ԵԽ Կոնգրեսի Մոնիտորինգի հանձնաժողովը մտահոգություն է հայտնում Լատվիայում տարածքային բարեփոխումների իրականացման պայմանների վերաբերյալ

ԵԽ Կոնգրեսի Մոնիտորինգի հանձնաժողովը մտահոգություն է հայտնում Լատվիայում տարածքային բարեփոխումների իրականացման պայմանների վերաբերյալ

11.02.2020

Փետրվարի 11-ին Ֆրանսիայի Մեց քաղաքում անցկացվեց Եվրոպայի խորհրդի Տեղական և տարածքային իշխանությունների կոնգրեսի (ԵԽ Կոնգրես) Մոնիտորինգի հանձնաժողովի նիստը:

Մոնիտորինգի հանձնաժողովը հաստատեց Լատվիայում փաստահավաք առաքելության մասին զեկույցի նախագիծը: Մոնիտորինգի հանձնաժողովը մտահոգված է տարածքային բարեփոխումների իրականացման պայմաններով: Զեկույցը պատրաստվել է՝ հիմնվելով Լատվիայի տեղական և տարածքային իշխանությունների ասոցիացիայի կողմից հնչեցված մտահոգության և փաստահավաք առաքելության արդյունքների վրա:

Մտահոգությունը վերաբերում է Լատվիայում տարածքային բարեփոխումների նախապատրաստման և իրականացման եղանակին, մասնավորապես Կառավարության կողմից կենտրոնացման միտումին, բավարար խորհրդակցությունների բացակայությանը և տեղական իշխանությունների բյուջետային ինքնավարության կրճատմանը:

Լատվիայի մոնիտորինգային զեկույցի համազեկուցող Խավիեր Կադորեն Մոնիտորինգի հանձնաժողովի նիստին հայտարարեց. «Լատվիական ասոցիացիան մեզ ահազանգեց Կառավորության՝ ՏԻՄ օրենքի փոփոխությունների մտադրության մասին: Այս առիթով մի շարք հայտարարություններ, այդ թվում նաև Կոնգրեսի կողմից եղել են, որ այդ փոփոխությունները պետք է համապատասխան լինեն Տեղական ինքնակառավարման եվրոպական խարտիային: Մեր առաքելությունից մի քանի օր հետո մենք տեղեկացանք Ռիգայի քաղաքային խորհրդի՝ Շրջակա միջավայրի պահպանության նախարարի կողմից լուծարման մասին: Այս որոշումը մենք համարում ենք մտահոգիչ»:

Կոնգրեսը մոնիտորինգային զեկույցի և հանձնարարականների նախագծում Լատվիայի իշխանություններին կոչ է անում վերանայել ընտրված պաշտոնյայի լիազորությունների կասեցման մասին որոշումը՝ կրճատելով նախարարի հայեցողական լիազորությունները:

Միևնույն ժամանակ կոչ է արվում Լատվիայի իշխանություններին մեծացնել տեղական իշխանությունների ֆինանսական անկախությունը և ընդլայնել նրանց լիազորությունների շրջանակն ու պատասխանատվությունը ֆինանսական կառավարման հարցում և իրագործել արդյունավետ խորհրդակցություններ և երկխոսություն բարեփոխումների իրականացումից առաջ:

Զեկույցի նախագծում համազեկուցողները կոչ են անում Կոնգրեսին շարունակել մոնիտորինգը Լատվիայում տարածքային բարեփոխումների հարցով՝ ազգային իշխանությունների հետ երկխոսության միջոցով:

Նշենք, որ զեկույցի նախագիծը ներկայացվելու է մարտի 17-19-ը Ստրասբուրգում կայանալիք Կոնգրեսի նստաշրջանի հաստատմանը:


ՆՈՐՈՒԹՅՈՒՆՆԵՐ

Հրազդանցի երիտասարդները փնտրում են համայնքային խնդիրների լուծման ուղիներ. կարողությունների զարգացման դասընթաց
Հրազդանցի երիտասարդները փնտրում են համայնքային խնդիրների լուծման ուղիներ. կարողությունների զարգացման դասընթաց

14:49

24 02 2020

Փետրվարի 23-ին Կոտայքի մարզի Հրազդան քաղաքի տասնյակ երիտասարդներ մասնակցեցին ՏԻՄ-երում...

ՏԻՄ-երում երիտասարդների ներգրավվածությանն ուղղված դասընթաց՝ Աբովյան քաղաքում
ՏԻՄ-երում երիտասարդների ներգրավվածությանն ուղղված դասընթաց՝ Աբովյան քաղաքում

13:07

24 02 2020

«Ազատ քաղաքացի» քաղաքացիական նախաձեռնությունների աջակցման կենտրոնը Հայաստանի...

Տեղական տնտեսական զարգացման ֆորում՝ Թբիլիսիում. Վրաստանի տարածքային զարգացման նախարարի տեղակալը կարևորեց միջսահմանային համագործակցությունը
Տեղական տնտեսական զարգացման ֆորում՝ Թբիլիսիում. Վրաստանի տարածքային զարգացման նախարարի տեղակալը կարևորեց միջսահմանային համագործակցությունը

13:12

20 02 2020

Թբիլիսիում փետրվարի 20-ին անցկացվում է Տեղական տնտեսական զարգացման ֆորումը: Ֆորումին մասնակցում...

Հայաստանում տեղական ինքնակառավարման և ապակենտրոնացման վիճակի վերաբերյալ զեկույց
Հայաստանում տեղական ինքնակառավարման և ապակենտրոնացման վիճակի վերաբերյալ զեկույց

13:58

18 02 2020

Հայաստանում տեղական ինքնակառավարման և ապակենտրոնացման վիճակի վերաբերյալ զեկույց