«Կա երկու գաղափար, որ մեզ համախմբում է. առաջինը համայնքի կարևորությունն է». Վանիկ Բերբերյանը՝ համայնքային կառավարման ոլորտում հայ-ֆրանսիական համագործակցության մասին

«Կա երկու գաղափար, որ մեզ համախմբում է. առաջինը համայնքի կարևորությունն է». Վանիկ Բերբերյանը՝ համայնքային կառավարման ոլորտում հայ-ֆրանսիական համագործակցության մասին

27.07.2018

Հայաստանի համայնքների միության (ՀՀՄ) և Ֆրանսիայի գյուղական համայնքների ղեկավարների ասոցիացիայի միջև կնքված հուշագրի շրջանակներում Հայաստանում գտնվող Ֆրանսիայի գյուղական համայնքների ղեկավարների ասոցիացիայի ներկայացուցիչները՝ նախագահ Գարժիլես-Դամպիերի համայնքապետ Վանիկ Բերբերյանի գլխավորությամբ, հուլիսի 26-ին հանդիպեցին Արարատի մարզպետ Գարիկ Սարգսյանին: 

Քննարկման ընթացքում Արսոյի համայնքապետ Բրյունո Բետընոն հանդես եկավ կոնկրետ ծրագրով:

ՀՀՄ նախագահ Էմին Երիցյանը, անդրադառնալով համագործակցությանը, նշեց. «Ապակենտրոնացված համագործակցությունն իր նշանակալի տեղն ունի. մոտ 30 միջազգային համագործակցություն ունենք: Մեր համագործակցություններից մեկը Ֆրանսիայի գյուղական համայնքների ասոցիացիայի հետ է: Համագործակցությունը փոխադարձ օգտակար է թե′ փորձառության, թե′ կառավարման մշակույթի, թե′ կոնկրետ ծրագրեր իրականացնելու, թե′ բարեկամություն հաստատելու համար»:

Պարոն Երիցյանը կարևորեց, որ Արարատի մարզի հետ ևս համագործակցության հնարավորություն ստեղծվի: Այս առիթով պարոն Երիցյանը գործնական առաջարկ արեց. «Երեք տարին մեկ անգամ մեկ Ֆրանսիայում, մեկ Հայաստանում հայ-ֆրանսիական համագործակցության համաժողովներ ենք անցկացնում: Եկող տարի պիտի անցկացվի Ֆրանսիայում՝ հավանաբար հայաստանյան ընտրություններից հետո կպլանավորվի: Կարծում եմ, եթե Արարատի մարզը համաձայնություն ունենա, կարող ենք համատեղ գնալ ընդառաջ այդ համաժողովին, որ համագործակցության հնարավորություններ ստեղծվեն»: Վանիկ Բերբերյանը հայտնեց, որ րոպե առ րոպե հետևում էին ՀՀ-ում տեղի ունեցող փոփոխություններին և հույս ունեն, որ այդ փոփոխությունները կարող են ծառայել հօգուտ ՀՀ-ի և ֆրանսիայի համայնքների համագործակցության: Դառնալով ՀՀՄ-ի հետ համագործակցությանը՝ պարոն Բերբերյանն ասաց. «Կա երկու ենթատեքստ, որ մեզ համախմբում է: Առաջինը համայնքի կարևորությունն է. համայնքը միայն վարչական տարածք չէ, այլ ավելին է: Սա մի տարածք է, որտեղ բնակիչները կիսում են իրենց առօրյա կյանքը: Սա տարածք է, որտեղ կարող են տարածվել ծրագրեր և իրականացվել: Պետք է մարդիկ երջանիկ լինեն, որ ապրում են այդ համայնքում, և մեր խնդիրն է ապահովել դա:Երկիրը կենտրոնացած չէ միայն քաղաքաներում, այլ նաև գյուղերում»:

Արարատի մարզպետ Գարիկ Սարգսյանը նշեց. «Ես՝ որպես գյուղական համայնքի նախկին ղեկավար ու Արարատի գործող մարզպետ, պատրաստ եմ աջակցել բոլոր այն ծրագրերի իրականացմանը, որոնք նպաստում են համայնքների զարգացմանն ու տարածաշրջանների հավասարաչափ զարգացմանն ընդհանրապես։ Մեր համատեղ նպատակին հասնելու համար, անշուշտ, կարևոր է շփումներն ու հարաբերությունները նոր մակարդակի բարձրացնելը և այն հանգամանքը, որ համայնքների զարգացման գործում պետք է իր դերակատարումն ունենա յուրաքանչյուր բնակիչ»։

Պարոն Սարգսյանը նշեց, որ հայ-ֆրանսիական միջտարածաշրջանային համագործակցության ասպարեզում Արարատի մարզն արդեն իսկ ունի նախադեպեր՝ ի դեմս Արտաշատ և Փոքր Վեդի համայնքների։ Պարոն Երիցյանն էլ ուրվագծեց, թե ինչ կարող է տալ այս համագործակցությունն Արարատի մարզին. «Մեր համայնքի ղեկավարները վերջին տարիներին վերածվել էին չինովնիկների, ու այս համագործակցությունը առաջինը կարող է տալ այն, որ մեր համայնքի ղեկավարները դառնան նախաձեռնող, ակտիվ քաղաքացիներ ունենալով՝ փորձեն բնակչի հետ աշխատելու կարողությունը տեսնել ու այդ տեսլականն ունենալ:Մարզը նաև մեծ պոնեցյալ ունի գյուղական տուրիզմը զարգացնելու համար, որի հրաշալի օրինակն ունեն ֆրանսիացի գործընկերները»:

Մարզպետի հետ հանդիպումից հետո պատվիրակության անդամներն այցելեցին Խոր Վիրապ վանք-ամրոց (17-րդ դար)։ Այնուհետև Տուշպա Վան գինու մառանում ֆրանսիացի համայնքապետերի համար կազմակերպվեց գինու տուր և գինու համտես:

 


NEWS

Country-specific training on “Establishment of Municipal Energy Management System (EnMS) and Appointment of Energy Managers” was held in Yerevan
Country-specific training on “Establishment of Municipal Energy Management System (EnMS) and Appointment of Energy Managers” was held in Yerevan

12:37

07 12 2023

Country-specific training on “Establishment of Municipal Energy Management System (EnMS)...

Violence against local and regional elected representatives: a threat to our democracies
Violence against local and regional elected representatives: a threat to our democracies

10:04

01 11 2023

An extremely unpleasant experience for those on the receiving end, verbal abuse and physical...

Elections to the Council of Elders of Yerevan: Congress welcomes successful efforts to ensure a well-administered and transparent ballot
Elections to the Council of Elders of Yerevan: Congress welcomes successful efforts to ensure a well-administered and transparent ballot

13:26

30 10 2023

The Congress of Local and Regional Authorities of the Council of Europe adopted a  report...

Congress adopts Declaration on the humanitarian situation in Karabakh and neighbouring cities and regions
Congress adopts Declaration on the humanitarian situation in Karabakh and neighbouring cities and regions

19:09

26 10 2023

Congress expresses deep concern over humanitarian situation in Karabakh and neighbouring cities...

The Congress elects its new President
The Congress elects its new President

16:11

24 10 2023

The Congress of Local and Regional Authorities of Council of Europe has renewed its presidency...

45th Congress session will be held in Strasbourg
45th Congress session will be held in Strasbourg

23:47

22 10 2023

The Congress of Local and Regional Authorities of the Council of Europe will hold its  45...