Հունիսի 27-ին ԵՄ Կայուն էներգիայի շաբաթվա շրջանակներում Թալին համայնքում տեղի է ունեցել մրցանակների հանձման արարողություն։

«Նվազագույն արտանետումներով էներգետիկ լուծումներ մրցունակ Հայաստանի համար» խորագրով նկարչական աշխատանքների մրցույթի առաջին 3 տեղերը զբաղեցնելու համար «Քաղաքապետերի դաշնագիր՝ արևելք» ծրագրի և Հայաստանի համայնքների միության կողմից խրախուսական նվերներ են հանձնվել Հրաչ Բադալյանին (13 տարեկան), Նառա Մելոյանին (11 տարեկան) և Տիգրան Գևորգյանին (10 տարեկան)։

Թալինը Դաշնագրին միացել է 2023-ին և մասնակցում էր ԵՄ Կայուն էներգիայի շաբաթվան առաջին անգամ։

Թալին համայնքում կազմակերպվել էր «Նվազագույն արտանետումներով էներգետիկ լուծումներ մրցունակ Հայաստանի համար» խորագրով նկարչական աշխատանքների մրցույթ։

Ներկայացված 20 նկարներից Թալինի համայնքապետարանի կողմից ստեղծված հանձնաժողովն ընտրել էր լավագույն 3 աշխատանքները, որոնց հեղինակներն էլ պարգևատրվեցին «Քաղաքապետերի դաշնագիր՝ արևելք» ծրագրի և Հայաստանի համայնքների միության կողմից։