Եվրոպական հանձնաժողովի հարևանության և ընդլայնման բանակցությունների գլխավոր տնօրինության Արևելյան հարևանության և հաստատությունների կառուցման հարցերով տնօրեն Լոուրենս Մերեդիթը համարում է, որ տեղական և տարածքային իշխանությունները մեծ դերակատարություն ունեն քաղաքացիների առաջնային խնդիրների լուծման հարցում:

ԵՄ Արևելյան գործընկերության տեղական և տարածաշրջանային իշխանությունների կոնֆերանսի (CORLEAP) 10-րդ տարեկան ժողովի ընթացքում նա իր ելույթում նշել է, որ Արևելյան գործընկերության առաջնահերթությունները՝ վերականգնումը, դիմակայությունը և բարեփոխումն իրականություն  դարձնելու հարցում մեծ է տեղական իշխանությունների ներդրումը: Լոուրենս Մերեդիթը հայտարարել է. «Նաև պետք է նշեմ, որ տեղական իշխանությունները մեծ դերակատարություն ունեն քաղաքականությունների, ռազմավարությունների մշակման հարցում: Ազգային իշխանություններին կոչ եմ անում քաղաքականությունների մշակման հարցում ինչպես որ հարկն է ներգրավեն տեղական իշխանություններին»: