Սեպտեմբերի 12-ին Բրյուսելում կայացած Արևգելյան գործընկերության Տարածքային և տեղական իշխանությունների կոնֆերանսի (CORLEAP) տարեկան նիստին Ադրբեջանական կողմը հրաժարվեց 2017թվականի նոյեմբերի 24-ին Բրյուսելում կայանալիք Արևելյան գործընկերության 5-րդ Գագաթաժողովին ուղված հանձնարարականների տեքստում իր լրացումներից և առաջարկներից։

Մինչ այդ Ադրբեջանական կողմը գրավոր և բանավոր մի շարք լրացումներ էր ներկայացրել, որոնց հիմնական համատեքստը կոնֆլիկների հարցի ներառումն էր ադրբեջանամետ ուղղվածությամբ։ CORLEAP տարեկան նիստում հանձնարարականների նախագծի քվեարկությունը հետաձգվեց օրվա վերջ՝ այդ ընթացքում բանակցությունների անցկացման համար։ Կոնֆիդենցիալ բանակցությունների արդյունքում հայկական կողմին հաջողվեց հասնել նրան, որ Ադրբեջանի պատվիրակությունը իր կամքով հետ վերցրեց բոլոր առաջարկները։ Նիստի ավարտին CORLEAP-ը ընդունեց հանձնարարականներն առանց ադրբեջանական առաջարկների։