Վանաձորի, Գյումրու և Լեհաստանի Պիլա քաղաքների համայնքապետարանների համագործակցությամբ ԵՄ ֆինանսավորմամբ իրականացվող «Դաշինք՝ հանուն կայուն և կանաչ կառավարման» (ԿԿԿ ԴԱՇԻՆՔ) ծրագրի նախաձեռնությամբ իրականացվող հանրային իրազեկման արշավը շարունակվում է։ 

Բնապահպանական կրթության դասընթացներ կազմակերպվեցին Գյումրու թիվ 8 դպրոցում, Գյումրու «Լափտերիկ», «Ժպիտ», «Արձագանք», «Լիանա» մանկապարտեզներում տեղի ունեցան «Շրջակա միջավայրի պահպանում և թափոնների դասակարգում» խորագրով բաց պարապմունքներ։ Դասընթացներին մասնակցեցին 4-6, 6-9 տարիքային խմբի երեխաներ։ Նրանք սովորեցին տեսակավորել թափոնները, տեղեկացան՝ որ թափոններն են ենթակա վերամշակման, ինչպես խուսափել շրջակա միջավայրի աղտոտումից։