Վանաձորի համայնքապետարանում տեղի է ունեցել «Դաշինք՝ հանուն կայուն և կանաչ կառավարման» ծրագրի ղեկավար կոմիտեի 3-րդ նիստը
24.02.2023
Փետրվարի 24-ին Վանաձորի համայնքապետարանի նիստերի դահլիճում տեղի է ունեցել «Դաշինք՝ հանուն կայուն և կանաչ կառավարման» ԵՄ ֆինանսավորմամբ ծրագրի Ղեկավար կոմիտեի 3-րդ նիստը։
Նիստին ներկա են եղել Վանաձոր համայնքի ղեկավարի պաշտոնակատար Արկադի Փելեշյանը, Գյումրու քաղաքապետ Վարդգես Սամսոնյանը, Հայաստանում ԵՄ պատվիրակության միջազգային օգնության/ համագործակցության պատասխանատու Բրունո Մոնտարիոլը, ՀՀ Տարածքային կառավարման և ենթակառուցվածքների նախարարության տեղական ինքնակառավարման քաղաքականության վարչության պետ Աշոտ Գիլոյանը, ներկայացուցիչներ ՀՀ Կադաստրի, ՀՀ Քաղաքաշինության կոմիտեներից, Վանաձորի և Գյումրու ավագանու անդամներ, հասարակական կազմակերպությունների ներկայացուցիչներ։ Հանդիպմանը տեսակապով հետևել են նաև Լեհաստանի Պիլա համայնքում։
Արկադի Փելեշյանը ողջունել է հյուրերին և ընդգծել, որ չնայած դժվարություններին ու մարտահրավերներին, ամեն ինչ արվում՝ ծրագիրը հաջողությամբ և ամբողջական կատարելու համար։
Ներկաները լսել են ԵՄ պատվիրակության միջազգային օգնության/ համագործակցության պատասխանատու Բրունո Մոնտարիոլի ելույթը։
ՂԿ նիստի ընթացքում ծրագրի ղեկավար Նատալյա Լափաուրին և ծրագրի փորձագետները ներկայացրել են Ծրագրի իրականացման երկրորդ տարվա (հաշվետու ժամանակահատված՝ 01․02․22-01․02․23թթ․) կատարված աշխատանքների մասին հաշվետվությունը։ Քննարկվել է 2023թ-ի աշխատանքային պլանը։
Հիշեցնենք, որ ծրագիրն իրականացնում է Վանաձորի համայնքապետարանը՝ Գյումրի և Լեհաստանի Պիլա համայնքների գործընկերությամբ։ Ծրագրի նպատակն է նպաստել Վանաձորի և Գյումրու քաղաքային կայուն կառավարմանը՝ քաղաքականության և ընթացակարգերի, ծառայությունների որակի բարելավման, ինչպես նաև Լեհաստանի (ԵՄ) Պիլա համայնքի հետ գործընկերային փորձի փոխանակման միջոցով։ Ծրագիրը բազմաբաղադրիչ է․ այն ներառում է կայուն և կանաչ կառավարման համար անհրաժեշտ քաղաքականությունների և ընթացակարգերի մշակում, ծառայությունների որակի բարելավում, աշխարհագրական տեղեկատվական համակարգի (GIS) մշակում և ներդրում Վանաձոր և Գյումրի համայնքներում, «կանաչ» հանրային տրանսպորտի կիրառում և պլաստիկ թափոնների վերամշակման պրակտիկա, համայնքային ծառայողների կարողությունների զարգացում։
Ղեկավար կոմիտեն համարվում է ծրագրի գլխավոր որոշում կայացնող մարմինը։ Ղեկավար կոմիտեում ընդգրկված են Հայաստանում ԵՄ պատվիրակության ներկայացուցիչներ, Վանաձոր, Գյումրի և Պիլա համայնքների ղեկավարները, ՀՀ տարածքային կառավարման և ենթակառուցվածքների, շրջակա միջավայրի նախարարությունների, Կադաստրի և Քաղաքաշինության կոմիտեների, մարզպետարանների, ՀԿ և ՔՀԿ ներկայացուցիչներ։
21:40
26 04 2024
Ապրիլի 26-ին Երևանում տեղի է ունեցել ԵՀ «Քաղաքապետերի դաշնագիր՝ Արևելք»...
20:28
03 04 2024
Ապրիլի 1-2-ին ԵՀ «Քաղաքապետերի դաշնագիր՝ Արևելք» տարածաշրջանային ծրագրի ղեկավար...
20:53
01 04 2024
Ապրիլի 1-ին ՀՀ տարածքային կառավարման և ենթակառուցվածքների նախարարությունում (ՏԿԵՆ) տեղի է...
12:37
07 12 2023
Country-specific training on “Establishment of Municipal Energy Management System (EnMS)...
10:04
01 11 2023
An extremely unpleasant experience for those on the receiving end, verbal abuse and physical...
13:26
30 10 2023
The Congress of Local and Regional Authorities of the Council of Europe adopted a report...
22
Nov
26
Oct
25
Oct