CORLEAP բյուրոյի 14-րդ նիստը ու «Տեղական իշխանություններ և քաղհասարակության կազմակերպություններ» միջազգային համաժողով՝ Երևանում

CORLEAP բյուրոյի 14-րդ նիստը ու «Տեղական իշխանություններ և քաղհասարակության կազմակերպություններ» միջազգային համաժողով՝ Երևանում

29.03.2019

Մարտի 28-ին անցկացվեց «Տեղական իշխանություններ և  քաղաքացիական հասարակության կազմակերպություններ» խորագրով միջազգային համաժողովը: Համաժողովի ընթացքում տեղի ունեցան «Բաց և կարողունակ միջավայրի ստեղծում քաղաքացիական մասնակցության, քաղհասարակության և տեղական ու ռեգիոնալ իշխանությունների գործողությունների համար», «Փոխգործացկության, սիներգիաների ստեղծման կարողությունների ամրապնդում և հստակ արդյունքների ստեղծում տեղական մակարդակում» խորագրերով քննարկումներ:

Համաժողովը կազմակերպում է Հայաստանի համայնքների միությունը Եվրամիության կողմից ֆինանսավորվող «Կառուցողական երկխոսության հանձնառություն» ծրագրի, ԵՄ Արևելյան գործընկերության տեղական և տարածաշրջանային իշխանությունների կոնֆերանսի (CORLEAP), Եվրոպայի խորհրդի տեղական և տարածքային իշխանությունների կոնգրեսի, ՀՀ տարածքային կառավարման և զարգացման նախարարության հետ համատեղ:

Համաժողովին նախորդեց ԵՄ Արևելյան գործընկերության տեղական և տարածաշրջանային իշխանությունների կոնֆերանսի (CORLEAP) բյուրոյի 14-րդ նիստը՝ Երևանում:

Հայաստանի համայնքների միության նախագահ, CORLEAP համանախագահ Էմին Երիցյանը համաժողովի բացման խոսքում նշեց՝ շատ կարևոր է, որ այս համաժողովն ունենա հեռանկարային և դրական արդյունքներ: Այնուհետև հայտարարեց. «Հիմնական թիրախավորումը հենց տեղական իշխանությունների և քաղհասարակության համագործակցությունն է: Նրանք միասին համագործակվելով՝ շատ անելիքներ ունեն: Բոլորս միասնական պետք է փորձենք գտնել ճիշտ լուծումներ, որպեսզի քաղհասարակությունն իսկապես դառնա ռեալ դերակատար ՀՀ-ԵՄ համաձայնագրի իրագործման հարցերում: Շատ կարևոր է, որ քաղհասարակության կոալիցիաները ձևավորվելով՝ ձևավորում են միասնական ձայնի հնարավորությունը»:

ՀՀ տարածքային կառավարման և զարգացման նախարարի տեղակալ Վաչե Տերտերյանը փաստեց՝ ՀՀ-ն երկրորդ անգամ պատիվ ունի հյուրընկալել CORLEAP բյուրոյի նիստը. «Լավ ավանդույթ ունենք բյուրոյի նիստերը զուգակցել թեմատիկ բովանդակային քննարկումներով: Այս անգամ պատահական չէ, որ մենք նման թեմա ենք ընտրել, որն ընթացիկ ժամանակին շատ հարմար և համահունչ է: Քաղհասարակության և ընդհանրապես մեր քաղաքացիների ակտիվության այս ընթացքից պիտի կարողանանք առավելագույն էֆեկտները ստանալ, մասնավորապես այն ոլորտում, որի մի մասն է կազմում տեղական ինքնակառավարման համակարգը, որը տեղական ժողովրդավարության կրողներից է»:

«Կառուցողական երկխոսության հանձնառություն» ծրագրի ղեկավար, Իրավաբանների հայկական ասոցիացիայի նախագահ Կարեն Զադոյանն իր ողջույնի խոսքում մեծապես կարևորեց ՔՀԿ-ՏԻՄ երկխոսությունը՝ հասարակության համար բարվոք հանրային քաղաքականությունների մշակման և իրակացման տեսանկյունից. «Վստահ եմ, որ ՔՀԿ-ների ներկայիս ներուժը հնարավորություն կտա ավելի ուժեղ տեղական ինքնակառավարման համակարգ ունենալ: Մեր ծրագրի շրջանակում ստեղծված ՔՀԿ կոալիցիաները ցույց են տալիս համագործակցության ներուժը, մարտահրավերներն ու հնարավորությունները»,- ասաց նա:

Հայաստանում ԵՄ պատվիրակության Համագործակցության բաժնի ղեկավար Գոնսալո Սեռանոն էլ նշեց, որ այս համաժողովի նպատակն է պարզել, թե ինչ կարող ենք անել տարածքային, տարածաշրջանային ոլորտում. «Պետք է կատարենք շատ կարևոր ներդրումներ, հանդես գանք նոր հնարավորություններով: Այս գործում մեզ մեծապես օգնելու են մեր գործընկերները: Պետք է կարևորեմ նաև այն փաստը, որ մենք աշխատում ենք կառավարությունների հետ, որ տարածաշրջանային մակարդակում համագործակցություն գրանցենք»:

Համաժողովին մասնակցեցին Եվրոպայի խորհրդի Տեղական և տարածաշրջանային իշխանությունների կոնգրեսի անդամներ, ԵՄ Արևելյան գործընկերության տեղական և տարածաշրջանային իշխանությունների կոնֆերանսի (CORLEAP) ներկայացուցիչներ, ՀՀ համայնքի ղեկավարներ, քաղհասարակության ներկայացուցիչներ:

«Կառուցողական երկխոսության հանձնառություն»  ծրագիրն իրականացվում է ԵՄ ֆինանսավորմամբ՝ «Իրավաբանների հայկական ասոցիացիա» ՀԿ-ի կողմից գործընկերներ «Ագորա Սենթրլ Յուրոփ» ՀԿ-ի (Չեխիա), «Ժողովրդավարական կրթության հայկական կենտրոն-ՍԻՎԻՏԱՍ» ՀԿ-ի, «Մարդկային զարգացման միջազգային կենտրոն» ՀԿ-ի, «ՓՄՁ համագործակցության ասոցիացիա» ՀԿ-ի և «Հայաստանի համայնքների միություն» իրավաբանական անձանց միության հետ համագործակցությամբ:

Ծրագրի նպատակն է մեծացնել քաղաքացիական հասարակության կազմակերպությունների (ՔՀԿ) և դրանց կոալիցիաների/ցանցերի ազդեցությունը հանրային քաղաքականության մշակման գործընթացի վրա։  Սա հնարավորություն կտա կազմակերպություններին (ովքեր արդեն իսկ աշխատում են թիրախային կոալիցիաներում) ձեռք բերել նոր ռեսուրսներ, քաղհասարակության փորձագետներին  միավորել և խրախուսել իրենց մասնակցությունը տեղական և ազգային քաղաքականությունների օրակարգի ձևավորմանը, հատկորոշել ընդհանուր խնդիրներն ու առաջնահերթությունները և դիմել կառավարությանը՝  կառուցողական և ռազմավարական քաղաքականության վերաբերյալ նախաձեռնություններով։

Ծրագրի շրջանակներում ենթադրամաշնորհներ են տրամադրվել ՔՀԿ-ներին և ՔՀԿ-ների կոալիցիաներին, որոնք կուղղվեն հանրային քաղաքականությունների զարգացմանն ու կունենան շոշափելի արդյունքներ 9 թիրախային ոլորտում, որոնք են արդարադատությունը, մարդու իրավունքները, հանրային ֆինանսների կառավարումը, բիզնեսը, կրթությունը, սոցիալական ոլորտը. հաշմանդամություն ունեցող երեխաների սոցիալական ներառում, գյուղատնտեսությունը, տնտեսությունը, էներգետիկան:


NEWS

The winners of the photo contest ''Green and sustainable growth
The winners of the photo contest ''Green and sustainable growth" were determined

14:45

03 07 2020

The winners of the photo contest ''Green and sustainable growth", organized by the EC “CoM...

The winners of the essay contest ''How local actions could address the global challenges of climate change?
The winners of the essay contest ''How local actions could address the global challenges of climate change?" were determined

11:39

02 07 2020

The winners of the essay contest ''How local actions could address the global challenges of...

Congress spokespersons welcome the Venice Commission opinion on removal of local candidates and mayors in Turkey
Congress spokespersons welcome the Venice Commission opinion on removal of local candidates and mayors in Turkey

11:40

30 06 2020

The Venice Commission of the Council of Europe - European Commission for Democracy through Law...

Armenia: Launch of working groups for the Community of Practice on public ethics in local governance
Armenia: Launch of working groups for the Community of Practice on public ethics in local governance

09:35

26 06 2020

Four working groups of the Community of practice on public integrity and ethics in local...

EU Sustainable Energy Week Has Started: Dozens of Armenian Communities are Organizing Energy Days
EU Sustainable Energy Week Has Started: Dozens of Armenian Communities are Organizing Energy Days

21:44

22 06 2020

The EU Sustainable Energy Week (EUSEW) has started. It is taking place 22-26 June, 2020 under...

Message to Heads of Communities and Council of the Elders members
Message to Heads of Communities and Council of the Elders members

10:49

19 06 2020

Dear Heads of Communities and Council of the Elders Members, on June 18 the RA National...