Արթիկ համայնքում հունիսի 27-ին «Քաղաքապետերի դաշնագիր՝ Արևելք» ծրագրի և Հայաստանի համայնքների միության կողմից պարգևատրվել են ԵՄ Կայուն էներգիայի շաբաթվա շրջանակներում համայնքում անցկացված մրցույթների հաղթողները։

Արթիկ համայնքը 10 տարի է անդամակցում է Քաղաքապետերի դաշնագրին։ Արդեն 7-րդ տարին է համայնքում կազմակերպվում են ԵՄ կայուն էներգիայի օրեր։

Համայնքում այս տարի ԵՄ կայուն էներգիայի շաբաթվա շրջանակում համայնքապետարանի կողմից անցկացվել են սպորտային խաղեր մանկապարտեզներում, քուիզ, թեմատիկ կինոդիտումներ, ցուցահանդես, նկարչական մրցույթ և այլ միջոցառումներ։

Արթիկ համայնքում ԵՄ կայուն էներգիայի շաբաթվա շրջանակներում կազմակերպված մրցույթների ընթացքում ակտիվ մասնակցության և հաղթող ճանաչվելու կապակցությամբ «Քաղաքապետերի դաշնագիր՝ արևելք» ծրագրի կողմից խրախուսական նվերների են արժանացել Գագիկ Սիմոնյանը (6 տարեկան, Մ․ Մանթաշ), Աստղիկ Ղազարյանը (6 տարեկան, Գեղանիստ), Հովհաննես Մակարյանը (6 տարեկան, Փոքր Մանթաշ), Հասմիկ Տոնոյանը (9 տարեկան, Հառիճ), Մարիաննա Ղարիբջանյանը (14 տարեկան, Փանիկ), Թամարա Հարությունյանը (11 տարեկան, Նոր Կյանք), «Արթիկի երիտասարդների տան» շահառուներ Մարինա Մաթևոսյանը (16 տարեկան), Լիլիթ Սահակյանը (14 տարեկան), Մարտուն Վարդանյանը (17 տարեկան)։