Փետրվարի 11-ին`Դիլիջանում տեղի ունեցավ «Համայնքների զարգացման հեռանկարային մաստեր պլանների մշակման անհրաժեշտությունը և արդյունավետության գնահատման մոտեցումները. համայնքների զարգացման համապարփակ ռազմավարությունը և արդյունավետության գնահատման մոտեցումները» թեմայով քննարկում: Մասնակցեցին Տավուշի մարզի ՏԻՄ-երի, ՔՀԿ-ների, համայնքների, մարզպետարանների ներկայացուցիչներ:

Քննարկումն անցկացվում է Եվրամիության կողմից ֆինանսավորվող «Կառուցողական երկխոսության հանձնառություն» ծրագրի շրջանակում:

Դիլիջանում կազմակերպված քննարկմանը փորձագետ Արտակ Երգենյանը ներկայացրեց Հայաստանում համայնքների զարգացման հեռանկարային մաստեր պլանների մշակման անհրաժեշտությունը, արդյունավետության գնահատման մոտեցումները:

Քննարկմանը մասնակից ՏԻՄ-երի և ՔՀԿ-ների շուրջ 25 ներկայացուցիչների միջև երկխոսություն ծավալվեց՝ արդյոք մեր հասարակությունն արդեն հասունացե՞լ է մաստեր պլանների անհրաժեշտությունը գիտակցելու համար: Կարծիք հնչեց՝ միգուցե արդեն ուշացել ենք: Քննարկվեց նաև այն հարցը՝ ո՞ր կողմը պետք է նախաձեռնի այդ գործընթացը: Քննարկման մասնակիցների մի մասն առաջարկեց մաստեր պլանների անհրաժեշտությունը սահմանել օրենսդրորեն:  

«Կառուցողական երկխոսության հանձնառություն» ծրագիրը մեկնարկել է 2016 թ. դեկտեմբերին: Տևողությունը 34 ամիս է: Ծրագիրը ֆինանսավորվում է Եվրոպական միության կողմից և իրականացվում «Իրավաբանների հայկական ասոցիացիա» ՀԿ-ի (ղեկավար կազմակերպություն), Մարդկային զարգացման միջազգային կենտրոնի, Հայաստանի համայնքների միություն (ՀՀՄ) ԻԱՄ-ի, «Ժողովրդավարական կրթության հայկական կենտրոն-ՍԻՎԻՏԱՍ» ՀԿ-ի, «Փոքր և միջին ձեռնարկատիրության համագործակցության ասոցիացիա» ՀԿ-ի, ինչպես նաև «Ագորա Սենթրալ Յուրըփ» չեխական ՀԿ-ի համատեղ կոնսորցիումով: