Ուշադրություն. «Կանաչ և թվային զարգացում հանուն էներգետիկ անցման» խորագրով լուսանկարչական մրցույթ երեխաների և երիտասարդների համար

Ուշադրություն. «Կանաչ և թվային զարգացում հանուն էներգետիկ անցման» խորագրով լուսանկարչական մրցույթ երեխաների և երիտասարդների համար

25.10.2022

2022 թվականի նոյեմբերի 21-25-ն անցկացվող ԵՄ Կայուն էներգիայի շաբաթվա (EU Sustainable Energy Week) շրջանակներում ԵՀ «Քաղաքապետերի դաշնագիր՝ Արևելք» ծրագրի ներքո Հայաստանի համայնքների միությունը հայտարարում է «Կանաչ և թվային զարգացում հանուն էներգետիկ անցման» խորագրով լուսանկարչական մրցույթ:

Էներգետիկ անցումը նշանակում է գլոբալ էներգետիկ բնագավառի անցում հանածո վառելիքների (ներառյալ` նավթը, բնական գազը և ածուխը) վրա հիմնված էներգիայի արտադրության և սպառման համակարգերից դեպի վերականգնվող էներգիայի աղբյուրների վրա հիմնված, ածխածնի զրոյական արտանետումներով համակարգի՝ մինչև այս դարի երկրորդ կեսը:

Հետևաբար ակնկալվում է, որ մրցութային աշխատանքները համահունչ կլինեն այս կարգախոսին՝ անդրադառնալով հետևյալ թեմաներից մեկին կամ մի քանիսին. էներգետիկ ռեսուրսների արդյունավետ օգտագործում, էներգախնայողություն, վերականգնվող էներգետիկ ռեսուրսների լայնատարած օգտագործում, կանաչ զարգացում, ինչպես նաև կլիմայի փոփոխության մեղմում և հարմարվողականություն:

Մրցույթի պայմանները.

 Մրցույթին կարող են մասնակցել Հայաստանում Քաղաքապետերի դաշնագրին անդամակցող համայնքների բնակիչները (մասնակիցների նախընտրելի խումբ՝ երեխաներ և երիտասարդներ):

 Յուրաքանչյուր մասնակից կարող է ներկայացնել ոչ ավելի, քան երեք լուսանկար:

 Մրցույթին մասնակցելու համար լուսանկարները (.jpg ձևաչափով) անհրաժեշտ է ուղարկել [email protected] կամ [email protected] էլեկտրոնային հասցեին մինչև ս.թ. նոյեմբերի 24-ը՝ նշելով հեղինակի անունը, ազգանունը, տարիքը, համայնքը, կոնտակտային տվյալները:

 Ցանկալի է, որպեսզի լուսանկարները տեղադրված լինեն սոցիալական հարթակներում / ցանցերում (Facebook, Instagram և այլն), քանի որ աշխատանքների գնահատման ընթացքում հաշվի է առնվելու նաև նկարների այցելության և գնահատման հասանելի վիճակագրությունը: Նկարները սոցիալական հարթակներում / ցանցերում տեղադրման դեպքում համապատասխան հղումներն անհրաժեշտ է ուղարկել վերոհիշյալ էլեկտրոնային հասցեներին:

 Ներկայացնելով լուսանկարը՝ մրցույթի մասնակիցը համաձայնում է մրցույթին ներկայացված աշխատանքի հրապարակային ցուցադրությանը, ինչպես նաև դրա ոչ առևտրային օգտագործմանը՝ էներգախնայողության, էներգաարդյունավետության, վերականգնվող էներգիայի աղբյուրների օգտագործման և կանաչ զարգացման խթանման նպատակով:

Մրցույթի պայմաններին համապատասխանող բոլոր լուսանկարները կտեղադրվեն Հայաստանի համայնքների միության և «Քաղաքապետերի դաշնագիր՝ Արևելք» ծրագրի կայքէջերում և ֆեյսբուքյան էջերում:

Աշխատանքների գնահատումը կիրականացվի ժյուրիի կողմից, որը մրցույթի հաղթողներին կընտրի մինչև դեկտեմբերի 9-ը:

Հորդորում ենք բոլոր մասնակից համայնքներին կազմակերպել նմանատիպ (նույն պայմաններով և պահանջներով) համայնքային մրցույթներ, քանի որ աշխատանքների գնահատման ժամանակ նախապատվությունը կտրվի Կայուն էներգիայի շաբաթվա շրջանակներում համայնքների կողմից նմանատիպ մրցույթների ընթացքում լավագույն ճանաչված և մինչև նոյեմբերի 24-ը վերը հիշատակված էլեկտրոնային հասցեներին ուղարկված աշխատանքներին:

Առաջին 3 տեղերը զբաղեցրած մասնակիցներին կշնորհվեն մրցանակներ:

Մրցույթի մասին բոլոր հարցերով կարող եք գրել հետևյալ էլ. հասցեներով՝ :[email protected] կամ [email protected]։

 


NEWS

Լրացավ Հայաստանում տեղական ինքնակառավարման 26-ամյակը. Միության նախագահ Էմին Երիցյանի ուղերձը
Լրացավ Հայաստանում տեղական ինքնակառավարման 26-ամյակը. Միության նախագահ Էմին Երիցյանի ուղերձը

10:51

10 11 2022

Հարգելի համայնքապետեր, Ավագանու անդամներ, Համայնքային ծառայողներ, Սրտանց շնորհավորում եմ...

Stepanavan Miunicipality has also joined EU Sustainable Energy week-2022
Stepanavan Miunicipality has also joined EU Sustainable Energy week-2022

21:23

09 11 2022

In the framework of EU Sustainable Energy Week-2022, under the EC “Covenant of Mayors...

Conference of the Regional and Local Authorities for the Eastern Partnership (CORLEAP) held its 11th Annual meeting in Liberec
Conference of the Regional and Local Authorities for the Eastern Partnership (CORLEAP) held its 11th Annual meeting in Liberec

12:30

04 11 2022

Conference of the Regional and Local Authorities for the Eastern Partnership (CORLEAP) held its...

 Karl-Heinz Lambertz:
Karl-Heinz Lambertz: "Successful regions are those that value their specificities while being open to others”

15:04

27 10 2022

"I know there is no more sensitive subject than the issue of regional identity, but we need to...

Denmark: Good implementation of European Charter of Local Self-Government, but need better coordination between municipalities and regions
Denmark: Good implementation of European Charter of Local Self-Government, but need better coordination between municipalities and regions

14:18

27 10 2022

The Danish’ government system being one of the most decentralised in Europe, the Council...

 “The international crisis has had strong local effects and local solutions must be found,” says Irish Minister Peter Burke
“The international crisis has had strong local effects and local solutions must be found,” says Irish Minister Peter Burke

12:31

27 10 2022

“Today we enter the eighth month of war in Ukraine, of war in Europe, war on our shared...