2016թ. հոկտեմբերի 20-ին Հայաստանի Տարածքային կառավարման և զարգացման նախարար Դավիթ Լոքյանը ԵԽ Կոնգրեսի 31-րդ նստաշրջանի շրջանակներում  մասնակցեց Կոնգրեսի անդամների հետ քաղաքական երկխոսությանը: Այս երկխոսությունը հետևեց հունիսին ստորագրված ԵԽ-Հայաստան Ճանապարհային քարտեզին, որը վերաբերում է երկրի տեղական և ռեգիոնալ ժողովրդավարության հետ կապված Կոնգրեսի առաջարկությունների կատարմանը: Նախարարն ընդգծեց Կոնգրեսի և Հայաստանի իշխանությունների միջև ծավալված հիանալի համագործակցությունը: «Տեղական ժողովրդավարության ամրապնդումը և զարգացումը դեռևս  առաջնային են Հայաստանի համար»,- ասաց նախարարը՝ նշելով, որ  Կոնգրեսի հանձնարարականների կատարումը հանգեցրել է, մասնավորապես, Տեղական ինքնակառավարման եվրոպական խարտիայի բոլոր դրույթների վավերացմանը և համագործակցային ծրագրերի մշակմանը, որոնք խթանել են տեղական իշխանությունների ամրապնդումը: «Հայաստանում տարածքային նոր բարեփոխումները դյուրացրել են մունիցիապլիտետների միավորումը՝ նվազեցնելով նրանց թիվը 915-ից 793-ի, ինչպես նաև իրավասությունների ապակենտրոնացումը և տեղական ընտրությունների անցկացումը»,- բացատրեց նա: Նույն օրը Կոնգրեսի նախկին նախագահ Ժան-Կլոդ Ֆրեկոնի և նոր ընտրված նախագահ Գուդրուն Մոսլեր-Թորնսթրոմի հետ քննարկման ընթացքում նախարարը նշեց, որ տարածքային բարեփոխումները կշարունակվեն մինչև 2018 թվական: