Դեկտեմբերի 21-ին՝ Վանաձորի տեխնոլոգիական կենտրոնում «Կառուցողական երկխոսության հանձնառություն» ծրագրի շրջանակներում տեղի ունեցավ ՏԻՄ-ՔՀԿ սեմինար քննարկում՝ «Համայնքների զարգացման հեռանկարային մաստեր պլանների մշակման անհրաժեշտությունը և արդյունավետության գնահատման մոտեցումները. hամայնքների զարգացման համապարփակ ռազմավարությունը և արդյունավետության գնահատման մոտեցումները» թեմայով։

Միջոցառումը վարեց Հայաստանի համայնքների միության նախագահ Էմին Երիցյանը:

Միջոցառման նպատակն է նպաստել ՏԻՄ-երին ու ՀԿ-ներին մտնել երկխոսության մեջ և հետագայում էլ ռազմավարական պլանները մշակելիս գնալ համաքայլ:

Փորձագետ Արտակ Երգենյանի և կլոր սեղանի 20-ից ավելի մասնակիցների ներգրավմամբ ինտերակտիվ քննարկումներ ծավալվեցին Հայաստանի համայնքների զարգացման հեռանկարային մաստեր պլանների մշակման անհրաժեշտության և արդյունավետության գնահատման մոտեցումների, համայնքների զարգացման համապարփակ ռազմավարության և արդյունավետության գնահատման մոտեցումների վերաբերյալ:

Ներկայացվեցին աշխարհի տարբեր երկրների փորձից  օրինակներ: Ակտիվ բանավեճ ծավալվեց ՀԿ-ների ու ՏԻՄ-երի ներկայացուցիչների միջև: ՏԻՄ-երն ու ՀԿ-ները ներկայացրին իրենց խնդիրները:

Էմին Երիցյանը շեշտեց այն, որ ՏԻՄ-երն ու ՀԿ-ները մեկը մյուսի կարիքն ունեն:

ՏԻՄ-երի ներկայացուցիչները մտահոգություն հայտնեցին, որ ռազմավարական պլանները թղթի վրա են մնում, Էմին Երիցյանն ասաց՝ նաև մտածողության փոփոխություն է պետք: Ըստ նրա՝ նախկին  խորհրդարյին ռազմավարությունից անցում պիտի կատարվի ավելի արդիական մոտեցումների: Էմին Երիցյանը ներկայացրեց որոշ հաջողված համայնքների փորձից օրինակներ և կարծիք հայտնեց, որ այդ փորձը կարելի է օգտագործել: