաթն անցկացվում է «Նվազագույն արտանետումներով էներգետիկ լուծումներ մրցունակ Եվրոպայի համար» կարգախոսի ներքո:
Այս կարգախոսն արդիական է նաև մեր երկրի համար՝ էներգետիկ անվտանգության ապահովման և ջերմոցային գազերի ցածր արտանետումներով զարգացման երկարաժամկետ ռազմավարություն համատեքստում:
Միջոցառումներ կազմակերպելիս համայնքները կարող են ցուցաբերել ստեղծագործական մոտեցում։ Մասնավորապես, միջոցառումները կարող են կենտրոնանալ իրազեկվածության բարձրացման, յուրահատուկ գործողությունների, որոշակի տեխնոլոգիաների կամ քաղաքականության վրա, որոնք կարող են վերաբերել ինչպես համայնքին, այնպես էլ մարզին կամ երկրին: Միջոցառումները կարող են կազմակերպվել հանրային կամ մասնավոր շենքերում, բացօթյա կամ առցանց, անցկացվել այնպիսի վայրերում, ինչպիսիք են դպրոցները, այգիները, համայնքապետարանները, արտադրական ձեռնարկությունները, կրթական կենտրոնները և այլն:
Քանի որ 2019 թվականից ի վեր Հայաստանում Դաշնագրին անդամակցող համայնքների ակտիվ մասնակցությունը ԵՄ Կայուն էներգիայի շաբաթում դարձել է լավ ավանդույթ, ուստի կոչ ենք անում Ձեզ մասնակցել 2024 թվականին անցկացվող շաբաթվան՝ կազմակերպելով և անցկացնելով համապատասխան միջոցառումներ:
Համայնքապետարանները և շահառուները ազատ են միջոցառումների կազմակերպման ձևաչափի, վայրի և ժամանակի ընտրության հարցում՝ հետևյալ պայմաններով.
Հաշվի առնելով կայուն էներգիայի օրերի կազմակերպման միջազգային և տարածաշրջանային փորձը՝ ամենատարածված միջոցառումները (այդ թվում նաև առցանց ձևաչափով) հետևյալն էին.
Կայուն էներգիայի եվրոպական շաբաթվա շրջանակներում կազմակերպվող միջոցառումների մասին առավել մանրամասն և բազմազան տեղեկություններ կարելի է գտնել այստեղ:
Ակնկալվում է, որ միջոցառումների կազմակերպման հետ կապված ծախսերը (օրինակ՝ համայնքներում մրցույթների հաղթողների համար մրցանակների և հավաստագրերի ձեռքբերում) կհոգան համայնքապետարանները և աջակցող շահառուները: Միևնույն ժամանակ, այս տարի ծրագիրը նույնպես նախատեսում է հուշանվերներ տրամադրել համայնքների կողմից անցկացվող որոշ մրցույթների հաղթողներին։ Այդ մասին ավելի մանրամասն կտեղեկացնենք ավելի ուշ։
ԵՄ «Քաղաքապետերի դաշնագիր՝ Արևելք» ծրագիրը, որի գործընկերն է Հայաստանի համայնքների միությունը, պատրաստ է տրամադրել տեղեկատվական և խորհրդատվական աջակցություն միջոցառումների կազմակերպման համար:
Հարցերի դեպքում կարող եք դիմել ԵՄ «Քաղաքապետերի դաշնագիր՝ Արևելք» ծրագրի ազգային փորձագետ՝ Արտեմ Խարազյանին ([email protected]) և հաղորդակցության գծով ծրագրի փորձագետ՝ Տաթևիկ Հարությունյանին ([email protected]):
Հայաստանի համայնքների միություն
18:17
16 08 2024
Օգոստոսի 15-ին Ապարան, Սպիտակ, Ստեփանավան և Տաշիր համայնքներում «Քաղաքապետերի...
22:31
03 07 2024
Մարտունի համայնքում «Քաղաքապետերի դաշնագիր՝ Արևելք» ծրագրի և Հայաստանի համայնքների...
22:03
03 07 2024
Գավառ համայնքում «Քաղաքապետերի դաշնագիր՝ Արևելք» ծրագրի և Հայաստանի համայնքների...
21:19
02 07 2024
Սևան համայնքում հուլիսի 2-ին «Քաղաքապետերի դաշնագիր՝ Արևելք» ծրագրի և Հայաստանի...
10:18
27 06 2024
Հունիսի 27-ին ԵՄ Կայուն էներգիայի շաբաթվա շրջանակներում Թալին համայնքում տեղի է ունեցել...
10:13
27 06 2024
Արթիկ համայնքում հունիսի 27-ին «Քաղաքապետերի դաշնագիր՝ Արևելք» ծրագրի և Հայաստանի...
22
Nov
26
Oct
25
Oct