Գենդերային անհավասարության հաղթահարում բիզնեսում և քաղաքականության մեջ. CoR-ը քաղաքական կուսակցություններին կոչ է անում ակտիվորեն ընդլայնել կանանց իրավունքները

Գենդերային անհավասարության հաղթահարում բիզնեսում և քաղաքականության մեջ. CoR-ը քաղաքական կուսակցություններին կոչ է անում ակտիվորեն ընդլայնել կանանց իրավունքները

06.03.2017

Կանանց միջազգային օրվանից մեկ շաբաթ առաջ Եվրոպական ռեգիոնների կոմիտեն և նրա Հավասար հնարավորությունների համատեղ հանձնաժողովը կազմակերպել էին ճաշ-քննարկում և հաղորդակցային միջոցառում՝ Եվրոպայում քաղաքականության, կառավարման մեջ գենդերային հավասարության հարցը քննարկելու համար

Մասնակիցները, որոնց շարքում էին եվրոպական և տեղական մակարդակների քաղաքական գործիչներ, բիզնես ոլորտի ներկայացուցիչներ և գիտական փորձագետներ, ներկայացրեցին լավագույն պրակտիկաների ոգևորիչ պատմություններ՝ առկա պատնեշների հաղթահարման նպատակով: Նրանք կոչ արեցին մեծացնել ճնշումը կառավարութունների և կորպորացիաների վրա՝ շարունակելու պայքարը գենդերային անհավասարության հաղթահարման համար:

Չնայած որ Եվրոպայում նկատվում է որոշումների կայաման գործընթացներում կանանց թվաքանակի աճ, այնուամենայնիվ, թե՛ բիզնեսում, թե՛ քաղաքականության մեջ և թե՛ պետական ու մասնավոր ոլորտներում իշխանությունը դեռևս ամուր կերպով գտնվում է տղամարդկանց ձեռքում: Եվրոպական մակարդակում եվրախորհրդարանականների միայն 37 տոկոսն են կանայք, իսկ եվրոպական հանձնակատարների 70 տոկսը արական սեռի ներկայացուցիչներ են: Իրավիճակը գրեթե նույնն է բիզնես ոլորտում, որտեղ ղեկավարների 96.5 տոկոսը տղամարդիկ են: Այս իրավիճակը 2010թ.-ից ի վեր էական փոփոխություն չի կրել: Չնայած որ իրավիճակը տարբեր ռեգիոններում տարբեր է, մասնակիցները եկան այն եզրահանգման, որ իրավիճակը պետք է փոխվի, և միայն գենդերային քվոտաները կարող են լինել խնդրի լուծման մաս:

Բացելով քննարկումը՝ CoR-ի նախագահ Մարկկու Մարկկուլան նշեց. «Մեզ անհրաժեշտ է, որ ավելի շատ կանայք զբաղեցնեն բարձր պաշտոններ և ստանձնեն ավելի շատ պարտականություններ և՛ պետական, և՛ մասնավոր ոլորտներում որոշումների կայացման գործընթացներում: Մեր հասարակության մեջ կանայք կազմում են բարձրագույն կրթություն ստացողների մինչև 60 տոկոսը, ուստի մեզ անհրաժեշտ է աշխատել գենդերային հավասարակշռության ուղղությամբ և ակտիվորեն ընդլայնել կանանց իրավունքները: Եկեք ընդգրկենք մեծ հմտություններ ունեցող, որակավորված կանանց և նրանց տաղանդը՝ կայուն, տնտեսապես աճող Եվրոպա ստեղծելու համար»: Պարոն Մարկկուլան կոչ արեց քաղաքական կուսակցություններին կանանց ավելի շատ ներգրավել քաղաքական կյանքում:

Աղբյուրը՝՝http://cor.europa.eu/en/news/Pages/overcoming-gender-inequality-in-business-and-politics.aspx



ՆՈՐՈՒԹՅՈՒՆՆԵՐ

Հրազդանցի երիտասարդները փնտրում են համայնքային խնդիրների լուծման ուղիներ. կարողությունների զարգացման դասընթաց
Հրազդանցի երիտասարդները փնտրում են համայնքային խնդիրների լուծման ուղիներ. կարողությունների զարգացման դասընթաց

14:49

24 02 2020

Փետրվարի 23-ին Կոտայքի մարզի Հրազդան քաղաքի տասնյակ երիտասարդներ մասնակցեցին ՏԻՄ-երում...

ՏԻՄ-երում երիտասարդների ներգրավվածությանն ուղղված դասընթաց՝ Աբովյան քաղաքում
ՏԻՄ-երում երիտասարդների ներգրավվածությանն ուղղված դասընթաց՝ Աբովյան քաղաքում

13:07

24 02 2020

«Ազատ քաղաքացի» քաղաքացիական նախաձեռնությունների աջակցման կենտրոնը Հայաստանի...

Տեղական տնտեսական զարգացման ֆորում՝ Թբիլիսիում. Վրաստանի տարածքային զարգացման նախարարի տեղակալը կարևորեց միջսահմանային համագործակցությունը
Տեղական տնտեսական զարգացման ֆորում՝ Թբիլիսիում. Վրաստանի տարածքային զարգացման նախարարի տեղակալը կարևորեց միջսահմանային համագործակցությունը

13:12

20 02 2020

Թբիլիսիում փետրվարի 20-ին անցկացվում է Տեղական տնտեսական զարգացման ֆորումը: Ֆորումին մասնակցում...

Հայաստանում տեղական ինքնակառավարման և ապակենտրոնացման վիճակի վերաբերյալ զեկույց
Հայաստանում տեղական ինքնակառավարման և ապակենտրոնացման վիճակի վերաբերյալ զեկույց

13:58

18 02 2020

Հայաստանում տեղական ինքնակառավարման և ապակենտրոնացման վիճակի վերաբերյալ զեկույց