Ցանցային հաղորդակցության թեմայով վեբինարները շարունակվում են․ տասնակ համայնքների մամուլի քարտուղարներ ծանոթացան հաղորդակցության նոր գործիքների

Ցանցային հաղորդակցության թեմայով վեբինարները շարունակվում են․ տասնակ համայնքների մամուլի քարտուղարներ ծանոթացան հաղորդակցության նոր գործիքների

31.03.2023

Հայաստանի համայնքների միության նախաձեռնությամբ շարունակվում են «Ցանցային հաղորդակցության գործիքներ․իրավիճակի գնահատում և անհրաժեշտ գործողությունների իրականացում» թեմայով վեբինարները համայնքների հաղորդակցության պատասխանատուների, մամուլի քարտուղարների համար:

Մարտի 30-ին տեղի ունեցած վեբինարի ընթացքում Հայաստանի համայնքների միության հաղորդակցության պատասխանատու Տաթևիկ Հարությունյանը մասնակիցներին ներկայացրել է YouTube-ում աշխատանքի առանձնահատկությունները, լավագույն գործիքները YouTube-ի համար։

Վեբինարի շարքի նպատակն է քննարկել հաղորդակցության ներկայիս միտումները, սոցցանցերում աշխատանքի առանձնահատկությունները, ներկայացնել առկա գործիքները սոցիալական ցանցերում գրագետ և արդյունավետ աշխատանքի համար  և համայնքային էջերի օրինակով հասկանալ առկա խնդիրներն ու հետագա անելիքները, ինչպես նաև ստեղծել հարթակ միմյանց փորձի ներկայացման և քննարկման համար։

Այս վեբինարի ընթացքում իրենց համայնքային էջերի մասին տեղեկություններ են ներկայացրել Գյումրի և  Նաիրի համայնքների մամուլի քարտուղարները։

Գյումրի համայնքի ղեկավարի մամուլի քարտուղար Սոնա Առաքելյանը ներկայացրել է համայնքի ֆեյսբուքյան պաշտոնական էջն, պաշտոնական, կայքն ու յութուբյան ալիքը, դիտելիության ցուցանիշներ, այս հարթակներում աշխատանքի կազմակերպման առանձնահատկությունները։ Նաև ներկայացվել է վերլուծություն համայնքային էջի թիրախային լսարանի, ինչպես նաև օգտատերերի հետ աշխատանքի վերաբերյալ։

Նաիրի համայնքի ղեկավարի մամուլի քարտուղար Ջեմմա Սարդարյանը ներկայացրել է Նաիրի խոշորացված համայնքի պաշտոնական կայքէջն ու ֆեյսբուքյան էջը, ինչպես նաև համայնքի վարչական շրջանների պաշտոնական էջերն ու հարակից այլ էջեր։ Ներկայացրել է աշխատանքի կազմակերպման առանձնահատկությունները խոշորացված համայնքի պաշտոնական էջում և վարչական շրջանների էջերում։ Նաև հայտնել է թվային և որակական ցուցանիշներ համայնքապետարանի ֆեյսբուքյան պաշտոնական էջի հետևորդների մասին։

«Ասպարեզ» կայքի խմբագիր և լրագրող Անի Մկրտչյանը ներկայացրել է իր դիտարկումները կապված համայնքների կայքէջերի և ֆեյսբուքյան էջերի հետ։ Նա հայտնել է, որ իրենց մոնիտորինգի արդյունքները ցույց են տալիս՝ կան ընդհանուր խնդիրներ, սխալներ, որոնք բնորոշ են բոլոր համայնքների կայէջերին և ֆեյսբուքյան էջերին։ Այս տեսանկյունից նկատել է՝ համայնքային էջերում բոլոր շնորհավորանքները և տեղեկությունները տրվում են նույն մեթոդով՝ պաշտոնական տարբերակով, մինչդեռ ունենք լսարան, որն ավելի շատ է կառչած սոցցանցերից և այլ պահանջներ է ներկայացնում։ Ուստի ըստ փորձագետի՝ պետք է վերանայել տեղեկատվության մատուցման ձևերը։ Օրինակ՝ առաջարկել է ավելի շատ օգտագործել ինֆոգրաֆիկաներ, ներառել մուլտիմեդիոն նյութեր։ Նաև նշել է, որ խնդիրներից է այն, որ չկա հատուկ մեթոդաբանություն համայնքների ֆեյսբուքյան էջերի հետ կապվելու․ օրինակ՝ շատ դեպքերում չեն գործում այդ էջերում նշված հեռախոսահամարները և այլն։ Անի Մկրտչյանը նաև կարևորել է համայնքների լրատվության բաժնի աշխատակիցների վերապատրաստումները, քանի որ թեպետ սոցիալական մեդիան զարգանում է, այդ աշխատակիցների առաջ դրված ժամանակակից մեթոդները փոխվել են, բայց ոչ վերապատրաստումներ են նրանց համար կատարվում, ոչ էլ աշխատավարձի վերանայում է եղել։

Այնուհետև հարցուպատասխանի ժամանակ վեբինարի մասնակիցները տարատեսակ հարցեր են հղել փորձագետին՝ կապված ֆեյսբուք սոցիալական ցանցում աշխատանքի առանձնահատկությունների, ֆեյսբուքյան օգտատերերի հետ աշխատանքի հետ և այլն։

Նշենք, որ վեբինարների շարքը կլինի շարունակական, որոնցից յուրաքանչյուրի ընթացքում երկուական համայնքների ներկայացուցիչներ կներկայացնեն իրենց համայնքային ֆեյսբուքյան էջերը, պաշտոնական կայքէջերը, իրենց աշխատանքի սկզբունքները։ Այնուհետև հրավիրված փորձագետը կարծիք կհայտնի համայնքային էջերի վերաբերյալ, որոշ խորհուրդներ կտա համայնքային ֆեյսբուքյան էջերը վարող մասնագետներին։

 


NEWS

Country-specific training on “Establishment of Municipal Energy Management System (EnMS) and Appointment of Energy Managers” was held in Yerevan
Country-specific training on “Establishment of Municipal Energy Management System (EnMS) and Appointment of Energy Managers” was held in Yerevan

12:37

07 12 2023

Country-specific training on “Establishment of Municipal Energy Management System (EnMS)...

Violence against local and regional elected representatives: a threat to our democracies
Violence against local and regional elected representatives: a threat to our democracies

10:04

01 11 2023

An extremely unpleasant experience for those on the receiving end, verbal abuse and physical...

Elections to the Council of Elders of Yerevan: Congress welcomes successful efforts to ensure a well-administered and transparent ballot
Elections to the Council of Elders of Yerevan: Congress welcomes successful efforts to ensure a well-administered and transparent ballot

13:26

30 10 2023

The Congress of Local and Regional Authorities of the Council of Europe adopted a  report...

Congress adopts Declaration on the humanitarian situation in Karabakh and neighbouring cities and regions
Congress adopts Declaration on the humanitarian situation in Karabakh and neighbouring cities and regions

19:09

26 10 2023

Congress expresses deep concern over humanitarian situation in Karabakh and neighbouring cities...

The Congress elects its new President
The Congress elects its new President

16:11

24 10 2023

The Congress of Local and Regional Authorities of Council of Europe has renewed its presidency...

45th Congress session will be held in Strasbourg
45th Congress session will be held in Strasbourg

23:47

22 10 2023

The Congress of Local and Regional Authorities of the Council of Europe will hold its  45...